ಹ್ಯೂಮನಾಯ್ಡ್ ರೋಬೋಟ್ ಕೈಚಳಕದ ಥ್ರಿಲ್ಲರ್ ಚಿತ್ರ 'ಲಂಬೋದರ 2.0 ವಿತರಣಾ ಹಕ್ಕು ಯಾರ ಕೈಸೇರಿದೆ?

'ಲಂಬೋದರ 2.0' ಚಿತ್ರವು ಹೊಸತನದ ಕಥಾಹಂದರ ಹಾಗೂ ಆಧುನಿಕ ತಂತ್ರಜ್ಞಾನವನ್ನು ಬೆಸೆದು ಪ್ರೇಕ್ಷಕರನ್ನು ರಂಜಿಸಲಿದೆ. ನವೆಂಬರ್ 13ರ ಶುಕ್ರವಾರದಂದು ಕರ್ನಾಟಕದಾದ್ಯಂತ ಕನ್ನಡ ಮತ್ತು ಹಿಂದಿ ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗಲಿದೆ. ಈ ಚಿತ್ರೆದ ವಿಶೇಷತೆಗಳೇನು? ಈ ಸ್ಟೋರಿ ನೋಡಿ..

ಸಿಂಪಲ್ ಸುನಿ ನಿರ್ದೇಶನದ ‘ಲಂಬೋದರ 2.0’ ಚಿತ್ರ 13 ನವೆಂಬರ್ ರಂದು ತೆರೆಗೆ!

ಸ್ಯಾಂಡಲ್‌ವುಡ್ ಸಿನಿಪ್ರಿಯರಿಗೆ ಸಂತೋಷದ ಸಮಾಚಾರ.. ವೈಜ್ಞಾನಿಕ ಕಾಲ್ಪನಿಕ ಸಾಮಾಜಿಕ ಥ್ರಿಲ್ಲರ್ ಚಿತ್ರ 'ಲಂಬೋದರ 2.0' ಸಿನಿಮಾ ನಾಡಿದ್ದು ಅಂದರೆ 13 ನವೆಂಬರ್ 2026ರಂದು ಬಿಡುಗಡೆಯಾಗಲಿದೆ. ಈ ಸಿನಿಮಾದ ವಿಶೇಷತೆಯೇನು? ಯಾವೆಲ್ಲಾ ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ? ಇಲ್ಲಿದೆ ನೋಡಿ ಎಲ್ಲಾ ಮಾಹಿತಿ..

ಕನ್ನಡದ ಸೂಪರ್ ಹಿಟ್ 'ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ' ಸಿನಿಮಾದ ಖ್ಯಾತಿಯ ನಿರ್ದೇಶಕ 'ಸಿಂಪಲ್ ಸುನಿ' ನಿರ್ದೇಶನದ ಈ ಚಿತ್ರದಲ್ಲಿ ಅನಿಲ್ ಶೆಟ್ಟಿ, ಕುನಾಲ್ ಕಪೂರ್, ಸಾಚಿ ಬಿಂದ್ರಾ ಮುಖ್ಯ ತಾರಾಗಣವಿದೆ. ಅಚ್ಚರಿ ಎಂಬಂತೆ ಈ ಸಿನಿಮಾದಲ್ಲಿ ಹ್ಯೂಮನಾಯ್ಡ್ ರೋಬೋಟ್ 'JIA' ಅಭಿನಯ ಕೂಡ ಇದೆ. ಅಂದರೆ, ಈ ಸಿನಿಮಾದಲ್ಲಿ 'JIA' ರೋಬೋಟ್ ವೈಜ್ಞಾನಿಕ ಕಲ್ಪನೆಯ ನಟನೆ ಕೂಡ ಇದೆ. ಈ ಚಿತ್ರ ಕನ್ನಡ ಮಾತ್ರವಲ್ಲ, ಹಿಂದಿಯಲ್ಲಿಯೂ ತೆರೆ ಕಾಣಲಿದೆ.

ಸಿಂಪಲ್ ಸುನಿ ನಿರ್ದೇಶನದ ‘ಲಂಬೋದರ 2.0’ ಚಿತ್ರದ ವಿತರಣಾ ಹಕ್ಕುಗಳನ್ನು ಪಡೆದುಕೊಂಡ ಪಿವಿಆರ್ ಐನಾಕ್ಸ್ ಪಿಕ್ಚರ್ಸ್!

