ಈ ಕೊರೋನಾ(corona) ಎಂಬ ಕಾಯಿಲೆ ಜಗತ್ತನ್ನೇ ನಡುಗಿಸಿದ ಮೇಲಂತೂ 'ಆರೋಗ್ಯವೇ ಭಾಗ್ಯ'(health is wealth) ಎಂಬ ಮಾತು ಎಷ್ಟು ಸತ್ಯ ಎಂಬುದು ಪ್ರತಿಯೊಬ್ಬರಿಗೂ ಅರ್ಥವಾಗಿದೆ. ಇಡೀ ದಿನ ಕಷ್ಟ ಪಟ್ಟು ಕೆಲಸ ಮಾಡಿದ ಮೇಲೆ ಮನೆಯಲ್ಲಿ ತಲೆ ಇಟ್ಟು ಮಲಗುವಾಗ ನೆಮ್ಮದಿಯೇ ಬೇಕಾಗಿರುವುದು. ಆ ನೆಮ್ಮದಿಗೆ ಆರೋಗ್ಯ(health) ಬಹು ಮುಖ್ಯ. ಸಾಮಾನ್ಯವಾಗಿ ಮನೆ ಕಟ್ಟುವಾಗ ವಾಸ್ತು ಶಾಸ್ತ್ರದ ಸಲಹೆ ಪಡೆದಿದ್ದರೆ ಮನೆಯಲ್ಲಿ ಪಾಸಿಟಿವ್ ಎನರ್ಜಿ ತುಂಬಿ ಆರೋಗ್ಯ, ನೆಮ್ಮದಿ ತುಂಬಿರಲು ಬೇಕಾದಂತೆ ಗೈಡ್ ಮಾಡಿರುತ್ತಾರೆ. ವಾಸ್ತು(Vastu)ವಿನ ಈ ಸಲಹೆಗಳು ಮನೆಯ ಸದಸ್ಯರನ್ನು ಮಾನಸಿಕವಾಗಿ, ದೈಹಿಕವಾಗಿ ಆರೋಗ್ಯದಿಂದಿರಲು ಸಹಕರಿಸುತ್ತವೆ.
- ಈಶಾನ್ಯ(Northeast) ದಿಕ್ಕಿನಲ್ಲಿ ಪ್ರತಿದಿನ ದೀಪ ಹಚ್ಚುವುದರಿಂದ ಆರೋಗ್ಯ ಹೆಚ್ಚುತ್ತದೆ.
- ನಲ್ಲಿಗಳು ಸೋರುತ್ತಿದ್ದರೆ ಅದು ನಕಾರಾತ್ಮಕತೆ ತರುತ್ತದೆ. ಆರೋಗ್ಯದಲ್ಲಿ ಇಳಿಕೆಯಾಗುತ್ತಿರುವ ಸೂಚನೆ ಅದು. ಹಾಗಾಗಿ, ಮನೆಯ ಯಾವುದೇ ನಲ್ಲಿಗಳು ಸೋರದಂತೆ ನೋಡಿಕೊಳ್ಳಿ.
- ಮೆಟ್ಟಿಲಿನ ಕೆಳಗಿರುವ ಸ್ಥಳಾವಕಾಶದಲ್ಲಿ ಶೌಚಾಲಯ ನಿರ್ಮಿಸುವುದು ಅಥವಾ ಸ್ಟೋರೇಜ್ ಆಗಿಯೋ, ಕಿಚನ್ ಆಗಿಯೋ ಬಳಸುವುದನ್ನು ಮಾಡಬಾರದು. ಇದರಿಂದ ನರಸಂಬಂಧಿ ಕಾಯಿಲೆಗಳು ಹಾಗೂ ಹೃದಯ ಸಮಸ್ಯೆಗಳು ಎದುರಾಗಬಹುದು.
- ಓದುವಾಗ ಅಥವಾ ಕೆಲಸ ಮಾಡುವಾಗ ಉತ್ತರ ದಿಕ್ಕಿಗೆ ಮುಖ ಮಾಡಿ ಕುಳಿತುಕೊಳ್ಳಿ. ಇದರಿಂದ ನೆನಪಿನ ಶಕ್ತಿ ಹೆಚ್ಚುತ್ತದೆ.
- ಮನೆಯ ಎದುರು ತುಳಸಿ ಗಿಡ ನೆಡುವುದರಿಂದ ಮನೆಯೊಳಗೆ ಬರುವ ಗಾಳಿ ಸ್ವಚ್ಛವಾಗುತ್ತದೆ. ರಬ್ಬರ್ ಪ್ಲ್ಯಾಂಟ್, ಕ್ಯಾಕ್ಟಸ್, ಬೋನ್ಸಾಯ್ ತರದ ಗಿಡಗಳು ಮನೆಗೆ ಒತ್ತಡ ಹಾಗೂ ಅನಾರೋಗ್ಯವನ್ನು ತರುತ್ತವೆ. ಹಾಗಾಗಿ, ಅವುಗಳನ್ನು ಮನೆಯಲ್ಲಿಡಬೇಡಿ.
- ಮನೆಯ ಈಶಾನ್ಯ ಭಾಗದಲ್ಲಿ ಟಾಯ್ಲೆಟ್ ಅಥವಾ ಮೆಟ್ಟಿಲುಗಳಿರಬಾರದು. ಅವುಗಳು ಆರೋಗ್ಯ ಸಂಬಂಧಿ ಸಮಸ್ಯೆಗಳನ್ನು ತರುವ ಜೊತೆಗೆ ಮಕ್ಕಳ ಬೆಳವಣಿಗೆಗೆ ಅಡ್ಡಿಯಾಗುತ್ತವೆ.
