ರಚಿತಾ ರಾಮ್ ಜೊತೆಗೆ ‘ಲಕಲಕ ಲ್ಯಾಂಬೋರ್ಗಿನಿ’ ರ್ಯಾಪ್ ಸಾಂಗ್ ಮೂಲಕ ಹವಾ ಎಬ್ಬಿಸಿದ ಚಂದನ್ ಶೆಟ್ಟಿ ಇದೀಗ ಚಿತ್ರವೊಂದರ ನಾಯಕನಾಗಲು ಹೊರಟಿದ್ದಾರೆ. ‘ಗುಬ್ಬಿ ಮೇಲೆ ಬ್ರಹ್ಮಾಸ್ತ್ರ’ ಚಿತ್ರ ನಿರ್ದೇಶಿಸಿದ್ದ ಸುಜಯ್ ಶಾಸ್ತ್ರಿ ನಿರ್ದೇಶನದ ಈ ಸಿನಿಮಾ ಹೆಸರು ಇನ್ನಷ್ಟೇ ರಿವೀಲ್ ಆಗಬೇಕಿದೆ. ಚಿತ್ರದ ಬಗ್ಗೆ ಚಂದನ್ ಮಾತುಗಳಿವು.
ಕೆಲವು ದಿನಗಳಿಂದ ಸಾಕಷ್ಟು ಸಿನಿಮಾ ಕತೆ ಕೇಳೋದು, ನಿರ್ದೇಶಕರು ಬಂದು ಮಾತಾಡಿಸೋದು ನಡೆಯುತ್ತಲೇ ಇತ್ತು. ‘ರಾಜ ರಾಣಿ’ ರಿಯಾಲಿಟಿ ಶೋನಲ್ಲಿ ನಿರ್ದೇಶಕ ಸುಜಯ್ ಶಾಸ್ತ್ರಿ ನಾಲ್ಕು ಲೈನಲ್ಲಿ ಈ ಸಿನಿಮಾದ ಕತೆ ಹೇಳಿದರು. ಬಹಳ ಇಂಪ್ರೆಸ್ ಆದೆ.
80 - 90ರ ದಶಕದ ಕಥೆ ಈ ಚಿತ್ರದ್ದು. ಈ ಸಿನಿಮಾಕ್ಕಾಗಿ ಸಂಪೂರ್ಣ ಗೆಟಪ್ ಚೇಂಜ್ ಮಾಡ್ಕೊಂಡಿದ್ದೀನಿ. ಚಿತ್ರದ ಆರಂಭದಿಂದ ಕೊನೆಯವರೆಗೂ ಇದೇ ರೆಟೊ್ರೀ ಸ್ಟೈಲ್‌ನಲ್ಲೇ ಕಾಣಿಸಿಕೊಳ್ಳುತ್ತೀನಿ. ಡಿಗ್ರಿ ಓದಿರುವ ಹುಡುಗನಾಗಿರುವ ಕಾರಣ ಹಳ್ಳಿ ಭಾಷೆ ಏನೂ ಇರಲ್ಲ. ಸಿಟಿ ಹುಡುಗನಾಗಿಯೇ ಕಾಣಿಸಿಕೊಂಡಿದ್ದೀನಿ.
ಪತಿ Chandan ಜತೆ ವಿಡಿಯೋ; ಹಾಗಲಕಾಯಿ ತಿಂದು ಟ್ರೋಲ್ ಆದ Niveditha Gowdaನನ್ನ ಹೊಸ ಗೆಟಪ್ ನೋಡಿದವರು ‘ಇದು ನಿಜಕ್ಕೂ ನೀವೇನಾ’ ಅಂತ ಉದ್ಗಾರ ತೆಗೀತಿರುತ್ತಾರೆ. ಇದ್ಯಾಕೆ ಹೀಗಿದ್ದೀರಿ ಅಂತ ಕುತೂಹಲದಿಂದ ವಿಚಾರಿಸ್ತಾರೆ. ಆ ಕುತೂಹಲವೇ ನನಗೂ ಬೇಕಿದ್ದಿದ್ದು. ನನ್ನ ರ್ಯಾಪ್‌ಗಳಲ್ಲಿ ಬಹಳ ಹೈಫೈ ಲುಕ್‌ನಲ್ಲೇ ಕಾಣಿಸಿಕೊಂಡಿದ್ದೇನೆ. ಸ್ವತಃ ನನಗೇ ಇದೊಂದು ಹೊಸ ಅನುಭವ.
ಕೆಲವೊಂದು ಜಾಗಗಳು ವಿಚಿತ್ರವಾಗಿರುತ್ತವೆ. ಆ ಜಾಗಗಳನ್ನು ಸೈಂಟಿಫಿಕ್ ಆಗಿ ನೋಡಿದ್ರೆ ಏನೂ ಗೊತ್ತಾಗಲ್ಲ. ಅಂಥಾ ಮಿಸ್ಟೀರಿಯಸ್ ಸಬ್ಜೆಕ್‌ಟ್ ಜೊತೆಗೆ ಫನ್ ಸಹ ಚಿತ್ರದಲ್ಲಿ ಅಡಕವಾಗಿದೆ.
ಫೆಬ್ರವರಿಯಿಂದ ಬೆಂಗಳೂರು ಗ್ರಾಮೀಣ ಭಾಗದಲ್ಲಿ ಶೂಟಿಂಗ್ ನಡೆಯುತ್ತೆ. ಇದಾದ ಬಳಿಕ ನನ್ನ ಪತ್ನಿ ನಿವೇದಿತಾ ಜೊತೆಗೆ ಪಾರ್ಟಿ ರ್ಯಾಪ್ ಮಾಡುವ ಐಡಿಯಾ ಇದೆ.