ಸಿಂಪಲ್ ಸುನಿ ನಿರ್ದೇಶನದ, ಬಹುನಿರೀಕ್ಷಿತ ಕನ್ನಡ ಮತ್ತು ಹಿಂದಿ ಭಾಷೆಗಳ ವೈಜ್ಞಾನಿಕ ಕಾಲ್ಪನಿಕ ಸಾಮಾಜಿಕ ಥ್ರಿಲ್ಲರ್ ಚಿತ್ರ ‘ಲಂಬೋದರ 2.0’ ಚಿತ್ರದ ವಿತರಣಾ ಹಕ್ಕುಗಳನ್ನು ಪ್ರತಿಷ್ಠಿತ 'ಪಿವಿಆರ್ ಐನಾಕ್ಸ್ ಪಿಕ್ಚರ್ಸ್' ಸಂಸ್ಥೆ ಪಡೆದುಕೊಂಡಿದೆ. ಮಹಾವೀರ್ ಜೈನ್ ಫಿಲ್ಮ್ಸ್ ಪ್ರಸ್ತುತಪಡಿಸುತ್ತಿರುವ ಹಾಗೂ ‘ಮಾಸ್ ಪ್ರೊಡಕ್ಷನ್’ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗಿರುವ ಈ ಚಿತ್ರವು ನವೆಂಬರ್ 13, 2026ರಂದು ಚಿತ್ರಮಂದಿರಗಳಲ್ಲಿ ಅದ್ದೂರಿಯಾಗಿ ಬಿಡುಗಡೆಯಾಗಲಿದೆ.

ಖ್ಯಾತ ನಿರ್ದೇಶಕ ಸಿಂಪಲ್ ಸುನಿ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರದಲ್ಲಿ ಅನಿಲ್ ಶೆಟ್ಟಿ, ಬಾಲಿವುಡ್ ನಟ ಕುನಾಲ್ ಕಪೂರ್ ಹಾಗೂ ಸಾಚಿ ಬಿಂದ್ರಾ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ವಿಶೇಷವೆಂದರೆ, ಈ ಚಿತ್ರದ ಮೂಲಕ ನಟ ಕುನಾಲ್ ಕಪೂರ್ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾರೆ. ಕೃತಕ ಬುದ್ಧಿಮತ್ತೆ (AI), ಅಲ್ಗಾರಿದಮ್‌ಗಳು ಹಾಗೂ ಡಿಜಿಟಲ್ ತಂತ್ರಜ್ಞಾನ ಮಾನವನ ಬದುಕಿನ ಮೇಲೆ ದಿನದಿಂದ ದಿನಕ್ಕೆ ಗಾಢ ಪ್ರಭಾವ ಬೀರುತ್ತಿರುವ ಇಂದಿನ ಜಗತ್ತಿನಲ್ಲಿ, ಮನುಷ್ಯನ ಸಂತೋಷದ ಹುಡುಕಾಟ, ಭಾವನೆಗಳ ಮೇಲಾಗುವ ತಂತ್ರಜ್ಞಾನದ ಪರಿಣಾಮ ಹಾಗೂ ಸ್ವತಂತ್ರವಾಗಿ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಮಾನವನ ಸ್ವಾತಂತ್ರ್ಯದಂತಹ ಗಂಭೀರ ವಿಷಯಗಳನ್ನು ‘ಲಂಬೋದರ 2.0’ ಚಿತ್ರವು ಒಳಗೊಂಡಿದೆ.

ಪ್ರಮುಖ ಆಕರ್ಷಣೆ- ನೈಜ ಹ್ಯೂಮನಾಯ್ಡ್ ರೋಬೋಟ್ 'JIA'

