ಮತ್ತೆ ಕುಸಿದ ಚಿನ್ನದ ದರ, ಗ್ರಾಹಕರು ಫುಲ್ ಖುಷ್: ಹೀಗಿದೆ ನೋಡಿ ರೇಟ್
ಏರಿಳಿತವಾಡುತ್ತಿದ್ದ ಚಿನ್ನದ ದರ ಮತ್ತೆ ಕುಸಿತ| ಚಿನ್ನ ಖರೀದಿಗೆ ಒಳ್ಳೆಯ ಸಮಯ| ಹೀಗಿದೆ ನೋಡಿ ಫೆಬ್ರವರಿ 11ಗೋಲ್ಡ್ ರೇಟ್
ಕೇಂದ್ರ ಬಜೆಟ್ ಮಂಡನೆ ಬಳಿಕ ಏಕಾಏಕಿ ಇಳಿಕೆ ಕಂಡಿದ್ದ ಚಿನ್ನ, ನಿಧಾನವಾಗಿ ಏರಲಾರಂಭಿಸಿತ್ತು.
ಇದು ಗ್ರಾಹಕರನ್ನು ಕಂಗಾಲುಗೊಳಿಸಿತ್ತು. ದರ ಮತ್ತಷ್ಟು ಏರುವ ಮುನ್ನ ಚಿನ್ನ ಖರೀದಿಯೇ ಉತ್ತಮ ಎಂಬ ಅಭಿಪ್ರಾಯವೂ ವ್ಯಕ್ತವಾಗಿತ್ತು.
ಕೇವಲ ಮೂರು ದಿನದ ಅಂತದಲ್ಲಿ ಚಿನ್ನದ ದರ ಬರೋಬ್ಬರಿ 2 ಸಾವಿರ ರೂಪಾಯಿ ಇಳಿಕೆ ಕಂಡಿತ್ತು.
ಲಾಕ್ಡೌನ್ ಬಳಿಕದಿಂದಲೂ ಹಾವೇಣಿ ಆಟವಾಡುತ್ತಿದ್ದ ಚಿನ್ನದ ದರ ಇಳಿಕೆಯಾಗಿದ್ದು ಗ್ರಾಹಕರನ್ನೂ ಸಂತಸಗೀಡು ಮಾಡಿತ್ತು.
ಹೀಗೆ ಸುಮಾರು ಒಂದು ವಾರ ಇಳಿಕೆ ಹಾದಿ ಹಿಡಿದಿದ್ದ ಚಿನ್ನದ ದರ ಮತ್ತೆ ಏರಿಕೆ ಕಂಡಿತ್ತು. ಆದರೀಗ ಬರೋಬ್ಬರಿ ನಾಲ್ಕು ದಿನಗಳ ಬಳಿಕ ಮತ್ತೆ ರೇಟ್ ಕುಸಿದಿದೆ.
ಇಂದು ಬೆಂಗಳೂರಿನಲ್ಲಿ 10 ಗ್ರಾಂ 22 ಕ್ಯಾರೆಟ್ ಚಿನ್ನದ 200 ರೂ. ಇಳಿಕೆಯಾಗಿ ದರ 44,550 ರೂಪಾಯಿ ಆಗಿದೆ.
ಇನ್ನು, 24 ಕ್ಯಾರೆಟ್ನ 10 ಗ್ರಾಂ ಚಿನ್ನದ ದರ 210ರೂ. ಇಳಿಕೆಯಾಗಿ 48,600ರೂಪಾಯಿ ಆಗಿದೆ.
ಇನ್ನು ಇತ್ತ ಬೆಳ್ಳಿ ದರ ಮಾತ್ರ ಒಂದು ಕೆ. ಜಿ. ಬೆಳ್ಳಿ ದರ 68,800ರೂ ಆಗಿದೆ.
ಹೀಗಿದ್ದರೂ ತಜ್ಞರು ಮಾತ್ರ ಕೊರೋನಾ ಆತಂಕ ಇನ್ನೂ ನಿವಾರಣೆಯಾಗಿಲ್ಲ, ಹೀಗಾಗಿ ಚಿನ್ನದ ದರ ಏರಿಕೆ ಆಗುವ ಸಾಧ್ಯತೆಗಳಿವೆ ಎಂದು ಅಂದಾಜಿಸಿದ್ದಾರೆ