ಉಪ್ಪಿಯ 'UI' ಹೊಸ ರಿಲೀಸ್ ಡೇಟ್ ಅನೌನ್ಸ್.ಡಿಸೆಂಬರ್ನಲ್ಲೇ ತೆರೆಗೆ ಬರುತ್ತೆ ಕಿಚ್ಚ ಸುದೀಪ್ರ ಮ್ಯಾಕ್ಸ್ ಸಿನಿಮಾ.
ರಿಯಲ್ ಸ್ಟಾರ್ ಉಪೇಂದ್ರ ಡೈರೆಕ್ಷನ್ ಕ್ಯಾಪ್ ಹಾಕಿದ್ರೆ ಬೆಳ್ಳಿತೆರೆ ಮೇಲೆ ಮ್ಯಾಜಿಕ್ ಸೃಷ್ಟಿ ಆಗೋದು ಪಕ್ಕಾ. ಹೀಗಾಗಿ ಉಪೇಂದ್ರ ಡೈರೆಕ್ಷನ್ ಸಿನಿಮಾಗಳಿಗಾಗಿ ಅವರ ಫ್ಯಾನ್ಸ್ ಹೆಚ್ಚಿನ ಡಿಮ್ಯಾಂಡ್ ಮಾಡೋದು. ಆ ಬೇಡಿಕೆ ಈಡೇರಿಸೋಕೆ ಉಪೇಂದ್ರ ಯುಐ ಸಿನಿಮಾ ಅನೌನ್ಸ್ ಮಾಡಿ ಶೂಟಿಂಗ್ ಮುಗಿಸಿ. ಸಾಂಗ್, ಟೀಸರ್ ಕೊಟ್ಟಿದ್ದು ಆಗಿದೆ. ಆದ್ರೆ ಯುಐ ರಿಲೀಸ್ ಯಾವಾಗ ಅನ್ನೋದು ಮಾತ್ರ ನಿಕ್ಕಿ ಆಗಿರಲಿಲ್ಲ.
ಈಗ ಯುಐ ಹೊಸ ರಿಲೀಸ್ ಡೇಟ್ ಪಕ್ಕಾ ಆಗಿದೆ. ಟ್ರೋಲಾಗುತ್ತೆ ಅಂತ ಟ್ರೋಲರ್ಸ್ಗೆ ಕೌಂಟರ್ ಕೊಟ್ಟಿದ್ದ ಉಪೇಂದ್ರ ಯುಐ ಸಿನಿಮಾವನ್ನು ಅಕ್ಟೋಬರ್ನಲ್ಲಿ ರಿಲೀಸ್ ಮಾಡೋದಾಗಿ ಹೇಳಿದ್ದರು. ಆದರೆ ಡೇಟ್ ಮಾತ್ರ ಫಿಕ್ಸ್ ಮಾಡಿರಲಿಲ್ಲ. ಅಕ್ಟೋಬರ್ ಮಿಡ್ನಲ್ಲಿರೋ ಉಪ್ಪಿ ಈಗ ಯುಐ ರಿಲೀಸ್ ಡೇಟ್ ಅನ್ನೇ ಬದಲಾಯಿಸಿದ್ದಾರೆ. ಅಕ್ಟೋಬರ್ ಸಹವಾಸ ಬೇಡ. ಡಿಸೆಂಬರ್ 20ಕ್ಕೆ ಬರುತ್ತೇನೆ ಎಂದಿದ್ದಾರೆ. ಅಲ್ಲಿಗೆ ಡಿಸೆಂಬರ್ 20ಕ್ಕೆ ಯುಐ ಮೂವಿ ವರ್ಲ್ಡ್ ವೈಡ್ ರಿಲೀಸ್ ಆಗಲಿದೆ.
ಬಾಬಾ ಸಿದ್ದಿಕಿ ಶೂಟೌಟ್‌ನಿಂದ ಹೆಚ್ಚಾಯ್ತು ಸಲ್ಮಾನ್ ಹಾರ್ಟ್ಬೀಟ್; ಫ್ರೆಂಡ್‌ಶಿಪ್‌ನಿಂದ ಇಷ್ಟೆಲ್ಲಾ ಆಯ್ತಾ?
ಸ್ಯಾಂಡಲ್ವುಡ್ನ ಮುಕುಂದ ಮುರಾರಿ ಕಿಚ್ಚ ಸುದೀಪ್ ಹಾಗೂ ರಿಯಲ್ ಸ್ಟಾರ್ ಉಪೇಂದ್ರ. ಆದ್ರೆ ಯುಐ ಸಿನಿಮಾ ಡಿಸೆಂಬರ್ 20ಕ್ಕೆ ರಿಲೀಸ್ ಅಂತ ಅನೌನ್ಸ್ ಆಗ್ತಿದ್ದಂತೆ ಉಪ್ಪಿ ಕಿಚ್ಚನ ಮಧ್ಯೆ ಬಾಕ್ಸಾಫೀಸ್ ವಾರ್ ಆಗೋ ಸೂಚನೆ ಸಿಗುತ್ತಿದೆ. ಯಾಕಂದ್ರೆ ಡಿಸೆಂಬರ್ನಲ್ಲೇ ಬಾದ್ ಷಾ ಸುದೀಪ್ ನಟನೆಯ ಮ್ಯಾಕ್ಸ್ ಕೂಡ ರಿಲೀಸ್ ಆಗಲಿದೆ. ಡಿಸೆಂಬರ್ ಸ್ಯಾಂಡಲ್ವುಡ್ ಮಂದಿಗೆ ಲಕ್ಕಿ ತಿಂಗಳು. ಈ ಮಂತ್ ಅಲ್ಲಿ ಬಂದ ಸಿನಿಮಾಗಳು ಹಿಟ್ ಲೀಸ್ಟ್ ಸೇರಿದ್ದೇ ಹೆಚ್ಚು. ಕಿಚ್ಚ ಸುದೀಪ್ ಕೂಡ ಮ್ಯಾಕ್ಸ್ ಅನ್ನ ಡಿಸೆಂಬರ್ನಲ್ಲೇ ತೆರೆ ಮೇಲೆ ತರೋ ಬಗ್ಗೆ ಚಿಂತನೆ ನಡೆಸಿದ್ದಾರೆ. ಅಷ್ಟರಲ್ಲಾಗಲೇ ರಿಯಲ್ ಸ್ಟಾರ್ ಉಪೇಂದ್ರ ಡಿಸೆಂಬರ್ 20ಕ್ಕೆ ಯುಐ ನೋಡಿ ಎಂತ ಹೇಳಿರೋದು ಈಗ ಬಾಕ್ಸಾಫೀಸ್ ಪಂಡಿತರ ಕುತೂಹಕ್ಕೆ ಕಾರಣ ಆಗಿದೆ.