ಈ ಚಿತ್ರದ ಅತ್ಯಂತ ಪ್ರಮುಖ ಆಕರ್ಷಣೆಯೆಂದರೆ, ನೈಜ ಹ್ಯೂಮನಾಯ್ಡ್ ರೋಬೋಟ್ 'JIA' ಒಂದು ಪಾತ್ರವಾಗಿ ನಟಿಸಿರುವುದು. ವೈಜ್ಞಾನಿಕ ಕಲ್ಪನೆಯ ಕಥೆಯೊಂದಿಗೆ ಹಾಸ್ಯ, ಪ್ರೇಮ, ಸಸ್ಪೆನ್ಸ್, ಕೌಟುಂಬಿಕ ಭಾವನೆಗಳು ಹಾಗೂ ಚಿಂತನೆಗೆ ಹಚ್ಚುವ ಸಾಮಾಜಿಕ ಸಂದೇಶವನ್ನು ಬೆರೆಸಿರುವ ‘ಲಂಬೋದರ 2.0’, ಎಲ್ಲ ವಯೋಮಾನದ ಪ್ರೇಕ್ಷಕರಿಗೂ ವಿಶಿಷ್ಟ ಸಿನಿಮಾ ಅನುಭವವನ್ನು ನೀಡುವ ನಿರೀಕ್ಷೆಯಿದೆ. ಭಾರತದ ಪ್ರಮುಖ ಸಿನಿಮಾ ವಿತರಣಾ ಸಂಸ್ಥೆಗಳಲ್ಲಿ ಒಂದಾದ ಪಿವಿಆರ್ ಐನಾಕ್ಸ್ ಪಿಕ್ಚರ್ಸ್ ಈ ಚಿತ್ರದ ವಿತರಣಾ ಹಕ್ಕುಗಳನ್ನು ಪಡೆದುಕೊಂಡಿರುವುದು ಚಿತ್ರತಂಡಕ್ಕೆ ದೊರೆತ ಪ್ರಮುಖ ಮೈಲಿಗಲ್ಲಾಗಿದೆ. ಸಂಸ್ಥೆಯ ಸುದೀರ್ಘ ಅನುಭವ ಮತ್ತು ವಿತರಣಾ ಜಾಲವು ಈ ಮಹತ್ವಾಕಾಂಕ್ಷೆಯ ಚಿತ್ರವನ್ನು ಪ್ರೇಕ್ಷಕರಿಗೆ ವ್ಯಾಪಕವಾಗಿ ತಲುಪಿಸಲು ಮತ್ತಷ್ಟು ಬಲ ತುಂಬಲಿದೆ.

ಮಹಾವೀರ್ ಜೈನ್ ಫಿಲ್ಮ್ಸ್ ಪ್ರಸ್ತುತಿಯಲ್ಲಿ, ಮಾಸ್ ಪ್ರೊಡಕ್ಷನ್ ನಿರ್ಮಿಸಿರುವ ಈ ಚಿತ್ರವು ಹೊಸತನದ ಕಥಾಹಂದರ ಹಾಗೂ ಆಧುನಿಕ ತಂತ್ರಜ್ಞಾನವನ್ನು ಬೆಸೆದು ಪ್ರೇಕ್ಷಕರನ್ನು ರಂಜಿಸುವ ಉದ್ದೇಶದೊಂದಿಗೆ ತೆರೆಗೆ ಬರಲು ಸಜ್ಜಾಗಿದೆ. ‘ಲಂಬೋದರ 2.0’ ಚಿತ್ರವು ನವೆಂಬರ್ 13ರ ಶುಕ್ರವಾರದಂದು ಕರ್ನಾಟಕದಾದ್ಯಂತ ಕನ್ನಡ ಮತ್ತು ಹಿಂದಿ ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗಲಿದೆ.

ಹ್ಯಾಪಿನೆಸ್ ಲೋಡಿಂಗ್… ನವೆಂಬರ್ 13ರಿಂದ ಚಿತ್ರಮಂದಿರಗಳಲ್ಲಿ!

ಈ ಚಿತ್ರದ ವಿವರಗಳು

ಚಿತ್ರದ ಹೆಸರು: ಲಂಬೋದರ 2.0

ಪ್ರಕಾರ: ವೈಜ್ಞಾನಿಕ ಕಾಲ್ಪನಿಕ ಸಾಮಾಜಿಕ ಥ್ರಿಲ್ಲರ್

ನಿರ್ದೇಶನ: ಸಿಂಪಲ್ ಸುನಿ

ತಾರಾಗಣ: ಅನಿಲ್ ಶೆಟ್ಟಿ, ಕುನಾಲ್ ಕಪೂರ್, ಸಾಚಿ ಬಿಂದ್ರಾ ಹಾಗೂ ಹ್ಯೂಮನಾಯ್ಡ್ ರೋಬೋಟ್ JIA

ಪ್ರಸ್ತುತಿ: ಮಹಾವೀರ್ ಜೈನ್ ಫಿಲ್ಮ್ಸ್

ನಿರ್ಮಾಣ ಸಂಸ್ಥೆ: ಮಾಸ್ ಪ್ರೊಡಕ್ಷನ್ (MASS Production)

ಚಿತ್ರ ವಿತರಣೆ: ಪಿವಿಆರ್ ಐನಾಕ್ಸ್ ಪಿಕ್ಚರ್ಸ್

ಭಾಷೆಗಳು: ಕನ್ನಡ ಮತ್ತು ಹಿಂದಿ

ಬಿಡುಗಡೆ ದಿನಾಂಕ: 13 ನವೆಂಬರ್ 2026