Bollywood: ಪಾರ್ಟಿಯಲ್ಲಿ ಸಲ್ಲು-ಶಾರುಖ್ ಡ್ಯಾನ್ಸ್: ವಿಡಿಯೋ ವೈರಲ್
ಶಾರುಖ್ ಖಾನ್ ಹಾಗೂ ಸಲ್ಮಾನ್ ಖಾನ್ ಪಾರ್ಟಿಯೊಂದರಲ್ಲಿ ಒಟ್ಟಿಗೆ ಸೇರಿ ಮಸ್ತ್ ಡಾನ್ಸ್ ಮಾಡಿದ್ದಾರೆ. ವಿಡಿಯೋ ವೈರಲ್ ಆಗಿದೆ.
ಶಾರುಖ್ ಖಾನ್ ಹಾಗೂ ಸಲ್ಮಾನ್ ಖಾನ್ ಒಂದು ಕಾಲದಲ್ಲಿ ಬಾಲಿವುಡ್ ನಲ್ಲಿ ಕುಚಿಕು ಫ್ರೆಂಡ್ಸ್. ಆದ್ರೆ ಒಟ್ಟೊಟ್ಟಿಗೆ ಬಂಡಿ ಎಳೆಯುತ್ತಿದ್ದ ಈ ಜೋಡೆತ್ತುಗಳ ಮೇಲೆ ಅದ್ಯಾರ ಕಣ್ಣು ಬಿದ್ದಿತ್ತೋ ಏನೋ, ಒಟ್ಟಿಗೆ ಗೆಳೆಯರಂತೆ ಹೆಜ್ಜೆ ಹಾಕುತ್ತಿದ್ದ ಇವರು ಸ್ನೇಹದ ನೊಗ ಬಿಚ್ಚಿಕೊಂಡು ದೂರ ದೂರ ಆದ್ರು. ದಶಕಗಳ ಕಾಲ ಎಲ್ಲೂ ಎದುರಾಗದೇ ಒಬ್ಬರಿಗೊಬ್ಬರು ತುಟಿ ಬಿಚ್ಚಿ ಮಾತನಾಡದೇ ಹಾವು ಮುಂಗುಸಿಯಂತಿದ್ದ ಸಲ್ಮಾನ್ ಖಾನ್ ಶಾರುಖ್ ಖಾನ್ ಕಳೆದ ಮೂರ್ನಾಲ್ಕು ವರ್ಷದಿಂದ ಇಬ್ಬರು ಆಗಾಗ ಒಟ್ಟಿಗೆ ಸೇರ್ತಾರೆ. ಫೋಟೋಗೆ ಪೋಸ್ ಕೊಡ್ತಾರೆ. ಹಾಡ್ತಾರೆ ಹಾಗೂ ಕುಣಿತಾರೆ. ಇದೀಗ ಬಾಲಿವುಡ್ ಈ ಕರಣ್ ಅರ್ಜುನ್ ಪಾರ್ಟಿಯೊಂದರಲ್ಲಿ ಮತ್ತೆ ಒಂದಾಗಿದ್ದು, ಇಬ್ಬರು ಅಪ್ಪಿಕೊಂಡು ತಮ್ಮ ಸ್ನೇಹವನ್ನ ತೆರೆದಿಟ್ಟಿದ್ದಾರೆ. ಅಷ್ಟೆ ಅಲ್ಲ ಆ ಪಾರ್ಟಿಯಲ್ಲಿ ಇಬ್ಬರು ಒಟ್ಟಿಗೆ ಮಸ್ತ್ ಡಾನ್ಸ್ ಮಾಡಿದ್ದಾರೆ. ಆ ವಿಡಿಯೋ ಈಗ ಸೋಶಿಯಲ್ ಸಮುದ್ರದ ಹಾಟ್ ಟಾಪಿಕ್ ಆಗಿದೆ.