Nature and December Born: ಸ್ವಭಾವ ಹೇಗಿರುತ್ತೆ?
- ಮಲಗುವ ಕೋಣೆ(bed room) ಹೀಗಿರಲಿ
- ನೈಋತ್ಯ ದಿಕ್ಕಿನಲ್ಲಿ ಮಾಸ್ಟರ್ ಬೆಡ್ರೂಂ ಇರುವುದರಿಂದ ದೈಹಿಕ ಹಾಗೂ ಮಾನಸಿಕ ಸ್ಥಿರತೆ ತಂದುಕೊಡುತ್ತದೆ. ಈಶಾನ್ಯ ದಿಕ್ಕಿನಲ್ಲಿ ಮಾಸ್ಟರ್ ಬೆಡ್ರೂಂ ಇರಕೂಡದು. ಅದರಿಂದ ಆರೋಗ್ಯ ಸಮಸ್ಯೆಗಳು - ಜಾಸ್ತಿಯಾಗುತ್ತವೆ. ಮಲಗುವಾಗ ಯಾವಾಗಲೂ ತಲೆಯನ್ನು ದಕ್ಷಿಣ ದಿಕ್ಕಿನಲ್ಲಿಯೇ ಇರಿಸಬೇಕು. ಇದರಿಂದ ಶಾಂತಿ ಹಾಗೂ ಆರೋಗ್ಯಕರ ಜೀವನ ಸಿಗುತ್ತದೆ. ಉತ್ತರ ದಿಕ್ಕಿಗೆ ತಲೆ ಇಟ್ಟು ಮಲಗುವುದರಿಂದ ನೋವು, ಒತ್ತಡ ಹೆಚ್ಚುತ್ತದೆ.
- ಗರ್ಭಿಣಿ ಮಹಿಳೆಯರು ಈಶಾನ್ಯ ದಿಕ್ಕಿಗೆ ತಲೆ ಇಟ್ಟು ಮಲಗಲೇಬಾರದು. ಅದರಿಂದ ಅಬಾರ್ಶನ್ ಆಗುವ ಸಾಧ್ಯತೆ ಹೆಚ್ಚು.
- ಸ್ಟೋರೇಜ್ ಇರುವ ಮಂಚವು ಮೆದುಳು ಹಾಗೂ ಹೃದಯ ಸಂಬಂಧಿ ಸಮಸ್ಯೆಗಳನ್ನು ತರುತ್ತದೆ. ಕಬ್ಬಿಣದ ಮಂಚ ಕೂಡಾ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಸರಳವಾದ ಮರದ ಮಂಚಗಳನ್ನೇ ಬಳಸಿ.
- ಕಣ್ಣಿಗೆ ರಾಚುವ ಲೈಟಿನ ಕೆಳಗೆ ಮಲಗುವುದನ್ನು ತಪ್ಪಿಸಿ. ಇದರಿಂದ ತಲೆನೋವು, ಮರೆವು, ಖಿನ್ನತೆ ಕಾಣಿಸಿಕೊಳ್ಳುತ್ತದೆ.
- ಹಾಸಿಗೆ ಯಾವತ್ತೂ ಶೌಚಾಲಯ ಗೋಡೆಗೆ ತಾಗುವಂತೆ ಇಡಬಾರದು. ಇದರಿಂದ ನಕಾರಾತ್ಮಕ ಶಕ್ತಿ ಹೆಚ್ಚುತ್ತದೆ.
- ಫೋನ್ ಸೇರಿದಂತೆ ಎಲ್ಲ ಗ್ಯಾಡ್ಜೆಟ್‌ಗಳನ್ನು ಸಾಧ್ಯವಾದಷ್ಟು ಹಾಸಿಗೆಯಿಂದ ದೂರವಿರಿಸಿ.
Luck is on the way: ಸಧ್ಯದಲ್ಲೇ ಶ್ರೀಮಂತರಾಗೋ ಅದೃಷ್ಟ ಈ ರಾಶಿಗಳವರದು
ಅಡುಗೆ ಕೋಣೆ(kitchen)
- ನೈಋತ್ಯ ದಿಕ್ಕು ಅಡುಗೆ ಕೋಣೆಗೆ ಸರಿಯಾದುದು.
- ಪೂರ್ವ ದಿಕ್ಕಿನಲ್ಲಿ ಅಡುಗೆ ಮಾಡುವುದು ಹಾಗೂ ತಿನ್ನುವುದರಿಂದ ಜೀರ್ಣಕ್ರಿಯೆ ಉತ್ತಮವಾಗಿ ಆರೋಗ್ಯ ಚೆನ್ನಾಗಿರುತ್ತದೆ.
- ಈಶಾನ್ಯ ದಿಕ್ಕಿನಲ್ಲಿ ಅಡುಗೆ ಮನೆ ಕಟ್ಟಿಸುವುದರಿಂದ ಗಂಭೀರ ಆರೋಗ್ಯ ಸಮಸ್ಯೆಗಳು ಹಾಗೂ ಅಪಘಾತ(accident)ದ ಸಂಭವ ಹೆಚ್ಚುತ್ತದೆ.
- ಅಡುಗೆ ಕೋಣೆ ಹಾಗೂ ಶೌಚಾಲಯ(toilet) ಯಾವತ್ತೂ ಒಂದೇ ಗೋಡೆ ಹಂಚಿಕೊಳ್ಳಬಾರದು.