ಆ ತಪ್ಪಿಗೆ ಕ್ಷಮೆ ಕೇಳುತ್ತಾ ತಾಯಿಯ ಪಾದ ಪೂಜೆ ಮಾಡಿದ ವರ್ತೂರ್ ಸಂತೋಷ್!

ತಾಯಿಯ ಪಾದ ಪೂಜೆ ಮಾಡಿದ ವರ್ತೂರ್ ಸಂತೋಷ್. ದಿನದಿಂದ ಹೆಚ್ಚಾಗುತ್ತಿದೆ ಅಭಿಮಾನಿಗಳ ಸಂಖ್ಯೆ..... 

ಹಳ್ಳಿಕಾರ್ ಒಡೆಯ ವರ್ತೂರ್ ಸಂತೋಷ್‌ ಬಿಗ್ ಬಾಸ್ ಸೀಸನ್ 10ರಲ್ಲಿ ಸ್ಪರ್ಧಿಸಿದ ನಂತರ ಅಭಿಮಾನಿಗಳು ಸಂಖ್ಯೆ ಡಬಲ್ ಆಗಿದ್ದಾರೆ. ಟ್ರೋಫಿ ಹಿಡಿದಿರುವ ವಿನ್ನರ್‌ಗಿಂತ 6ನೇ ಸ್ಥಾನದಲ್ಲಿ ಇದ್ದು ಹೊರ ಬಂದಿರುವ ಸಂತೋಷ್‌ ಪಾಪ್ಯೂಲಾರಿಟಿ ಹೆಚ್ಚಾಗಿದೆ. ಶೋ ಮುಗಿಯುತ್ತಿದ್ದಂತೆ ಬ್ಯಾಕ್ ಟು ಬ್ಯಾಕ್ ಸಂದರ್ಶನಗಳಲ್ಲಿ ಬ್ಯುಸಿಯಾಗಿದ್ದಾರೆ. ಯಾರೇ ತೋಟದ ಮನೆ ಬಳಿ ಬಂದ್ರೂ ಬೇಧಭಾವ ಮಾಡದೆ ಮಾತನಾಡಿಸಿ ಕಳುಹಿಸುತ್ತಾರೆ. ಹುಲಿ ಉಗುರು ಪ್ರಕರಣದ ನಂತರ ವರ್ತೂರ್‌ ಹೆಸರು ಮತ್ತೊಂದು ಹಂತಕ್ಕೆ ಬೆಳೆದಿದೆ. 

ಈಗ ಕಲರ್ಸ್‌ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ನನ್ನಮ್ಮ ಸೂಪರ್ ಸ್ಟಾರ್ ಸೀಸನ್ 3ರಲ್ಲಿ ವರ್ತೂರ್ ಸಂತೋಷ್ ಮತ್ತು ಅವರ ತಾಯಿ ಭಾಗಿಯಾಗಿದ್ದಾರೆ. ವಾಹಿನಿ ಬಿಡುಗಡೆ ಮಾಡಿರುವ ಸಣ್ಣ ಪ್ರೋಮೋದಲ್ಲಿ ಪಾದ ಪೂಜೆ ಮಾಡುತ್ತಿರುವ ತುಣುಕು ವೈರಲ್ ಆಗುತ್ತಿದೆ. 'ತಾಯಿ ಇಲ್ಲ ಅಂದ್ರೆ ವರ್ತೂರ್ ಸಂತೋಷ್ ಇಲ್ಲ. ಸಣ್ಣ ವಯಸ್ಸಿನಲ್ಲಿ ನಮ್ಮ ತಂದೆ ತೀರಿಕೊಂಡಾಗ ತನ್ನ ಜೀವನನ್ನು ಮುಡಿಪಾಗಿತ್ತು ಬದುಕಿದ್ದಾರೆ. ಪದಗಳಲ್ಲಿ ಏನೂ ಹೇಳಲು ಸಾಧ್ಯವಿಲ್ಲ. ತಂದೆ ತಾಯಿ...ಎರಡೇ ದೇವರುಗಳು ಇರುವುದು. ಈ ದೇವರುಗಳನ್ನು ಬೇರೆ ಯಾರೂ ಸೃಷ್ಟಿ ಮಾಡಲು ಆಗಲ್ಲ. ನಮ್ಮ ತಾಯಿಗೆ ನನ್ನ ಕಡೆಯಿಂದ ಸುಮಾರು ನೋವು ಆಗಿದೆ. ನನ್ನನ್ನು ಕ್ಷಮಿಸು ಅಮ್ಮ' ಎಂದು ವರ್ತೂರ್ ಸಂತೋಷ್ ಮಾತನಾಡಿದ್ದಾರೆ.

