ಅನಧಿಕೃತ ಟೆಸ್ಟ್: ಭಾರತಕ್ಕೆ 1-0 ಸರಣಿ ಜಯ
ಸಾರಾಂಶ
ಭಾರತ ’ಎ’ ಹಾಗೂ ದಕ್ಷಿಣ ಆಫ್ರಿಕಾ ’ಎ’ ತಂಡಗಳ ನಡುವಿನ 2ನೇ ಅನಧಿಕೃತ ಟೆಸ್ಟ್ ಪಂದ್ಯ ಡ್ರಾನಲ್ಲಿ ಅಂತ್ಯವಾಗಿದೆ. ಇದರೊಂದಿಗೆ ಎರಡು ಪಂದ್ಯಗಳ ಸರಣಿಯಲ್ಲಿ ಭಾರತ 1-0 ಅಂತರದಲ್ಲಿ ಕೈವಶ ಮಾಡಿಕೊಂಡಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...
ಮೈಸೂರು[ಸೆ.21]: ಆರಂಭಿಕ ಬ್ಯಾಟ್ಸ್ಮನ್ ಪ್ರಿಯಾಂಕ್ ಪಾಂಚಾಲ್ ಶತಕ ಹಾಗೂ ಕರ್ನಾಟಕದ ಕರುಣ್ ನಾಯರ್ ಅಜೇಯ ಅರ್ಧಶತಕದ ನೆರವಿನಿಂದ ಭಾರತ ‘ಎ’, ದಕ್ಷಿಣ ಆಫ್ರಿಕಾ ‘ಎ’ ವಿರುದ್ಧದ 2ನೇ ಅನಧಿಕೃತ ಟೆಸ್ಟ್ ಪಂದ್ಯ ಡ್ರಾದಲ್ಲಿ ಅಂತ್ಯವಾಗಿದೆ. ಇದರೊಂದಿಗೆ ಭಾರತ ತಂಡ 2 ಪಂದ್ಯಗಳ ಸರಣಿಯಲ್ಲಿ 1-0 ಯಿಂದ ಸರಣಿ ಜಯಿಸಿದೆ. ಇದಕ್ಕೂ ಮುನ್ನ ನಡೆದ 5 ಅನಧಿಕೃತ ಏಕದಿನ ಸರಣಿಯಲ್ಲೂ ಭಾರತ 4-1 ರಿಂದ ಸರಣಿ ಜಯಿಸಿತ್ತು. ಆಫ್ರಿಕಾ, ಏಕದಿನ ಹಾಗೂ ಟೆಸ್ಟ್ನಲ್ಲಿ ಸೋಲುಂಡು ನಿರಾಸೆಯಿಂದ ತವರಿಗೆ ಮರಳಿದೆ.
2ನೇ ಅನಧಿಕೃತ ಟೆಸ್ಟ್: ಭಾರತಕ್ಕೆ ದ. ಆಫ್ರಿಕಾ ತಿರುಗೇಟು
4ನೇ ಹಾಗೂ ಕೊನೆಯ ದಿನವಾದ ಶುಕ್ರವಾರ 17 ರನ್ಗಳ ಮುನ್ನಡೆಯೊಂದಿಗೆ ವಿಕೆಟ್ ನಷ್ಟವಿಲ್ಲದೇ 14 ರನ್ಗಳಿಂದ 2ನೇ ಇನ್ನಿಂಗ್ಸ್ ಮುಂದುವರೆಸಿದ ಭಾರತ ತಂಡ, ಪಾಂಚಾಲ್ (109), ಅಭಿಮನ್ಯು ಈಶ್ವರನ್ (37) ಹಾಗೂ ಕರುಣ್ ನಾಯರ್ (51*) ರನ್ನಿಂದಾಗಿ ದಿನದಂತ್ಯಕ್ಕೆ 3 ವಿಕೆಟ್ ನಷ್ಟಕ್ಕೆ 202 ರನ್ಗಳಿಸಿತು. ಭರವಸೆ ಬ್ಯಾಟ್ಸ್ಮನ್ ಶುಭ್ಮನ್ ಗಿಲ್ ಶೂನ್ಯಕ್ಕೆ ನಿರ್ಗಮಿಸಿ ನಿರಾಸೆ ಮೂಡಿಸಿದರು. ಆಫ್ರಿಕಾ ಪರ ಡೇನ್ ಪೆಡಿಟ್ 2 ವಿಕೆಟ್ ಪಡೆದರು.
2ನೇ ಅನಧಿಕೃತ ಟೆಸ್ಟ್: ಭಾರತ ‘ಎ’ ಬೃಹತ್ ಮೊತ್ತ
70 ಓವರ್ಗಳ ಆಟ ನಡೆದರೂ ಭಾರತದ ಎಲ್ಲಾ ವಿಕೆಟ್ ಕೀಳುವಲ್ಲಿ ಆಫ್ರಿಕಾ ಬೌಲರ್ಗಳು ವಿಫಲರಾದರು. ಪಂದ್ಯ ಡ್ರಾದಲ್ಲಿ ಅಂತ್ಯವಾಯಿತು. ಭಾರತ ತಂಡ ಮೊದಲ ಇನ್ನಿಂಗ್ಸ್ನಲ್ಲಿ 17 ರನ್ಗಳ ಅಲ್ಪ ಮುನ್ನಡೆ ಸಾಧಿಸಿತ್ತು.
ಸ್ಕೋರ್:
ಭಾರತ ‘ಎ’ 417 ಮತ್ತು 202/3,
ದ.ಆಫ್ರಿಕಾ ‘ಎ’ 400/10
ಪಂದ್ಯಶ್ರೇಷ್ಠ: ಏಡನ್ ಮಾರ್ಕ್ರಮ್
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.