ಕೇವಲ 10 ದಿನದಲ್ಲಿ 2 ಲಕ್ಷಕ್ಕೇರಿದ ಕೇಸ್, ಏ. 25 ಕ್ಕೆ ನಿತ್ಯ 3 ಲಕ್ಷ ಕೇಸ್..?

ಬೆಂಗಳೂರು (ಏ. 16): ಕೊರೊನಾ 2 ನೇ ಅಲೆ ಭಯಾನಕವಾಗಿ ಬೀಸುತ್ತಿದ್ದು, ಗುರುವಾರ ಒಂದೇ ದಿನ 2 ಲಕ್ಷ ಜನರಿಗೆ ಕೋವಿಡ್- 19 ಸೋಂಕು ತಗುಲಿದೆ. ಒಂದೇ ದಿನ 1038 ಜನರು ಸೋಂಕಿಗೆ ಬಲಿಯಾಗಿದ್ದಾರೆ. ಇನ್ನೂ ಆತಂಕಕಾರಿ ವಿಚಾರ ಎಂದರೆ ನಿತ್ಯ ದಾಖಲಾಗುವ ಪ್ರಕರಣಗಳ ಸಂಖ್ಯೆ 1 ರಿಂದ 2 ಲಕ್ಷ ತಲುಪಲು ಕೇವಲ 10 ದಿನ ತೆಗೆದುಕೊಂಡಿರುವುದು ಭಾರೀ ಆತಂಕ ಹುಟ್ಟು ಹಾಕಿದೆ. ಹೀಗೆ ಮುಂದುವರೆದರೆ ಏಪ್ರಿಲ್ 25 ರ ವೇಳೆಗೆ ನಿತ್ಯ ಸೋಂಕು 3 ಲಕ್ಷಕ್ಕೆ ತಲುಪುವ ಸಾಧ್ಯತೆ ಇದೆ.