ನಿಮ್ಮ ಮಕ್ಕಳನ್ನು ನೀವು ತುಂಬಾ ಪ್ರೀತಿಸುತ್ತಿರಬಹುದು. ಆದರೆ ಪೇರೆಂಟಿಂಗ್ ಸಂದರ್ಭದಲ್ಲಿ ಮಾಡುವ ಈ ಕೆಳಗಿನ ತಪ್ಪುಗಳು ಮಾತ್ರ ಅವರನ್ನು ಜೀವಮಾನವಿಡೀ ಕಾಡುತ್ತವೆ. ಅಂಥ ತಪ್ಪುಗಳನ್ನು ಮಾಡಬೇಡಿ.
ಸಂಬಂಧದ (relati0ns) ಶುದ್ಧ ರೂಪಗಳಲ್ಲಿ ಹೆತ್ತವರು (parents) ಮತ್ತು ಮಗುವಿನ (child) ನಡುವಿನ ಸಂಬಂಧ ಒಂದು. ಹೆತ್ತವರು ತಮ್ಮ ಮಗುವಿಗೆ ಸರಿಯಾದ ಜೀವನದ ಮಾರ್ಗವನ್ನು ಸುಗಮಗೊಳಿಸುವಾಗ, ಮಕ್ಕಳು ತಮ್ಮ ಬದುಕಿನ ದಾರಿಯಲ್ಲಿ ಬರುವ ಎಲ್ಲಾ ಅವಕಾಶಗಳನ್ನು ಪಡೆದುಕೊಳ್ಳುವಷ್ಟು ಸಮರ್ಥರಾಗಿದ್ದಾರೆ ಎಂದು ಖಚಿತಪಡಿಸಿಕೊಳ್ಳುತ್ತಾರೆ.
ಆದರೂ ಹಾಗೆ ಮಾಡುವಾಗ ಪ್ರಮಾದಗಳು ಆಗದಂತೆ ಗಮನಿಸಿಕೊಳ್ಳುವುದು ಮುಖ್ಯ. ಕೆಲವು ಪ್ರಮಾದಗಳು ನಿಮ್ಮ ಮಗುವಿನ ಭವಿಷ್ಯದ ಮೇಲೆ ಋಣಾತ್ಮಕವಾಗಿ (negative) ಪರಿಣಾಮ ಬೀರಬಹುದು. ಪೋಷಕರು ತಪ್ಪಿಸಬೇಕಾದ ಕೆಲವು ಪ್ರಮಾದಗಳು ಇಲ್ಲಿವೆ.
undefined
1. ಮಗುವನ್ನು ಪ್ರೀತಿಸುತ್ತೀರಿ, ಆದರೆ ವ್ಯಕ್ತಪಡಿಸುವುದಿಲ್ಲ (Affection)
ನೀವು ನಿಮ್ಮ ಮಗುವನ್ನು ಅಪಾರವಾಗಿ ಪ್ರೀತಿಸಬಹುದು, ನಿಮ್ಮ ಎಲ್ಲಾ ಸಂಪತ್ತು ಮತ್ತು ಜೀವಿತಾವಧಿಯ ಉಳಿತಾಯವನ್ನು ಅವರಿಗಾಗಿ ತ್ಯಾಗ ಮಾಡಲು ಸಿದ್ಧರಿರಬಹುದು. ಆದರೆ ನೀವು ಅದರ ಬಗ್ಗೆ ನಿಮ್ಮ ಮಗುವಿಗೆ ಹೇಳದಿದ್ದರೆ, ನೀವು ಅವರನ್ನು ಪ್ರೀತಿಸುತ್ತೀರಿ ಎಂದು ತಿಳಯಲು ಅವರಿಗೆ ಯಾವುದೇ ಮಾರ್ಗವಿಲ್ಲ. ಒಂದು ಮಗು ಜೀವನದಲ್ಲಿ ಬಯಸುವುದು ಅವರ ಹೆತ್ತವರನ್ನು ಹೆಮ್ಮೆಪಡುವಂತೆ ಮಾಡುವುದು. ಮುಖ್ಯವಾಗಿ ಅವರ ಪ್ರಯತ್ನಗಳಿಗೆ ಮೆಚ್ಚುಗೆ ಮತ್ತು ಮನ್ನಣೆ ದೊರೆಯಬೇಕು.
ಮನೆಯಲ್ಲಿ ಪದೇ ಪದೇ ವಿವಾದ, ಕಲಹ ಉಂಟಾಗುತ್ತದೆಯೇ? ಹಾಗಿದ್ದರೆ ಈ ಸಲಹೆಗಳನ್ನು ಪಾಲಿಸಿ
ಪೋಷಕರಾಗಿ ನೀವು ಅದನ್ನು ಮಾಡಲು ವಿಫಲವಾದರೆ, ಅದು ನಿಮ್ಮ ಮಗುವಿನ ಮನಸ್ಸಿನ ಮೇಲೆ ಕಲೆಯನ್ನು ಬಿಡಬಹುದು ಮತ್ತು ಅವರ ಭವಿಷ್ಯದ ಮೇಲೆ ವಿವಿಧ ರೀತಿಯಲ್ಲಿ ನೆಗೆಟಿವ್ ಪರಿಣಾಮ ಬೀರಬಹುದು. ಆದ್ದರಿಂದ, ನೀವು ಅವರನ್ನು ಎಷ್ಟು ಪ್ರೀತಿಸುತ್ತೀರಿ ಎಂಬುದನ್ನು ತಿಳಿಸಲು ಮತ್ತು ನಿಮ್ಮ ಜೀವನದಲ್ಲಿ ಅವರ ಅಸ್ತಿತ್ವವನ್ನು ಪ್ರಶಂಸಿಸಲು ಎಂದಿಗೂ ಹಿಂಜರಿಯಬೇಡಿ.
2. ಅವರ ನಿರ್ಧಾರಗಳನ್ನು ನಿಯಂತ್ರಿಸುವುದು (Decision)
ಪೋಷಕರು ತಮ್ಮ ಮಕ್ಕಳಿಗೆ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಅವಕಾಶ ನೀಡುವ ಸಂದರ್ಭಗಳಿವೆ. ಅವರ ಜೀವನದ ಪ್ರತಿಯೊಂದು ಅಂಶವನ್ನು ನಿಯಂತ್ರಿಸುತ್ತಾ ಹೋದರೆ ಅವರು ಕಾಲಾನಂತರದಲ್ಲಿ ಮಾನಸಿಕವಾಗಿ ನಿರ್ಬಂಧಿತರಾಗುತ್ತಾರೆ. ಅವರು ತಮ್ಮ ಸಾಮರ್ಥ್ಯವನ್ನು ತಾವೇ ಅನುಮಾನಿಸುವಂತೆ ಆಗಬಹುದು. ನಿರ್ಧರಿಸುವ ಸಾಮರ್ಥ್ಯವು ವ್ಯಕ್ತಿಗೆ ನಿರ್ಧಾರಗಳ ಮೇಲೆ ಕಾರ್ಯನಿರ್ವಹಿಸಲು ಮತ್ತು ಶ್ರೇಷ್ಠತೆಯನ್ನು ಸಾಧಿಸಲು ಆತ್ಮವಿಶ್ವಾಸವನ್ನು ನೀಡುತ್ತದೆ.
3. ಅವರ ಸ್ಥಾನ ಕೊಡದಿರುವುದು (space)
ಪೋಷಕರಾಗಿ, ನೀವು ನಿಮ್ಮ ಮಗುವಿಗೆ ಸಾಕಷ್ಟು ಜಾಗವನ್ನು ನೀಡಬೇಕು. ಅವರ ಬದುಕಿನ ಗಡಿಗಳನ್ನು ಗೌರವಿಸಿ ಮತ್ತು ಅವರ ಗೌಪ್ಯತೆಯನ್ನು ಯಾವುದೇ ರೀತಿಯಲ್ಲಿ ಆಕ್ರಮಿಸಬೇಡಿ. ಮಕ್ಕಳು ಬೆಳೆದಂತೆ, ಅವರು ತಮ್ಮ ಜೀವನದ ಮೇಲೆ ತಾವೇ ಹಿಡಿತ ಸಾಧಿಸಲು ಬಯಸುತ್ತಾರೆ. ಅವರಿಗೆ ಆ ತೃಪ್ತಿಯನ್ನು ನೀಡಿ. ಅವರನ್ನು ಕಣ್ಗಾವಲು ಮಾಡದೆ ಅವರ ನಡೆಯನ್ನು ಮೇಲ್ವಿಚಾರಣೆ ಮಾಡಿ. ನೀವು ಅವರ ಜಾಗವನ್ನು ಗೌರವಿಸದೆ ಹೋದರೆ ಅವರು ನಿಮ್ಮನ್ನು ನಂಬಲು ವಿಫಲರಾಗಬಹುದು, ಅನುಮಾನಾಸ್ಪದರಾಗಬಹುದು. ಸುಳ್ಳು ಹೇಳುವುದು ಸಾಮಾನ್ಯ ಲಕ್ಷಣವಾಗಬಹುದು, ಅದು ಅವರ ಪ್ರೌಢಾವಸ್ಥೆಯಲ್ಲಿಯೂ ಸಹ ಅವರೊಂದಿಗೆ ಉಳಿಯಬಹುದು.
ಪೋಷಕರು ಈ ಕೆಲಸಗಳನ್ನು ಮಾತ್ರ ಮಕ್ಕಳ ಮುಂದೆ ಮಾಡಬಾರದು!
4. ಸಂಗಾತಿಯ ಜೊತೆ ಮಕ್ಕಳ ಮುಂದೆ ಜಗಳವಾಡುವುದು (Spouse)
ನಿಮ್ಮ ಮಕ್ಕಳ ಮುಂದೆ ಗಂಡ- ಹೆಂಡತಿ ಎಂದಿಗೂ ಜಗಳವಾಡಬೇಡಿ. ಇದು ಅವರ ಮನಸ್ಸಿನ ಮೇಲೆ ಆಘಾತದ ಶಾಶ್ವತ ಪರಿಣಾಮವನ್ನು ಬಿಡಬಹುದು. ಇದು ಭವಿಷ್ಯದಲ್ಲಿ ಅವರ ಸ್ವಂತ ಸಂಬಂಧಗಳನ್ನು ಅನುಮಾನಿಸುವಂತೆ ಮಾಡುತ್ತದೆ. ಪೋಷಕರು ಮಕ್ಕಳನ್ನು ಎದುರುನೋಡುವ ವ್ಯಕ್ತಿಗಳಾಗಿದ್ದರೂ, ನೀವು ಪ್ರೀತಿ, ವಿಶ್ವಾಸ ಮತ್ತು ನಿಷ್ಠೆಯ ