ಭಾಗ್ಯಳ ಕೋಣೆಗೇ ಕನ್ನ ಹಾಕಿದ ತಾಂಡವ್​! ದಂಪತಿ ಬಾಳಲ್ಲಿ ಮೂರು ದಿನಗಳ ರೋಚಕ ತಿರುವು

ಶ್ರೇಷ್ಠಾ ಮತ್ತು ತಾಂಡವ್​ ಲಗ್ನಪತ್ರಿಕೆ ಭಾಗ್ಯಳ ಬ್ಯಾಗ್​ನಲ್ಲಿ ಭದ್ರವಾಗಿದೆ. ಮೂರು ದಿನಗಳಲ್ಲಿ ತಾಂಡವ್​-ಭಾಗ್ಯಳ ದಾಂಪತ್ಯದಲ್ಲಿ ರೋಚಕ ಟ್ವಿಸ್ಟ್​ ಸಿಗಲಿದೆ.  ಏನದು?  

ತಾಂಡವ್​ ಮತ್ತು ಶ್ರೇಷ್ಠಾ ಮದುವೆಗೆ ರೆಡಿಯಾಗಿದ್ದಾರೆ. ತಾಂಡವ್​ಗೆ ಗೊತ್ತಿಲ್ಲದೇ ಶ್ರೇಷ್ಠಾ ಮದುವೆ ಪತ್ರವನ್ನೂ ರೆಡಿ ಮಾಡಿಸಿದ್ದಾಳೆ. ಅದರ ಮೇಲೆ ಫೋಟೋ ಕೂಡ ಹಾಕಿಸಿದ್ದಾಳೆ. ಆದರೆ ಅದು ಭಾಗ್ಯಳ ಕೈಸೇರಿದೆ. ಆದರೆ ಭಾಗ್ಯ ಅದನ್ನು ಗಮನಿಸಿಯೇ ಇಲ್ಲ, ಇನ್​ವಿಟೇಷನ್​ ಕಾರ್ಡ್​ ಅನ್ನು ತನ್ನ ಬ್ಯಾಗ್​ನಲ್ಲಿ ಹಾಕಿಕೊಂಡಿದ್ದಾಳೆ. ಆದರೆ ಅದನ್ನು ಅವಳು ಗಮನಿಸಿಲ್ಲ. ಅದರ ಬದಲು ಭಾಗ್ಯಳಿಗೆ ಇನ್​ವಿಟೇಷನ್​ ಕಾರ್ಡ್​ ಸಿಕ್ಕಿರುವುದು ತಾಂಡವ್​ ಮತ್ತು ಶ್ರೇಷ್ಠಾಳಿಗೆ ತಿಳಿದಿದೆ. ಆ ಕಾರ್ಡ್​ ಅನ್ನು ಭಾಗ್ಯ ಯಾವುದೇ ಕಾರಣಕ್ಕೂ ಓಪನ್​ ಮಾಡಬಾರದು ಎಂದು ತಾಂಡವ್​ ಅದನ್ನು ಬ್ಯಾಗ್​ನಿಂದ ತೆಗೆಯಲು ಪ್ಲ್ಯಾನ್​ ರೂಪಿಸುತ್ತಿದ್ದಾನೆ.

ರಾತ್ರಿ ಎಲ್ಲರೂ ಮಲಗಿದ ಸಮಯದಲ್ಲಿ ಭಾಗ್ಯಳ ರೂಮ್​ಗೆ ತಾಂಡವ್​ ಬಂದಿದ್ದಾನೆ. ಆದರೆ ಗುಂಡನಿಗೆ ಶಬ್ದವಾಗಿ ಕಳ್ಳ ಕಳ್ಳ ಎಂದಿದ್ದಾನೆ. ತಾಂಡವ್​ ಹೆದರಿ ಅಡಗಿಕೊಂಡಿದ್ದಾನೆ. ಇದರ ಪ್ರೊಮೋ ಅನ್ನು ಕಲರ್ಸ್​ ಕನ್ನಡ ವಾಹಿನಿ ಬಿಡುಗಡೆ ಮಾಡಿದೆ. ಮೂರು ದಿನಗಳ ಮಹಾ ತಿರುವಿನ ಸಂಚಿಕೆ ಎಂದು ಇದನ್ನು ಹೇಳಲಾಗಿದೆ. ಇನ್​ವಿಟೇಷನ್​ ಕಾರ್ಡ್​ ತೆಗೆಯುವಲ್ಲಿ ತಾಂಡವ್​ ಸಕ್ಸಸ್​ ಆಗ್ತಾನಾ ಅಥವಾ ಕಳ್ಳ ಸಿಕ್ಕಿ ಬೀಳ್ತಾನಾ ಎನ್ನುವುದು ಮುಂದಿರುವ ಪ್ರಶ್ನೆ. ಮೂರು ದಿನಗಳ ಮಹಾ ರೋಚಕ ಟ್ವಿಸ್ಟ್​ ಎನ್ನುವ ಶೀರ್ಷಿಕೆ ಕೊಟ್ಟು ಇದರ ಪ್ರೊಮೋ ರಿಲೀಸ್ ಮಾಡಲಾಗಿದೆ. 

ಇನ್ನು, ಭಾಗ್ಯಲಕ್ಷ್ಮಿ ಸೀರಿಯಲ್​ ವಿಷಯಕ್ಕೆ ಬರುವುದಾದರೆ, ಭಾಗ್ಯ ಹಲವಾರು ಅಡೆತಡೆಗಳನ್ನು ಮೀರಿ ಎಸ್​​ಎಸ್​​ಎಲ್​ಸಿ ಪರೀಕ್ಷೆ ಬರೆದಿದ್ದಾಳೆ. ಆದರೆ ನಂತರ ಪರಿಸ್ಥಿತಿ ಚಿಂತಾಜನಕವಾಗಿದೆ. ಗಂಡ- ಹೆಂಡತಿ ನಡುವೆ ಬಿರುಕು ಮೂಡಿದೆ. ಮನೆ ಎರಡು ಭಾಗವಾಗಿದೆ. ಅಷ್ಟಕ್ಕೂ ಈಗ ಭಾಗ್ಯಳ ಸ್ಥಿತಿ ಅಲ್ಲೋಲ ಕಲ್ಲೋಲವಾಗಿದೆ. ಮನೆಯ ಅರ್ಧ ಇಎಂಐ ನಾನೇ ಕಟ್ಟುತ್ತೇನೆ ಎಂದು ಪತಿ ತಾಂಡವ್​ ಎದುರು ಭಾಗ್ಯ ಒಪ್ಪಿಕೊಂಡು ಬಂದಿದ್ದಾಳೆ. ಈಕೆ ಹೇಗಾದರೂ ಮಾಡಿ ದುಡಿಯಲೇಬೇಕು. ಹೇಗೆ ದುಡಿಯುವುದು ಎನ್ನುತ್ತಿರುವಾಗಲೇ ಮಗಳು ತನ್ವಿ ನಿನ್ನ ಅಡುಗೆ ಸಕತ್​ ರುಚಿಯಾಗಿರುತ್ತದೆ ಎಂದಿದ್ದಾಳೆ. ಹಾಗಿದ್ದರೆ ನಾನು ಯಾವುದಾದರೂ ಹೋಟೆಲ್​ನಲ್ಲಿ ಅಡುಗೆಗೆ ಸೇರಿಕೊಳ್ಳಬೇಕು ಎಂದು ಭಾಗ್ಯ ಮನಸ್ಸು ಮಾಡುತ್ತಾಳೆ. ಧೈರ್ಯ ಮಾಡಿ ಒಂದು ಹೋಟೆಲ್​ಗೆ ಹೋದಾಗ ಅವಳನ್ನು ಹೋಟೆಲ್​ ಮಾಲೀಕ ಕೆಲಸ ಇಲ್ಲ ಎಂದು ಹೇಳಿ ಕಳುಹಿಸುತ್ತಾನೆ. ಸಾಲದು ಎನ್ನುವುದಕ್ಕೆ ಆಕೆಗೆ ಅಲ್ಲಿ ಒಂದಿಷ್ಟು ಅವಮರ್ಯಾದೆಯೂ ಆಗುತ್ತದೆ.  

ಕೊನೆಗೂ ಯಶಸ್ವಿಯಾಗಿ ಸ್ಟಾರ್​ ಹೋಟೆಲ್​ನಲ್ಲಿ ಕೆಲಸ ಗಿಟ್ಟಿಸಿಕೊಂಡಿದ್ದಾಳೆ. ಬ್ರೋಕರ್​ ಯಾವುದೋ ಹೋಟೆಲ್​ಗೆ ಹೋಗಲು ಹೇಳಿದ್ದರೆ ಭಾಗ್ಯ ಸ್ಟಾರ್​ ಹೋಟೆಲ್​ಗೆ ವಿಳಾಸ ತಪ್ಪಿ ಹೋಗಿದ್ದಳು. ಅಲ್ಲಿ ಇಂಗ್ಲಿಷ್​ನಲ್ಲಿ ಸಂದರ್ಶನ ಮಾಡಿದರೂ ಹಾಗೋ ಹೀಗೋ ಅಲ್ಪ ಸ್ವಲ್ಪ ತಿಳಿವಳಿಕೆಯಲ್ಲಿ ಕನ್ನಡದಲ್ಲಿಯೇ ಉತ್ತರ ಕೊಟ್ಟು ಅಂತೂ ಸಂದರ್ಶನ ಗೆದ್ದಿದ್ದಾಳೆ. ಇತ್ತ ಅತ್ತೆ ಕುಸುಮಾಗೂ ಹೋಟೆಲ್​ನಲ್ಲಿ ಉದ್ಯೋಗ ಸಿಕ್ಕಿದೆ. ಆದರೆ ಅತ್ತೆ- ಸೊಸೆ ಇಬ್ಬರೂ ತಮಗೆ ಕೆಲಸ ಸಿಕ್ಕಿರುವ ವಿಷಯವನ್ನು ಪರಸ್ಪರ ಹೇಳಿಕೊಂಡಿಲ್ಲ. ಇನ್ನು ದಾಂಪತ್ಯದ ವಿಷಯಕ್ಕೆ ಬರುವುದಾದರೆ ಇನ್ನೇನಾಗುತ್ತದೆಯೋ ಕಾದು ನೋಡಬೇಕಿದೆ.