ಹೀರೋ ಹೊಂಡ ಸಾಂಗ್, ಶರಣ್ ಪೆಪ್ಪಿ ಡಾನ್ಸ್, ಆಶಿಕಾ ರಂಗನಾಥ್ ಗ್ಲಾಮರಸ್ ಲುಕ್..!

ಚುಟು ಚುಟು.... ಹಾಡಿನ ಮೂಲಕ ಮನ ಗೆದ್ದ ಆಶಿಕಾ ರಂಗನಾಥ್- ಶರಣ್ ಈಗ ಮತ್ತೊಮ್ಮೆ ಮೋಡಿ ಮಾಡುತ್ತಿದ್ದಾರೆ.  ಆಶಿಕಾ ಶರಣ್ ಈ ಬಾರಿ ಹೀರೋ ಹೊಂಡ ಬೈಕ್ ಏರಿ ಬಂದಿದ್ದಾರೆ.  ಅದು ಅವತಾರ ಪುರುಷ ಸಿನಿಮಾದಲ್ಲಿ. ಉತ್ತರ ಕರ್ನಾಟಕ ಶೈಲಿಯ ಹಾಡಿನಲ್ಲಿ ಶರಣ್ ಆಶಿಕಾ ಭರ್ಜರಿ ಸ್ಟೆಪ್ಸ್ ಹಾಕಿದ್ದು, ಯುಗಾಧಿ ಹಬ್ಬಕ್ಕೆ ಅವತಾರ ಪುರುಷ ಸಿನಿಮಾದ ಸ್ಪೆಷಲ್ ಡಾನ್ಸ್ ನಂಬರ್ ರಿಲೀಸ್ ಆಗಿದೆ. ಈ ಹಾಡಿನಲ್ಲಿ ಬ್ಯೂಟಿ ಆಶಿಕಾಗೆ ಕಾಮಿಡಿ ಅಧ್ಯಕ್ಷ ಶರಣ್ ಇಂಡಿಯಾದಲ್ಲೇ ಇಂಗ್ಲೇಡ್ ತೋರಿಸಿದ್ದಾರೆ.

ಶರಣ್ ಆಶಿಕಾ ಕಾಂಬಿನೇಷನ್ನ ಅವತಾರ ಪುರುಷ ಸಿನಿಮಾದ ಟೀಸರ್ ಸೂಪರ್ ಹಿಟ್ ಆಗಿದೆ. ಇದೀಗ ಹೊರ ಬಂದಿರೋ ಹೀರೋ ಹೋಂಡ ಸಾಂಗ್ ಈ ಡಾನ್ಸ್ ಮ್ಯೂಸಿಕ್ ನಲ್ಲಿ ಹೊಸ ಟ್ರೆಂಡ್ ಹುಟ್ಟುಹಾಕುತ್ತಿದೆ. ಈ ಹಾಡಿನಲ್ಲಿ ಕಲರ್ಫುಲ್ ಸೆಟ್ ಜೊತೆ ಶರಣ್ ಆಶಿಕಾ ಸಖತ್ ಆಗಿ ಸ್ಟೆಪ್ ಹಾಕಿದ್ದಾರೆ. ಶರಣ್ ಮಾಡೋ ಪೆಪ್ಪಿ ಡಾನ್ಸ್, ಆಶಿಕಾ ಗ್ಲಾಮರಸ್ ಲುಕ್ ಈ ಹಾಡನ್ನ ಮತ್ತೆ ಮತ್ತೆ ನೋಡಬೇಕನ್ನಿಸುತ್ತೆ. 

ಮೇ 6 ರಂದು ‘ಅವತಾರ ಪುರುಷ’ ಸಿನಿಮಾ ತೆರೆಗೆ ಬರುತ್ತಿದೆ. ಪುಷ್ಕರ್ ಫಿಲ್ಮ್ಸ್ ಅಡಿಯಲ್ಲಿ ಪುಷ್ಕರ್ ಮಲ್ಲಿಕಾರ್ಜುನಯ್ಯ ಈ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಸಿಂಪಲ್ ಸುನಿ ಅವತಾರ ಪುರುಷ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ.