ತನಿಖೆಗೆ ಸಿದ್ಧ, ನನ್ನ ರಕ್ತದಲ್ಲಿ ಸಂಗೀತ ಬಿಟ್ಟು ಬೇರೆನೂ ಸಿಗಲ್ಲ: ರಘು ದೀಕ್ಷಿತ್

ಬೆಂಗಳೂರು (ಆ. 30): ಡ್ರಗ್ಸ್‌ ಸುಳಿಯಲ್ಲಿ ಸ್ಯಾಂಡಲ್‌ವುಡ್ ಸಿಲುಕಿಕೊಂಡಿದೆ.  ಡ್ರಗ್ಸ್ ಕಳಂಕ ಅಂಟಿಕೊಂಡಿದೆ. ಚಿತ್ರೋದ್ಯಮಿ ಪ್ರಶಾಂತ್ ಸಂಬರಗಿ ಸಂಗೀತ ನಿರ್ದೇಶಕ ರಘು ದೀಕ್ಷಿತ್ ಮೇಲೆ ಆರೋಪ ಮಾಡಿದ್ದಾರೆ. ಈ ಆರೋಪವನ್ನು ರಘು ದೀಕ್ಷಿತ್ ತಳ್ಳಿ ಹಾಕಿದ್ದಾರೆ. 

'ಈ ವಿಚಾರಕ್ಕೆ ಸಂಬಂಧಿಸಿದಂತೆ ತನಿಖೆಗೆ ನಾನು ಸಿದ್ಧ. ರಕ್ತ ಪರೀಕ್ಷೆಗೂ ಸಿದ್ಧನಿದ್ದೇನೆ. ನನ್ನ ರಕ್ತದಲ್ಲಿ ಸಂಗೀತವಿದೆ. ಇದು ಬಿಟ್ಟರೆ ಬೇರೆ ಏನೂ ಸಿಗಲ್ಲ. ತನಖೆಗೆ ಎಲ್ಲಾ ರೀತಿಯಲ್ಲಿಯೂ ಸಹಕರಿಸಲು ನಾನು ಸಿದ್ಧ' ಎಂದು ರಘು ದೀಕ್ಷಿತ್ ಹೇಳಿದ್ದಾರೆ.