ಕಾಂಗ್ರೆಸ್‌ ನಿಲುವು ಸ್ವಾಗತಿಸಿ, ಬಿಜೆಪಿ ಕೂಡಾ ಕಾರ್ಯಕ್ರಮ ಕೈಬಿಡಲಿ ಎಂದ ಬಿಎಸ್‌ವೈ

ಕಾಂಗ್ರೆಸ್‌ ಆಗಸ್ಟ್‌ 26 ರಂದು ಮಡಿಕೇರಿ ಚಲೋ ಅಭಿಯಾನ ಕೈಬಿಟ್ಟಿದೆ. ಈ ಹಿನ್ನೆಲೆ ಕಾಂಗ್ರೆಸ್‌ ನಿಲುವನ್ನು ಯಡಿಯೂರಪ್ಪ ಸ್ವಾಗತಿಸಿದ್ದಾರೆ. ಈ ಸಂಬಂಧ ಪ್ರತಿಕ್ರಿಯೆ ನೀಡಿದ ಯಡಿಯೂರಪ್ಪ, ಶಾಂತಿ ಕಾಪಾಡಲು ಕಾಂಗ್ರೆಸ್‌ ತಮ್ಮ ಕಾರ್ಯಕ್ರಮವನ್ನು ರದ್ದು ಮಾಡಿದೆ. ಇದೇ ರೀತಿ, ಆಗಸ್ಟ್‌ 26 ರಂದು ಬಿಜೆಪಿ ಜನಜಾಗೃತಿ ಸಭೆಯನ್ನು ಇಟ್ಟುಕೊಂಡಿದ್ದು, ಕಾಂಗ್ರೆಸ್‌ನಂತೆ ನಮ್ಮ ಪಕ್ಷದ ಕಾರ್ಯಕ್ರಮವನ್ನೂ ಸಹ ಕೈಬಿಡಬೇಕು ಎಂದು ಸ್ವಪಕ್ಷೀಯರನ್ನು ಮಾಜಿ ಸಿಂ ಯಡಿಯೂರಪ್ಪ ಒತ್ತಾಯಿಸಿದ್ದಾರೆ. ಮಡಿಕೇರಿಯಲ್ಲಿ 144 ಸೆಕ್ಷನ್‌ ಹಾಕಿರುವ ಹಿನ್ನೆಲೆ ಕಾಂಗ್ರೆಸ್‌ ತಮ್ಮ ಮಡಿಕೇರಿ ಚಲೋ ಅಭಿಯಾನವನ್ನು ಮುಂದೂಡಿಕೆ ಮಾಡಿದೆ ಎನ್ನಲಾಗಿದೆ.