ದುಬೈನಲ್ಲಿ ವಿಕ್ರಾಂತ್ ರೋಣ ಕಹಳೆ! ಕೋಬ್ರಾಗಾಗಿ ಶ್ರೀನಿಧಿಗೆ ಸಿಕ್ಕ ಸಂಭಾವನೆ ಎಷ್ಟು?

ಕೆಜಿಎಫ್ ಕ್ವೀನ್, ಶ್ರೀನಿಧಿ ಶೆಟ್ಟಿಗೆ 'ಕೆಜಿಎಫ್: ಚಾಪ್ಟರ್ 1' ಹಾಗೂ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾಗಳು ಸಿಕ್ಕಾಪಟ್ಟೆ ಜನಪ್ರಿಯತೆ ತಂದುಕೊಂಟ್ಟಿವೆ. 6-7 ವರ್ಷ ಕೆಜಿಎಫ್‌ಗಾಗಿ ಸಮಯ ಕೊಟ್ಟಿದ್ದ ಶ್ರೀನಿಧಿಗೆ ಆ ಸಿನಿಮಾಗಳು ಅಷ್ಟೇ ದೊಡ್ಡ ಇಮೇಜ್ಅನ್ನ ತಂದುಕೊಟ್ಟಿವೆ. ಇದೀಗ ಶ್ರೀನಿಧಿ ಚಿಯಾನ್ ವಿಕ್ರಂ ನಟನೆಯ ಕೋಬ್ರಾ ಸಿನಿಮಾಗೆ ನಾಯಕಿ ಆಗಿದ್ದು, ಆ ಸಿನಿಮಾದಲ್ಲಿ ಶ್ರೀನಿಧಿಗೆ ಸಿಕ್ಕ ಸಂಭಾವನೆ ಬಗ್ಗೆ ಮಾಹಿತಿ ಹೊರ ಬಂದಿದೆ. ಕೆಜಿಎಫ್ ಚಾಪ್ಟರ್-2 ಚಿತ್ರಕ್ಕೆ ರೀನಾ ಪಾತ್ರ ಮಾಡಿದ್ದ ಶ್ರೀನಿಧಿ 3 ಕೋಟಿ ಸಂಭಾವನೆ ಪಡೆದಿದ್ರು. ಇದೀಗ ಕೋಬ್ರಾ ಸಿನಿಮಾಗೆ 6 ಕೋಟಿ ಅಂತ ಸುದ್ದಿ ಹೊರ ಬಿದ್ದಿದೆ. 

ದೇಶಾದ್ಯಂತ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಟನೆಯ ವಿಕ್ರಾಂತ್ ರೋಣ ಹಬ್ಬ ಶುರುವಾಗಿದೆ. ವಿದೇಶಗಳಲ್ಲು ವಿಕ್ರಾಂತ್ ರೋಣನಿಗಾಗಿ ಕಿಚ್ಚನ ಫ್ಯಾನ್ಸ್ ಕಾದಿದ್ದಾರೆ. ಇದೀಗ ದುಬೈನಲ್ಲೂ ವಿಕ್ರಾಂತ್ ರೋಣ ಸೌಂಡ್ ಶುರುವಾಗಿದೆ. ದುಬೈನ ಬುರ್ಜ್ ಕಲೀಫ ಮೇಲೆ ವಿಕ್ರಾಂತ್ ರೋಣ ಗ್ಲಿಮ್ಸ್ಅನ್ನ ರಿಲೀಸ್ ಮಾಡಿ ಕನ್ನಡದ ಕಹಳೆ ಊದಿದ್ದ ವಿಕ್ರಾಂತ್ ರೋಣ ಸಿನಿಮಾ ಇದೀಗ ದುಬೈ ಮೈನ್ಸ್ಟ್ರೀಮ್ ಪ್ರತಿಕೆಗಳಲ್ಲೂ ರಾರಾಜಿಸುತ್ತಿದೆ. ಅನೂಪ್ ಭಂಡಾರಿ ನಿರ್ದೇಶನದ ಜಾಕ್ ಮಂಜು ನಿರ್ಮಾಣದ ವಿಕ್ರಾಂತ್ ರೋಣ ಸಿನಿಮಾ ಜುಲೈ 28ಕ್ಕೆ ವರ್ಲ್ಡ್ ವೈಡ್ ಬಿಡುಗಡೆ ಆಗುತ್ತಿದೆ.