ಸತ್ಯ ಸ್ಟೈಲ್‌ನಲ್ಲಿ ಬಿಗ್‌ಬಾಸ್ ಮನೆಗೆ ಬಂದ ಕೋಟೆ ಕುಟುಂಬದ ಸೊಸೆ; ಸ್ವರ್ಗ ಸೇರ್ತಾರಾ? ನರಕಕ್ಕೆ ಹೋಗ್ತಾರಾ?

ಕಿರುತೆರೆ ನಟಿ ಗೌತಮಿ ಬಿಗ್‌ಬಾಸ್ ಸೀಸನ್ 11 ರಲ್ಲಿ ಸ್ಪರ್ಧಿಯಾಗಿ ಎಂಟ್ರಿ ಕೊಟ್ಟಿದ್ದಾರೆ. ಈ ಬಾರಿ ಸ್ವರ್ಗ ಮತ್ತು ನರಕ ಎಂಬ ಎರಡು ಮನೆಗಳಿದ್ದು, ವೀಕ್ಷಕರ ವೋಟ್ ಮೂಲಕ ಸ್ಪರ್ಧಿಗಳು ಯಾವ ಮನೆ ಸೇರುತ್ತಾರೆ ಎಂಬುದು ನಿರ್ಧಾರವಾಗುತ್ತದೆ.

ಕನ್ನಡ ಬಿಗ್‌ಬಾಸ್ ಸೀಸನ್ 11ಕ್ಕೆ ಕ್ಷಣಗಣನೆ ಶುರುವಾಗಿದ್ದು, ಕಿರುತೆರೆ ನಟಿ ಗೌತಮಿ ಬಿಗ್ ಮನೆ ಸೇರೋದು ಪಕ್ಕಾ ಆಗಿದೆ. ಕಲರ್ಸ್ ಕನ್ನಡ ವಾಹಿನಿಯೇ ಗೌತಮಿ ಎಂಟ್ರಿಯ ಪ್ರೋಮೋ ಬಿಡುಗಡೆ ಮಾಡಿದೆ. ತಮ್ಮ ಜನಪ್ರಿಯ ಧಾರಾವಾಹಿಯ ಲುಕ್‌ನಲ್ಲಿ ಲೇಡಿ ರಾಮಾಚಾರಿಯಾಗಿ ಬೈಕ್ ಏರಿ ಬಂದಿದ್ದಾರೆ. ಪ್ರೋಮೋ ಬಿಡುಗಡೆಯಾಗುತ್ತಲೇ ಸತ್ಯ ಅಭಿಮಾನಿಗಳು ಅಕ್ಕನಿಗೆ ಜೈ ಹೇಳಿ ಎಂದು ಕಮೆಂಟ್ ಮಾಡುತ್ತಿದ್ದಾರೆ. ಪಕ್ಕಾ ಮಾಸ್ ಲುಕ್‌ನಲ್ಲಿಯೇ ಬೈಕ್ ಏರಿ ಬಂದಿರುವ ಗೌತಮಿ, ಯಾವ ಮನೆಗೆ ಹೋಗ್ತಾರೆ ಎಂಬುದರ ಬಗ್ಗೆ ಕುತೂಹಲ ಮನೆ ಮಾಡಿದೆ. 

ಈ ಬಾರಿಯ ಸೀಸನ್‌ನಲ್ಲಿ ಸ್ವರ್ಗ ಮತ್ತು ನರಕ ಎಂಬ ಎರಡು ಮನೆಗಳನ್ನು ಮಾಡಲಾಗಿದ್ದು, ವೀಕ್ಷಕರು ಸ್ಪರ್ಧಿ ಯಾವ ಮನೆಗೆ ಹೋಗಬೇಕು ಎಂಬುದನ್ನು ವೋಟ್ ಮೂಲಕ ಹೇಳಬೇಕು. ವೋಟ್ ಆಧಾರದ ಮೇಲೆ ಸ್ಪರ್ಧಿಗಳು ಸ್ವರ್ಗ ಅಥವಾ ನರಕದಲ್ಲಿ ಇರುತ್ತಾರೆ ಎಂಬುವುದು ನಿರ್ಧಾರವಾಗುತ್ತದೆ.  ಬಿಗ್‌ಬಾಸ್‌ನಲ್ಲಿ ಗುದ್ದಾಟಕ್ಕೆ ಅಂತ ನಿಂತ್ರೆ ಫೀಲ್ಡ್‌ ನಂದೇ, ಶೀಲ್ಡೂ ನಂದೇ ಎಂಬ ಮಾಸ್ ಡೈಲಾಗ್ ಮೂಲಕ ಗೌತಮಿ ದೊಡ್ಮನೆಯತ್ತ ಹೊರಟಿದ್ದಾರೆ.

ಶನಿವಾರ ಪ್ರಸಾರವಾದ ರಾಜಾ-ರಾಣಿ ರಿಯಾಲಿಟಿ ಶೋನಲ್ಲಿಯೇ ಗೌತಮಿ ಸೇರಿದಂತೆ ಕೆಲವರು ಹೆಸರು ಪ್ರಕಟವಾಗಿತ್ತು. ಇದೀಗ ವಾಹಿನಿ ಸ್ಪರ್ಧಿಯ ಪ್ರೋಮೋ ಬಿಡುಗಡೆ ಮಾಡಿದೆ. ಶನಿವಾರ ಬಿಗ್‌ಬಾಸ್ ಮನೆಯ ಮೇಕಿಂಗ್ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಳ್ಳಲಾಗಿತ್ತು. ಇಂದು ಸಂಜೆ 6 ಗಂಟೆಯಿಂದ ಬಿಗ್‌ಬಾಸ್ ಗ್ರಾಂಡ್ ಒಪನಿಂಗ್ ಕಾರ್ಯಕ್ರಮ ಆರಂಭವಾಗಲಿದ್ದು, ಪ್ರತಿದಿನ ರಾತ್ರಿ 9.30ಕ್ಕೆ ಶೋ ಪ್ರಸಾರವಾಗಲಿದೆ.