ಬಘೀರನಾಗಲು ರೆಡಿಯಾದ ರೋರಿಂಗ್ ಸ್ಟಾರ್ ; ಮತ್ತೆ ಒಂದಾಯ್ತು ಉಗ್ರಂ ಜೋಡಿ

ರೋರಿಂಗ್ ಸ್ಟಾರ್ ಶ್ರೀ ಮುರಳಿ (Sri Murali) ಅಭಿನಯದ ಬಘೀರ (Baghera) ಸಿನಿಮಾ ಸೆಟ್ಟೇರಲಿದೆ. ತೆರೆ ಮೇಲೆ ಬಘೀರನಾಗಿ ರೋರಿಂಗ್ ಸ್ಟಾರ್ ಘರ್ಜಿಸೋದಕ್ಕಾಗಿ ಎಲ್ಲಾ ರೀತಿಯ ತಯಾರಿ ನಡೆದಿದೆ. ಬಹಳ ದಿನದ ನಂತ್ರ ಮತ್ತೆ ಉಗ್ರಂ ಜೋಡಿ ಒಂದಾಗುತ್ತಿದ್ದು ಈ ಬಾರಿ ಪ್ಯಾನ್ ಇಂಡಿಯಾ ಲೆವೆಲ್ ನಲ್ಲಿ ಶ್ರೀಮುರಳಿ ಮಿಂಚಲಿದ್ದಾರೆ.

ನಟ ಶ್ರೀ ಮುರಳಿ ಬಘೀರ ಸಿನಿಮಾದಲ್ಲಿ ಖಡಕ್ ಪೊಲೀಸ್ ಆಫೀಸರ್ ಆಗಿ ಕಾಣಿಸಿಕೊಳ್ತಿದ್ದಾರೆ. ಈಗಾಗಲೇ ಚಿತ್ರದ ಪೋಸ್ಟರ್ ರಿವಿಲ್ ಆಗಿದ್ದು ಪೊಸ್ಟರ್ ನಲ್ಲಿ ಪೊಲೀಸ್ ಆಫೀಸರ್ ಲುಕ್ , ರೋರಿಂಗ್ ಸ್ಟಾರ್ ಅನ್ನೋದ್ರ ಗುರುತು ಹಾಗೂ ಮಾಸ್ ಕಮರ್ಷಿಯಲ್ ಸಿನಿಮಾ ಅನ್ನೋ ಹಿಂಟ್ ಕೊಟ್ಟಿದ್ದಾರೆ ನಿರ್ದೇಶಕ ಡಾ ಸೂರಿ. ಇನ್ನು ಟ್ಯಾಗ್ ಲೈನ್ ನಲ್ಲಿ When society becomes a jungle.. ಎಂದಿರೋದ್ರಿಂದ ಆಕ್ಷನ್ , ಮಾಸ್ ಸೀನ್ ಗಳು ಕಮ್ಮಿ ಇಲ್ಲ ಅನ್ನೋದಂತು ಕನ್ಫರ್ಮ್ ಆಗಿದೆ.

ಈಗಾಗಲೇ ಸ್ಯಾಂಡಲ್ ವುಡ್ ನ ಬಿಗ್ ಸ್ಟಾರ್ ಗಳ ಸಿನಿಮಾಗಳಿಗೆ ಬಂಡವಾಳ ಹಾಕ್ತಿರೋ ಹೊಂಬಾಳೆ (Hombale) ಸಂಸ್ಥೆಯೇ ಶ್ರೀಮುರಳಿ ಅವ್ರ ಬಘೀರ ಚಿತ್ರವನ್ನ ನಿರ್ಮಾಣ ಮಾಡ್ತಿದೆ. ಮೇ 20 ರಂದು ಸಿನಿಮಾ ಮುಹೂರ್ತ ನಡೆಯಲಿದೆ.