ಸದ್ಯ ಬೇಲ್ ಮೇಲೆ ಜೈಲ್ ಹೊರಗಿರುವ ದರ್ಶನ್‌ ಮುಂದಿನ ಕಥೆ ಏನು? ವಿಡಿಯೋದಲ್ಲೇನೋ ಇದೆ ನೋಡಿ!

ಕಳೆದ ವರ್ಷದ ಕೊನೆಗೆ ದರ್ಶನ್ ನಟನೆಯ ಕಾಟೇರ ಸಿನಿಮಾ ತೆರೆಗೆ ಬಂದಿತ್ತು. ಕನ್ನಡ ಸಿನಿರಂಗದಲ್ಲೇ ಅತಿದೊಡ್ಡ ಯಶಸ್ಸು ಕಂಡ ಕಾಟೇರ ದರ್ಶನ್​ ಪಾಲಿಗೆ ವರ್ಷಾರಂಭದಲ್ಲೇ ಗೆಲುವಿನ ಸಿಹಿಯನ್ನ ನೀಡಿತ್ತು. ಆದ್ರೆ ಖುಷಿಯಿಂದ ವರ್ಷಾರಂಭ ಮಾಡಿದ ದರ್ಶನ್​ಗೆ ಆ ಬಳಿಕ ಬೆನ್ನು ಬಿದ್ದಿದ್ದೆಲ್ಲಾ ಬರೀ ವಿವಾದಗಳೇ. ಅದ್ರಲ್ಲೂ ವರ್ಷಾಂತ್ಯದ ವೇಳೆ ದರ್ಶನ್​ ಜೈಲಿನಲ್ಲಿ ಕೊಳೆಯುವ ಸ್ಥಿತಿ ಬಂದಿದೆ. 2024ರಲ್ಲಿ ಶುಭಾರಂಭ ಮಾಡಿದ್ದ ದಾಸನಿಗೆ ವರ್ಷಾಂತ್ಯದ ಹೊತ್ತಿಗೆ ವೃತ್ತಿ ಬದುಕೇ ಅಂತ್ಯವಾಗುವಂತೆ ಆಗಿದೆ.

ಕಳೆದ ಜೂನ್​ನಲ್ಲಿ ದರ್ಶನ್ ಮರ್ಡರ್ ಕೇಸ್​​ನಲ್ಲಿ ಅರೆಸ್ಟ್ ಆದ್ರು. ಗೆಳತಿ ಪವಿತ್ರಾಗೆ ಅಶ್ಲೀಲ ಮೆಸೆಜ್ ಮಾಡ್ತಿದ್ದ ರೇಣುಕಾಸ್ವಾಮಿಯನ್ನ ಹೆದರಿಸೋಕೆ ಹೋಗಿ ಪ್ರಾಣವನ್ನೇ ತೆಗೆದಿದ್ದ ದರ್ಶನ್, ಈ ಕೇಸ್ ಮುಚ್ಚಿಹಾಕೋಕೆ ಮೂವರನ್ನ ಹಣ ಕೊಟ್ಟು ಸರೆಂಡರ್ ಮಾಡಿಸಿದ್ರು. ಆದ್ರೆ ಖಾಕಿಪಡೆ ಇದರ ಹಿಂದಿನ ಅಸಲೀಯತ್ತನ್ನ ಹೊರತೆಗೆದು ದರ್ಶನ್​ನ ಬಂಧಿಸಿ ಜೈಲಿಗಟ್ಟಿತ್ತು.

ಸದ್ಯ ಮೆಡಿಕಲ್ ಬೇಲ್ ಮೇಲೆ ಆಸ್ಪತ್ರೆಯಲ್ಲಿರೋ ದಾಸ ಇನ್ನೆರಡು ವಾರದಲ್ಲಿ ಜೈಲಿಗೆ ಮರಳಬೇಕಿದೆ. ಒಟ್ಟಾರೆ ಖುಷಿ ಖುಷಿಯಿಂದ ವರ್ಷಾರಂಭ ಮಾಡಿದ್ದ ದರ್ಶನ್​ಗೆ ವರ್ಷಾಂತ್ಯ ಮಾತ್ರ ದುರಂತಮಯವಾಗಿದೆ. ಹೆಚ್ಚಿನ ಮಾಹಿತಿಗೆ ವಿಡಿಯೋ ನೋಡಿ..