ಫ್ಯಾನ್ಸ್​ ವಾರ್ ಮಧ್ಯೆ ಬಾಕ್ಸಾಫೀಸ್​ ವಾರ್​ಗೆ ಇಳಿತಾರಾ ಅಲ್ಲು ಅರ್ಜುನ್-ಪ್ರಭಾಸ್?

ಸಿನಿಮಾ ರಂಗದಲ್ಲಿ ಸ್ಟಾರ್​ ಸಿನಿಮಾಗಳ ಮಧ್ಯೆ ಸ್ಟಾರ್ ಅಭಿಮಾನಿಗಳ ಮಧ್ಯೆ ಕಿತ್ತಾಟ ಕಚ್ಚಾಟ ನೋಡಿರ್ತೀರಾ. ಅಭಿಮಾನಿಗಳ ಕಿತ್ತಾಟ ಕಚ್ಚಾಟ ಪೀಕ್​ಗೆ ಹೋಗಿ ಕೈ ಕೈ ಮಿಲಾಯಿಸಿದ್ದೂ ಆಗಿದೆ. ಮೊನ್ನೆಯಷ್ಟೆ ಅಲ್ಲು ಅರ್ಜುನ್ ಫ್ಯಾನ್ಸ್ ಹಾಗು ನಟ ಪ್ರಭಾಸ್ ಫ್ಯಾನ್ಸ್​ ಬಡಿದಾಡಿಕೊಂಡಿದ್ರು. ಈ ವಿಚಾರ ಅಲ್ಲು-ಪ್ರಭಾಸ್ ಮನೆ ವರೆಗೂ ತಲುಪಿದೆ. ಇದ್ರಿಂದ ಆಂಧ್ರ ತುಂಬೆಲ್ಲಾ ಇರೋ ಇಬ್ಬರ ಫ್ಯಾನ್ಸ್​​ ಮಧ್ಯೆ ದೊಡ್ಡ ವೈರತ್ವ ಬೆಳೆದುಕೊಂಡಿತ್ತು. ಒಂದ್ ಕಡೆ ಅಲ್ಲು ಅರ್ಜುನ್ ಹಾಗು ಡಾರ್ಲಿಂಗ್ ಪ್ರಭಾಸ್​ ಫ್ಯಾನ್ಸ್ ಬಡಿದಾಡಿಕೊಂಡಿದ್ದಾರೆ. ಇವರ ಗಲಾಟೆ ಸಮಾಧಾನ ಆಗೋ ಮೊದಲೇ ಅಲ್ಲು ಅರ್ಜುನ್​ ಜೊತೆ ಬಾಕ್ಸಾಫೀಸ್​ ವಾರ್​ ಮಾಡೋ ಸೂಚನೆ ಕೊಟ್ಟಿದ್ದಾರೆ ನಟ ಡಾರ್ಲಿಂಗ್ ಪ್ರಭಾಸ್. 

ಸಲಾರ್ ಸಿನಿಮಾ ಬಳಿಕ ನಟ ಡಾರ್ಲಿಂಗ್ ಪ್ರಭಾಸ್​ ಫ್ಯಾನ್ಸ್​​ ಕಾಯುತ್ತಿರೋ ಸಿನಿಮಾ ಕಲ್ಕಿ 2898 AD ಸಿನಿಮಾ. ಪ್ಯಾನ್ ಇಂಡಿಯಾ ಸಿನಿಮಾ ಆಗಿರೋ ಕಲ್ಕಿ ಟೀಸರ್​​​ ನೋಡಿಯೇ ಪ್ರಭಾಸ್ ಪ್ಯಾನ್ಸ್ ಥ್ರಿಲ್ ಆಗಿದ್ದಾರೆ. ಮೇ 9ರಂದು ಸಿನಿಮಾ ರಿಲೀಸ್ ಮಾಡಲು ತಂಡ ನಿರ್ಧರಿಸಿತ್ತು. ಆದ್ರೆ ಈಗ ಎಲೆಕ್ಷನ್​ ಇರೋದ್ರಿಂದ ಕಲ್ಕಿ ರಿಲೀಸ್​ ದಿನಾಂಕ ಮತ್ತೆ ಮುಂದಕ್ಕೆ ಹೋಗಿದೆ. ಅಲ್ಲು ಅರ್ಜುನ್ ಫ್ಯಾನ್ಸ್ ಹಬ್ಬ ಮಾಡಬೇಕು ಅಂತ ಡಿಸೈಟ್ ಆಗಿರೋದು ಪುಷ್ಪನ ಜೊತೆಗೆ. ಪುಷ್ಪ 2 ಸಿನಿಮಾ ಬಗ್ಗೆ ಪ್ಯಾನ್ ಇಂಡಿಯಾದಲ್ಲಿ ಎಷ್ಟು ಕ್ರೇಜ್ ಇದೆ ಅಂತ ನಿಮ್ಗೆಲ್ಲಾ ಗೊತ್ತು. ಆಗಸ್ಟ್ 14ಕ್ಕೆ ಪುಷ್ಪ 2 ವಿಶ್ವದಾದ್ಯಂತ ತೆರೆ ಕಾಣುತ್ತಿದೆ. ಆಗಸ್ಟ್ 14ಕ್ಕೆ ಒಂದ್ ಕಡೆ ಪುಷ್ಪರಾಜ್ ಅಲ್ಲು ಅರ್ಜುನ್ ಬಾಕ್ಸಾಫೀಸ್ ದರ್ಬಾರ್ ಮಾಡೋದು ಪಕ್ಕಾ. 

ಆದ್ರೆ ಅಲ್ಲು ಬಾಕ್ಸಾಫೀಸ್​ ಬೇಟೆಗೆ ಬ್ರೇಕ್ ಹಾಕೋಕೆ ಪ್ರಭಾಸ್ ರೆಡಿಯಾದಂತೆ ಕಾಣುತ್ತಿದೆ. ಯಾಕಂದ್ರೆ ಪುಷ್ಪ2 ರಿಲೀಸ್ ಆದ ದಿನದಂದೇ ಪ್ರಭಾಸ್​ರ ಕಲ್ಕಿ 2898 AD ಸಿನಿಮಾ ಕೂಡ ರಿಲೀಸ್ ಆಗುತ್ತೆ ಅಂತ ಹೇಳಲಾಗ್ತಿದೆ. ಹೀಗಾಗಿ ಇಬ್ಬರು ಟಾಲಿವುಡ್​​ನ ಪ್ಯಾನ್​ ಇಂಡಿಯಾ ಸ್ಟಾರ್ಸ್​​ ಮಧ್ಯೆ ಬಾಕ್ಸಾಫೀಸ್​ ಗಲಾಟೆ ಶುರುವಾಗುತ್ತೆ ಅಂತ ಬಾಕ್ಸಾಫೀಸ್ ಪಂಡಿತರ ಲೆಕ್ಕಾಚಾರ. ಹಾಗೇನಾದ್ರು ಆದ್ರೆ ಇಬ್ಬರ ಅಭಿಮಾನಿಗಳ ಕಿತ್ತಾಟ ಗಲಾಟೆ ಜೋರಾಗೋದ್ರ ಜೊತೆಗೆ ಬಾಕ್ಸಾಫಿಸ್​​ನಲ್ಲಿ ಗೆಲ್ಲೋದ್ಯಾರು ಅನ್ನೋ ಕುತೂಹಲವೂ ಹೆಚ್ಚಾಗುತ್ತೆ.