Jan 26, 2020, 1:20 PM IST
ವಿಜಯಪುರ(ಜ.26): ಸಾಮಾಜಿಕ ಜಾಲತಾಣ ಟಿಕ್ಟಾಕ್ನಲ್ಲಿ ವಿಜಯಪುರದ ಅಜ್ಜನೊಬ್ಬ ಹವಾ ಎಬ್ಬಿಸಿದ್ದಾನೆ. ಹೌದು, ಸುಮಾರು 60 ವರ್ಷದ ಪ್ರಕಾಶ ಗಾಣಿಗೇರ್‌ ಎಂಬ ಅಜ್ಜ ಟಿಕ್‌ಟಾಕ್‌ಗೆ ಎಂಟ್ರಿ ಕೊಟ್ಟು ಕೇವಲ ಒಂದೇ ತಿಂಗಳಲ್ಲಿ 70 ಸಾವಿರ ಪಾಲೋಅರ್ಸ್‌ ಹಾಗೂ 8 ಲಕ್ಷ ಲೈಕ್ಸ್‌ಗಳನ್ನ ಪಡೆದುಕೊಂಡಿದ್ದಾನೆ.
ಟಿಕ್ಟಾಕ್ನಲ್ಲಿ ಅಜ್ಜ ಮಾಡುವ ವಿಡಿಯೋಗಳು ಭಾರೀ ವೈರಲ್‌ ಆಗುತ್ತಿವೆ. ಮನೆಯಲ್ಲಿ ಖಾಲಿ ಕೂತಾಗಲೆಲ್ಲ ಅಜ್ಜ ಟಿಕ್‌ಟಾಕ್‌ ವಿಡಿಯೋಗಳನ್ನ ಮಾಡುತ್ತಾನೆ. ಈ ಅಜ್ಜ ಈಗ ವಿಜಯಪುರ, ಕಲ್ಬುರ್ಗಿ, ಬಾಗಲಕೋಟೆ ಜಿಲ್ಲೆಗಳಲ್ಲಿ ಅದೆಷ್ಟು ಫೇಮಸ್ ಆಗಿದ್ದಾನೆ ಅಂದ್ರೆ, ಎಲ್ಲೆ ಅಜ್ಜ ಕಂಡ್ರು ಜನರು ಟಿಕ್‌ಟಾಕ್‌ ಮುತ್ಯಾ ಅಂತ ಕರೆಯುತ್ತಾರೆ.