
'ಬಿಗ್ ಬಾಸ್ ಕನ್ನಡ ಸೀಸನ್ 13'ರ ಮನೆಯಲ್ಲಿ ಇದೀಗ ಹಿಂದೆಂದೂ ಕಾಣದ ರೋಚಕ ತಿರುವು ಎದುರಾಗಿದೆ. ಬಿಗ್ ಬಾಸ್ ಶೋ ಇತಿಹಾಸದಲ್ಲೇ ಮೊದಲ ಬಾರಿಗೆ ಎರಡು ಹೊಸ ದಾಖಲೆಗಳು ನಿರ್ಮಾಣವಾಗಿದ್ದು, ಮನೆಯಲ್ಲಿದ್ದ ಎಲ್ಲಾ ಮಹಿಳಾ ಸ್ಪರ್ಧಿಗಳು ಒಟ್ಟಿಗೆ 'ಕಳಪೆ' ಪಟ್ಟ ಪಡೆದು ಜೈಲು ಸೇರಿದ್ದಾರೆ. ವಿಶೇಷವೆಂದರೆ, ಮನೆಯ ಮಹಾರಾಣಿ ಹಾಗೂ ಕ್ಯಾಪ್ಟನ್ ಕೂಡ ಕಳಪೆ ಪಡೆದು ಜೈಲಿಗೆ ಹೋಗಿರುವುದು ವೀಕ್ಷಕರಲ್ಲಿ ಭಾರಿ ಕುತೂಹಲ ಮೂಡಿಸಿದೆ!
ಈ ವಾರದ ಟಾಸ್ಕ್ನಲ್ಲಿ ಬಿಗ್ ಬಾಸ್ ಮನೆಯಲ್ಲಿದ್ದ ಮೂವರು ಮಹಿಳಾ ಸ್ಪರ್ಧಿಗಳಾದ ಗಾನವಿ, ಸೌಂದರ್ಯ ಶೆಟ್ಟಿ ಹಾಗೂ ಆಸಿಯಾ ಅವರನ್ನು 'ಯುವರಾಣಿ'ಯರಾಗಿ ಆಯ್ಕೆ ಮಾಡಲಾಗಿತ್ತು. ಈ ಮೂವರಲ್ಲಿ ಒಬ್ಬರನ್ನು ಮನೆಯ 'ಮಹಾರಾಣಿ'ಯನ್ನಾಗಿ ಆಯ್ಕೆ ಮಾಡಲು ಸರಣಿ ಟಾಸ್ಕ್ಗಳನ್ನು ನೀಡಲಾಗಿತ್ತು. ಕೊನೆಗೆ ಸಹಸ್ಪರ್ಧಿ ಗಗನ್ ಅವರ ಭರ್ಜರಿ ಬೆಂಬಲ ಹಾಗೂ ಹೋರಾಟದ ಫಲವಾಗಿ ಗಾನವಿ ಮನೆಯ ಮಹಾರಾಣಿಯಾಗಿ ಹೊರಹೊಮ್ಮಿದರು. ಇದರ ಬೆನ್ನಲ್ಲೇ ಮನೆಯ ಕ್ಯಾಪ್ಟನ್ ಪಟ್ಟವೂ ಅವರಿಗೆ ಒಲಿದುಬಂದಿತ್ತು.
ಹೆಚ್ಚಿನ ಮತಗಳ ಆಧಾರದ ಮೇಲೆ ಮಹಾರಾಣಿ ಹಾಗೂ ಕ್ಯಾಪ್ಟನ್ ಗಾನವಿ ಸೇರಿದಂತೆ ಆಸಿಯಾ ಹಾಗೂ ಸೌಂದರ್ಯ ಶೆಟ್ಟಿ ಮೂವರೂ ಕಳಪೆ ಪಟ್ಟ ಪಡೆದುಕೊಂಡರು.
ಮೊದಲ ದಾಖಲೆ: ಒಂದೇ ಬಾರಿಗೆ ಮನೆಯಲ್ಲಿದ್ದ ಎಲ್ಲಾ ಮೂವರು ಮಹಿಳಾ ಸ್ಪರ್ಧಿಗಳು ಕಳಪೆ ಪಡೆದು ಜೈಲಿಗೆ ಹೋದದ್ದು.
ಎರಡನೇ ದಾಖಲೆ: ಮನೆಯ ಕ್ಯಾಪ್ಟನ್ ಆಗಿರುವವರೇ ಕಳಪೆ ಪಟ್ಟ ಪಡೆದು ಜೈಲು ಸೇರಿದ್ದು.
ಆರಂಭದಲ್ಲಿ ಈ ಮೂವರು ಮಹಿಳಾ ಸ್ಪರ್ಧಿಗಳು ಜೈಲಿಗೆ ಹೋಗಲು ತೀವ್ರ ವಿರೋಧ ವ್ಯಕ್ತಪಡಿಸಿದರು. ಆದರೆ, ಸ್ವತಃ ಬಿಗ್ ಬಾಸ್ ಅವರಿಗಾಗಿ ಜೈಲಿನ ಕಳಪೆ ಬಟ್ಟೆಯನ್ನು ಕಳುಹಿಸಿಕೊಟ್ಟ ನಂತರ ಅನಿವಾರ್ಯವಾಗಿ ಒಪ್ಪಿಕೊಂಡು ಮೂವರೂ ಜೈಲು ಸೇರಿದ್ದಾರೆ. ಈಗ ದೊಡ್ಮನೆಯ ಮಹಾರಾಣಿಯೇ ಜೈಲಿಗೆ ಹೋಗಿರುವುದರಿಂದ, ಗಾನವಿ ಅವರ 'ಮಹಾರಾಣಿ ಪಟ್ಟ' ಉಳಿಯುತ್ತದೆಯೇ ಅಥವಾ ರದ್ದಾಗುತ್ತದೆಯೇ ಎಂಬುದನ್ನು ಕಾದು ನೋಡಬೇಕಿದೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.