ಪುಂಡರ ಸಹವಾಸ ಕಟ್​, ಅಮ್ಮಾವ್ರ ಗಂಡ ದರ್ಶನ್! ಹೆಂಡತಿ ಬೆಂಗಾವಲಿನಲ್ಲಿ ದಾಸನ ದಿನಚರಿ ಹೇಗಿದೆ?

ನಟ ದರ್ಶನ್​ ಖದರ್​ ಕರಗಿ ತಿಂಗಳುಗಳೇ ಕಳೆದಿವೆ. ಒಂದೇ ಒಂದು ದೊಡ್ಡ ದುರಂತ ದಾಸನ ಗತ್ತು ದೌಲತ್ತನ್ನೆಲ್ಲಾ ರಕ್ತದಲ್ಲಿ ಕೊಚ್ಚಿ ಹೋಗೋ ಹಾಗೆ ಮಾಡಿದೆ. ದರ್ಶನ್ ಈಗೇನಿದ್ರು ಅಮ್ಮಾವ್ರ ಗಂಡ. ದಾಸನಿಗೆ ಹೆಂಡತಿಯೇ ಬೆಂಗಾವಲು. ಕುಂತ್ರು ನಿಂತ್ರೂ ದರ್ಶನ್​​ ತನ್ನ ಮುದ್ದು ರಾಕ್ಷಸಿಯ ಮಾತು ಬಿಟ್ರೆ ಬೇರಾರ ಮಾತನ್ನೂ ಕೇಳಿಸಿಕೊಳ್ಳೋಲ್ಲ. ಹಾಗಾದ್ರೆ ಅಮ್ಮಾವ್ರ ಪತಿ ದಾಸನ ದಿನಚರಿ ಹೇಗಿದೆ? ದಚ್ಚು ಕರಿಯರ್  ಬಿಲ್ಡ್ ಮಾಡಲು ವಿಜಯಲಕ್ಷ್ಮೀ ಏನೆಲ್ಲಾ ಮಾಡುತ್ತಾರೆ ಅಂತ ನೋಡೋಣ  

ನಟ ದರ್ಶನ್​​ ಸಂಪೂರ್ಣ ಬದಲಾಗಿದ್ದಾರೆ. ದರ್ಶನ್ ಕೆಲಸ ಏನಿದ್ರು ಶೂಟಿಂಗ್ ಮತ್ತು ಮನೆ ಹೆಂಡ್ತಿ ಮಗ ಇಷ್ಟೇ ಪ್ರಪಂಚ. ದರ್ಶನ್​ ಹಿಂದೆ ಇದ್ದ ಪುಂಡ ಪೋಕ್ರಿಗಳ  ದೊಡ್ಡ ಬಾಲ ಕಟ್​ ಆಗಿದೆ. ದರ್ಶನ್ ಈಗ ಹೆಂಡ್ತಿ ಮಗನ ಜೊತೆಯಷ್ಟೇ ಓಡಾಡ್ತಾರೆ.  ದೊಡ್ಡ ಸ್ಟಾರ್​ ಡಮ್​ ಇದ್ರೂ ನಟ ದರ್ಶನ್​ ಹಾಳಾಗಿದ್ದು ಅವರ ಸುತ್ತ ಇದ್ದ ಕೆಟ್ಟ ಪಟಾಲಂನಿಂದ ಅಂತ ಇಡೀ ಚಿತ್ರರಂಗ ಒಕ್ಕೊರಲಿನಿಂದ ಹೇಳಿತ್ತು. ಅದು ನಿಜವೂ ಆಯ್ತು. ದರ್ಶನ್ ಸುತ್ತ ಇದ್ದವರೆಲ್ಲಾ ಕಿರಾತಕರೆ. ಆದ್ರೆ ಈಗ ಆ ಕಿರಾತಕ ಗ್ಯಾಂಗ್​ ಅನ್ನ ದಚ್ಚು ದೂರ ಇಟ್ಟಿದ್ದಾರೆ. ಡ್ಯಾಮೇಜ್ ಆಗಿರೋ ದಾಸನ ಇಮೇಜ್​ ಅನ್ನ ಮತ್ತೆ ಕಟ್ಟಿಕೊಡೋಕೆ ಪತ್ನಿ ವಿಜಯಲಕ್ಷ್ಮೀ ಪಣ ತೊಟ್ಟಿದ್ದಾರೆ. 

ನಟ ದರ್ಶನ್​​​ ಸಂಪೂರ್ಣ ಜವಾಬ್ಧಾರಿ ವಿಜಯಲಕ್ಷ್ಮೀಯದ್ದು. ದಚ್ಚು ಬೆಳಗ್ಗೆ ಎದ್ದು ರಾತ್ರಿ ಮಲಗೋ ವರೆಗೂ ಏನ್ ಮಾಡಬೇಕು. ಏನು ಮಾಡಬಾರದು ಅಂತ ನಿರ್ಧರಿಸೋದು ವಿಜಯಲಕ್ಷ್ಮೀ. ಹೀಗಾಗಿ ದಾಸ ಶೂಟಿಂಗ್ ಬಿಟ್ರೆ ಸೀದಾ ಮನೆ ಸೇರಿಕೊಳ್ತಾರೆ. ದಚ್ಚುಗೆ ಬೇಕಾದ ಊಟ ಜಿಮ್​​​ ಬಟ್ಟೆ ಹೀಗೆ ಪ್ರತಿಯೊಂದನ್ನ ನೋಡಿಕೊಳ್ಳೋದು ಪತ್ನಿಯೇ ಅಂತೆ. ದರ್ಶನ್ ಕೂಡ ನನಗೆ ಯಾರ್ ಸಹವಾಸವೂ ಬೇಡ ಅಂತ ಹೆಂಡತಿ ಜೊತೆಯೇ ಎಲ್ಲಾ ಕಡೆ ಓಡಾಡುತ್ತಿದ್ದಾರೆ.