ಕಂಟೆಂಟ್ ಜೊತೆಗೆ ಫ್ಯಾಂಟಸಿ, ಹಾರರ್ ಹ್ಯೂಮರ್ ಇರೋ ಸಿನಿಮಾ ಕೋಣ: ನಟ ಕೋಮಲ್
ಸಾರಾಂಶ
ಕೋಣ ಕತೆ ತುಂಬಾ ಸರಳ. ಕೋಣವನ್ನು ಬಲಿಕೊಡುವ ಆಚರಣೆಯನ್ನು ಮಾಡುವ ಊರಿಗೆ ಚಿತ್ರದ ನಾಯಕ ಹೋಗುತ್ತಾನೆ. ಬಲಿ ಆಗಬೇಕಾದ ಕೋಣದ ಜತೆಗೆ ಹೀರೋ ಕೂಡ ಲಾಕ್ ಆಗುತ್ತಾನೆ. ನಂತರ ಆ ಊರಿನಿಂದ ಹೇಗೆ ಹೊರಗೆ ಬರುತ್ತಾನೆ.
ಕೋಮಲ್ ನಟನೆಯ, ತನಿಷಾ ಕುಪ್ಪಂಡ ನಟನೆ- ನಿರ್ಮಾಣದ, ಹರಿಕೃಷ್ಣ ನಿರ್ದೇಶನದ ‘ಕೋಣ’ ಚಿತ್ರವು ಅಕ್ಟೋಬರ್ 31ರಂದು ತೆರೆಗೆ ಬರುತ್ತಿದೆ. ಹರಿಕೃಷ್ಣ ನಿರ್ದೇಶನದ ಈ ಚಿತ್ರದ ಟ್ರೇಲರ್ ಈಗಾಗಲೇ ಗಮನ ಸೆಳೆದಿದೆ. ಈ ಚಿತ್ರದ ಕುರಿತು ಕೋಮಲ್ ಮಾತುಗಳು ಇಲ್ಲಿವೆ.
- ಇದು ನೈಜ ಘಟನೆಯನ್ನು ಒಳಗೊಂಡ ಫ್ಯಾಂಟಸಿ, ಹಾರರ್ ಮತ್ತು ಹ್ಯೂಮರ್ ಕತೆಯ ಸಿನಿಮಾ. ಕಂಟೆಂಟ್ ಜೊತೆಗೆ ಹ್ಯೂಮರ್ ಇದೆ.
- ಕತೆ ತುಂಬಾ ಸರಳ. ಕೋಣವನ್ನು ಬಲಿಕೊಡುವ ಆಚರಣೆಯನ್ನು ಮಾಡುವ ಊರಿಗೆ ಚಿತ್ರದ ನಾಯಕ ಹೋಗುತ್ತಾನೆ. ಬಲಿ ಆಗಬೇಕಾದ ಕೋಣದ ಜತೆಗೆ ಹೀರೋ ಕೂಡ ಲಾಕ್ ಆಗುತ್ತಾನೆ. ನಂತರ ಆ ಊರಿನಿಂದ ಹೇಗೆ ಹೊರಗೆ ಬರುತ್ತಾನೆ, ಕೋಣವನ್ನು ಬಲಿ ಕೊಡಲು ಹೊರಟಿರುವುದು ಯಾಕೆ ಎಂಬುದನ್ನು ಹೇಳುತ್ತಾ ಹೋಗುತ್ತದೆ ಸಿನಿಮಾ.
ರಾತ್ರಿ ಹೊತ್ತಿನಲ್ಲೇ ಚಿತ್ರೀಕರಣ
- ಕುಂದಾಪುರದ ಭಾಗದ ಹಳ್ಳಿಯಲ್ಲಿ ರಾತ್ರಿ ಹೊತ್ತಿನಲ್ಲೇ ಹೆಚ್ಚು ಚಿತ್ರೀಕರಣ ಮಾಡಿದ್ದೇವೆ. ಮೂಢನಂಬಿಕೆಯ ಮೇಲೆ ನಡೆವ ಕತೆ ಚಿತ್ರದಲ್ಲಿದ್ದರೂ ಅದನ್ನು ಸಾಕಷ್ಟು ವಿಭಿನ್ನವಾಗಿ ನಿರೂಪಿಸಿಲಾಗಿದೆ.
- ನನ್ನ ಪಾತ್ರ ಹಾಗೂ ಕಾಸ್ಟ್ಯೂಮ್ ಈ ಚಿತ್ರದಲ್ಲಿ ಬೇರೆ ರೀತಿಯಾಗಿದೆ. ನಾನು ಇದುವರೆಗೂ ಕಾಣಿಸಿಕೊಳ್ಳದ ರೀತಿಯಲ್ಲಿ ಇಲ್ಲಿ ಕಾಣಿಸಿಕೊಳ್ಳುತ್ತಿದ್ದೇನೆ.
ಬಿಗ್ಬಾಸ್ ಶೋನಿಂದ ಬಂದ ಮೇಲೆ ನಾನೇ ನಟಿಸಿ, ನಿರ್ಮಿಸುತ್ತಿರುವ ಚಿತ್ರವಿದು. ಸಹ ಕಲಾವಿದರು, ಸ್ನೇಹಿತರ ಬೆಂಬಲದೊಂದಿಗೆ ಈ ಚಿತ್ರ ಮಾಡಿದ್ದೇನೆ. ಮೂಢನಂಬಿಕೆ ಜೊತೆಗೆ ಕಾಮಿಡಿ ಕನೆಕ್ಟ್ ಮಾಡಿರುವುದೇ ಈ ಚಿತ್ರದ ವಿಶೇಷತೆ.
- ತನಿಷಾ ಕುಪ್ಪಂಡ
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.