ಉಪ್ಪಿ UI ಚಿತ್ರದ ಟೈಟಲ್‌ಗೆ ಅಪ್ಪುನೇ ಸ್ಪೂರ್ತಿಯಂತೆ: ಹೇಗೆ ಗೊತ್ತಾ?

ಉಪೇಂದ್ರ ನಟಿಸಿ, ನಿರ್ದೇಶನ ಮಾಡುತ್ತಿರುವ ಹೊಸ ಸಿನಿಮಾ UI ಟೈಟಲ್ ಬಗ್ಗೆ ಭಾರೀ ಚರ್ಚೆ ನಡೆಯುತ್ತಿದೆ. ತಮ್ಮ ಚಿತ್ರದ ಟೈಟಲ್ ಅನ್ನು ಹಣೆ ಮೇಲೆ ಹಾಕಿಕೊಂಡು ಬಂದಿದ್ದ ಉಪೇಂದ್ರ ಆ ಟೈಟಲ್ ಧಾರ್ಮಿಕ ಚಿಹ್ನೆಯಂತೆಯೂ ಕಾಣಿಸಿದೆ. ಇದೀಗ ಈ ಟೈಟಲ್ ಇಡೋದಕ್ಕೆ ಬಾಲನಟನಾಗಿದ್ದ ಪುನೀತ್ ರಾಜ್ ಕುಮಾರ್ (Puneeth Rajkumar) ಸ್ಪೂರ್ತಿ ಅಂತ ಹೇಳಲಾಗ್ತಿದೆ.

ಅಪ್ಪು ಎರಡು ವರ್ಷದ ಹುಡುಗ ಆಗಿದ್ದಾಗ ತಮ್ಮ ಹಣೆಯ ಮೇಲೆ ನಾಮವನ್ನು ಹಾಕಿಕೊಂಡಿದ್ರು. ಆ ಫೋಟೋಗೂ ಉಪೇಂದ್ರ ಕಾಣಿಸಿದ ರೀತಿಗೂ ಹೋಲಿಕೆ ಆಗುವುದರಿಂದ ನಿಮಗಿಂತ ಮೊದಲೇ ಅಪ್ಪು ನಿಮ್ಮ ಸಿನಿಮಾದ ಟೈಟಲ್ ರಿವಿಲ್ ಮಾಡಿದ್ದಾರೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.