ಲೋಕಸಭಾ ಚುನಾವಣೆ ದಿನಾಂಕ ಘೋಷಣೆಗೂ ಮುನ್ನ ಮೋದಿ ಅಧ್ಯಕ್ಷತೆಯಲ್ಲಿ ಮಂತ್ರಿ ಪರಿಷತ್ ಸಭೆ!

ಲೋಕಸಭಾ ಚುನಾವಣಾ ದಿನಾಂಕ ಕೆಲವೇ ದಿನದಲ್ಲಿ ಘೋಷಣೆಯಾಗಲಿದೆ. ಇದೀಗ ಮಾರ್ಚ್ 3 ರಂದು ಬಿಜೆಪಿ ಮಂತ್ರಿ ಪರಿಷತ್ ಸಭೆ ಕರೆಯಲಾಗಿದೆ. ಕಳೆದ 10 ವರ್ಷದಲ್ಲಿನ ಪ್ರತಿ ವಿಭಾಗದ ಸಾಧನೆಗಳು ವರದಿ ಸೇರಿದಂತೆ ಹಲವು ವಿಷಯಗಳು ಚರ್ಚೆಯಾಗಲಿದೆ. ಈ ಸಭೆಯ ಬಳಿಕ ಯಾವುದೇ ಕ್ಷಣದಲ್ಲಿ ಚುನಾವಣಾ ಆಯೋಗ ಲೋಕಸಭಾ ಚುನಾವಣೆ ದಿನಾಂಕ ಘೋಷಿಸುವ ಸಾಧ್ಯತೆ ಇದೆ. 2009ರಲ್ಲಿ ಮಾರ್ಚ್ 2ಕ್ಕೆ ಚುನಾವಣೆ ಘೋಷಣೆ ಮಾಡಲಾಗಿತ್ತು. ಇನ್ನು 2014ರಲ್ಲಿ ಮಾರ್ಚ್ 5 ಹಾಗೂ 2019ರಲ್ಲಿ ಮಾರ್ಚ್ 10ಕ್ಕೆ ಚುನಾವಣೆ ದಿನಾಂಕ ಘೋಷಣೆ ಮಾಡಲಾಗಿತ್ತು. ಈ ಬಾರಿ ಮಾರ್ಚ್ ಮೊದಲ ವಾರ ಅಥವಾ ಎರಡನೇ ವಾರದ ಆರಂಭದಲ್ಲೇ ಚುನಾವಣೆ ದಿನಾಂಕ ಘೋಷಣೆಯಾಗುವ ಸಾಧ್ಯತೆ ಇದೆ.