ರಾ..ರಾ ರಕ್ಕಮ್ಮ ಆಯ್ತು, ಈಗ ರಣ ಭಯಂಕರ ಡೆವಿಲ್! ಇದೇ 28 ಕ್ಕೆ ವಿಕ್ರಾಂತ್ ರೋಣ ಹಬ್ಬ!

ಇಷ್ಟು ದಿನ ರಾ ರಾ ರಕ್ಕಮ್ಮನನ್ನ ಮೈ ಮೇಲೆ ಬಿಟ್ಟುಕೊಂಡಿದ್ದ ನಮಗೆ ಈಗ ಗುಮ್ಮನ ಗುಂಗಲ್ಲೇ ಇರೋ ಹಾಗೆ ಗುಮ್ಮನ ಎಂಟ್ರಿ ಆಗಿದೆ. ರಾತ್ರಿ ಕುದುರೆ ಬೆನ್ನ ಏರಿ.. ಬೀಸೊ ಗಾಳಿ ಜೊತೆಗೆ ಸೇರಿ.. ಕತ್ತಲಲ್ಲಿ ಕಳ್ಳನಂತೆ, ಬೇಟೆ ಆಡೋ ಬಿಲ್ಲನಂತೆ ಈ ಡೆವಿಲ್ ಬಂದಿದ್ದಾನೆ. 

ವಿಕ್ರಾಂತ್ ರೋಣನ ಸದ್ದು ಜೋರಾಗಿದೆ. ಬಾಕ್ಸಾಫೀಸ್ ಇರಿಯಲು ಈಗ ಮೊನಚು ಕಟಾರಿ ಹಿಡಿದು ಗುಮ್ಮ ಬಂದಿದ್ದಾರೆ. ಗುಮ್ಮನ ಈ ಹಾಡನ್ನ ನೋಡುತ್ತಿದ್ರೆ ಮೈ ಜುಮ್ ಎನ್ನುತ್ತೆ.. ಹೆಬ್ಬುಲಿ ಕಿಚ್ಚ ಕಣ್ಣಲ್ಲೇ ಬೆಂಕಿ ಉಗುಳುತ್ತಾ ಗುಮ್ಮನ ಹಾಗೆ ಸಿಡಿದೆದ್ದಿದ್ದಾರೆ.

ಈ ಗುಮ್ಮ ಸಾಂಗ್‌ನ ನಿರ್ದೇಶಕ ಅನೂಪ್ ಭಂಡಾರಿ ಅವರೇ ಬರೆದು ಹಾಡಿದ್ದಾರೆ. ಅಜನೀಶ್ ಲೋಕನಾಥ್ ಮ್ಯೂಸಿಕ್ ಈ ಹಾಡಿಗೆ ಸೇರಿರೋದ್ರಿಂದ ನೆಕ್ಸ್ಟ್ ಲೆವೆಲ್ನಲ್ಲಿ ಸಾಂಗ್ ಫೀಲ್ ಕೊಡುತ್ತಿದೆ. ಐದು ಭಾಷೆಯಲ್ಲಿ ಡೆವಿಲ್ ಕೋಪದ ಹಾಡು ಹೊರ ಬಂದಿದೆ. ಕನ್ನಡದಲ್ಲಿ ಬಂದ ಈ ಹಾಡು ಬಿಡುಗಡೆ ಆಗಿ ಕೇವಲ ಎರಡು ಗಂಟೆಯಲ್ಲಿ 20 ಲಕ್ಷ ಜನ ನೋಡಿದ್ದಾರೆ..  

ಜುಲೈ 28 ವಿಕ್ರಾಂತ್ ರೋಣನ ಹಬ್ಬ. ಆ ದಿನದಿಂದ ವರ್ಲ್ಡ್ ವೈಡ್ ಗುಮ್ಮ ಕಾಡಿಸುತ್ತೆ. ಈ ಡೆವಿಲ್ ಎಂಟ್ರಿಗೆ ಸುದೀಪ್ ಅಭಿಮಾನಿಗಳು ಭರ್ಜರಿ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಥಿಯೇಟರ್, ಮಾಲ್ಗಳ ಮುಂದೆ ತಲೆ ಎತ್ತಲು ವಿಕ್ರಾಂತ್ ರೋಣನ ಕಟೌಟರ್ಗಳು ಸಿದ್ಧವಾಗಿವೆ.