May 19, 2022, 5:21 PM IST
ಲಕ್ನೋ (ಮೇ.19): ಗ್ಯಾನವಾಪಿ ಮಸೀದಿಯಲ್ಲಿ (Gyanvapi mosque ) ಪುರಾತನ ಶಿವಲಿಂಗ (Shivalinga) ಪತ್ತೆಯಾದ ಬೆನ್ನಲ್ಲೇ, ಈ ಹಿಂದೆ ತೆಗೆಯಲಾದ ಶಿವಲಿಂಗ ಇರುವ ಪ್ರದೇಶ ಎನ್ನಲಾದ ಮಸೀದಿಯ ಒಳಭಾಗದ ದೃಶ್ಯಗಳಿರುವ ವಿಡಿಯೋವೊಂದು ವೈರಲ್‌ ಆಗಿದೆ. ಈ ವಿಡಿಯೋದಲ್ಲಿ ನಮಾಜ್‌ ಓದುವ ಮುನ್ನ ಜನರು ಕೈಕಾಲು ತೊಳೆಯುವ ಸ್ಥಳದಲ್ಲಿ ಪುರಾತನ ಶಿವಲಿಂಗ ಕಂಡುಬಂದಿದೆ. ಶಿವಲಿಂಗದ ಸುತ್ತಲೂ ಕಟ್ಟೆಯಾಕಾರದ ನಿರ್ಮಾಣ ಕಂಡುಬಂದಿದೆ.
News Hour ಹಿಂದೂಗಳ ನಂಬಿಕೆಯನ್ನೇ ತಮಾಷೆ ಮಾಡಿದ ಕಾಂಗ್ರೆಸ್
ಗ್ಯಾನವಾಪಿ ಮಸೀದಿಯಲ್ಲಿ ಶಿವಲಿಂಗ ಪತ್ತೆಯಾಗಿರುವ ಸ್ಥಳಕ್ಕೆ ಅಭಿಮುಖವಾಗಿ, ಕಾಶಿ ವಿಶ್ವನಾಥ ಮಂದಿರದಲ್ಲಿ ನಂದಿ ವಿಗ್ರಹವಿದೆ. ಅಂದರೆ ಶಿವಲಿಂಗಕ್ಕೆ ಅಭಿಮುಖವಾಗಿ ನಂದಿ ವಿಗ್ರಹವಾಗಿದೆ. ಈ ಎರಡು ವಿಗ್ರಹಗಳ ನಡುವೆ ತಾತ್ಕಾಲಿಕ ಗೋಡೆಯೊಂದನ್ನು ನಿರ್ಮಿಸಲಾಗಿದೆ. ಇದನ್ನು ತಕ್ಷಣವೇ ತೆರವುಗೊಳಿಸಬೇಕು ಎಂದು ಕೋರಿ ಅರ್ಜಿ ಸಲ್ಲಿಸಲಾಗಿದೆ.