ಈ ಮಾತುಗಳನ್ನು ಕೇಳಿ ವರ್ತೂರ್ ಸಂತೋಷ್ ತಾಯಿ ಭಾವುಕರಾಗಿದ್ದಾರೆ. ಮಗ ಪಾದ ಪೂಜೆ ಮಾಡಿ ಕಾಲುಗಳಿಗೆ ನಮಸ್ಕಾರ ಮಾಡುವ ಕ್ಷಣ ಎಲ್ಲರಿಗೂ ಸಿಗುವುದಿಲ್ಲ ಎನ್ನುತ್ತಾರೆ ನೆಟ್ಟಿಗರು. ಕಳೆದ ವಾರ ವಿನ್ನರ್ ಕಾರ್ತಿಕ್ ಮಹೇಶ್ ತಾಯಿ ಆಗಮಿಸಿದ್ದರು. ಟ್ರೋಫಿ ಹಿಂದಿರುವ ಶ್ರಮ ಹಾಗೂ ಮುಂದಿನ ಪ್ಲ್ಯಾನ್‌ಗಳ ಬಗ್ಗೆ ಚರ್ಚೆ ಮಾಡಿದ್ದರು. 

ಹುಲಿ ಉಗುರು ಪ್ರಕರಣದ ನಂತರ ವರ್ತೂರ್ ಮತ್ತೊಮ್ಮೆ ಬಿಗ್ ಬಾಸ್‌ ಮನೆಗೆ ಕಾಲಿಡುತ್ತಾರೆ. ಆಗ ಮಾನಸಿಕವಾಗಿ ಸಾಕಷ್ಟು ಗೊಂದಲ ಇದ್ದ ಕಾರಣ ಹೊರ ಹೋಗಬೇಕು ಎಂದು ಹಠ ಮಾಡುತ್ತಾರೆ. ಆಗ ಕಿಚ್ಚ ಸುದೀಪ್ ಕೂಡ ಬುದ್ಧಿ ಮಾತುಗಳನ್ನು ಹೇಳುತ್ತಾರೆ. ಯಾರ ಮಾತುಗಳನ್ನು ಕೇಳಿದ ವರ್ತೂರ್‌ಗೆ ತಾಯಿ ಬೇಕೇ ಬೇಕು ಎಂದು ಬಿಗ್ ಬಾಸ್ ಮನೆಯೊಳಗೆ ತಾಯಿ ಎಂಟ್ರಿ ಕೊಟ್ಟು ಮಗನನನ್ನು ಸಮಾಧಾನ ಮಾಡುತ್ತಾರೆ. ಅದಾದ ಮೇಲೆ ಫ್ಯಾಮಿಲಿ ರೌಂಡ್‌ಗೂ ವರ್ತೂರ್ ತಾಯಿ ಬರುತ್ತಾರೆ. ಎರಡು ಸಲ ಬಿಗ್ ಬಾಸ್ ಮನೆಯಲ್ಲಿ ನೋಡಿರುವ ಕಾರಣ ಎಲ್ಲೇ ನೋಡಿದರೂ ನೀವು ವರ್ತೂರ್ ತಾಯಿನಾ ಎಂದು ನೆಟ್ಟಿಗರು ಕೇಳಿ ಮಾತನಾಡಿಸುತ್ತಾರಂತೆ.