'ಜೈಲರ್' ನಲ್ಲಿ ಶಿವಣ್ಣ- ರಜನಿ, ಹೇಗಿರಲಿದೆ ಕಾಂಬಿನೇಷನ್..?

ಶಿವಣ್ಣ ಹಾಗೂ ರಜನಿ ಕಾಂತ್ 'ಜೈಲರ್' ಸಿನಿಮಾದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ. ಈ ಸಿನಿಮಾದ ಫಸ್ಟ್ ಲುಕ್ಹೊರ ಬಂದಿದ್ದು, ರಕ್ತಸಿಕ್ತ ಕತ್ತಿಯನ್ನ ಮಾತ್ರ ತೋರಿಸಲಾಗಿದೆ. ಹೀಗಾಗಿ ಈ ಜೈಲರ್ ಬಗ್ಗೆ ದೊಡ್ಡ ಕುತೂಹಲ ಸೃಷ್ಟಿಯಾಗಿದೆ. ಜೊತೆಗೆ ಶಿವರಾಜ್ ಕುಮಾರ್ ರೋಲ್ ಹೇಗಿರುತ್ತೆ ಅನ್ನೋ ಕೌತುಕ ಹೆಚ್ಚಾಗಿದೆ.

ರಜನಿಕಾಂತ್ ಮಾಸ್ ಜೊತೆ ಸ್ಟೈಲ್, ವಿಭಿನ್ನ ಮ್ಯಾನರಿಸಂ ಫೇಮಸ್. ಹ್ಯಾಟ್ರಿಕ್ ಹೀರೋ ಮಾಸ್‌ಗೆ ಚಾಲೇಂಜ್ ಹಾಕಿ ಮತ್ತಷ್ಟು ಮಾಸ್ ಆಗಿ ನಟಿಸ್ತಾರೆ. ಸೌತ್ ಸಿನಿ ರಂಗದ ಈ ಇಬ್ಬರು ದಿಗ್ಗಜ ಸ್ಟಾರ್ಸ್ ಒಂದಾದ್ಮೇಲೆ ಅಲ್ಲಿ ಮ್ಯಾಜಿಕ್ ಗ್ಯಾರಂಟಿ. ಸೋ ಜೈಲರ್ ಸಿನಿಮಾದಲ್ಲೂ ಅಂತಾದ್ದೊಂದು ಮ್ಯಾಜಿಕ್ ಮಾಡಲಿದೆ ಈ ಜೋಡಿ. ಈ ಸಿನಿಮಾದಲ್ಲಿ ರಜನಿ ಕಾಂತ್ಗೆ ಎಷ್ಟು ಸ್ಪೇಸ್ ಇರುತ್ತೋ ಅಷ್ಟೇ ಸ್ಪೇಸ್ ಶಿವರಾಜ್ಕುಮಾರ್ ಪಾತ್ರಕ್ಕೂ ಇದೆ. ಶಿವಣ್ಣ ಕಂಪ್ಲೀಟ್ ಮಾಸ್ ಅವತಾರದಲ್ಲಿ ದರ್ಬಾರ್ ನಡೆಸಲಿದ್ದಾರಂತೆ. 

ವಿಶೇಷ ಅಂದ್ರೆ ಮೊದಲ ಭಾರಿಗೆ ಶಿವರಾಜ್ ಕುಮಾರ್ ತಮಿಳು ಸಿನಿಮಾದಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ. ಈ ಚಿತ್ರಕ್ಕೆ ಕಾಲಿವುಡ್ ಟಾಪ್ ನಿರ್ದೇಶಕ ನೆಲ್ಸನ್ ದಿಲೀಪ್ ಕುಮಾರ್ ಆ್ಯಕ್ಷನ್-ಕಟ್ ಹೇಳಲಿದ್ದಾರೆ. ಈ ಸಿನಿಮಾ ಬಗ್ಗೆ ಶಿವರಾಜ್ ಕುಮಾರ್ ಕೂಡ ಎಕ್ಸೈಟ್ ಆಗಿದ್ದು, ಏಷ್ಯಾನೆಟ್ ಸುವರ್ಣ ನ್ಯೂಸ್ ಜೊತೆ ಎಕ್ಸ್ಕ್ಲ್ಯೂಸೀವ್ ಆಗಿ ಮಾತನಾಡಿದ್ದಾರೆ.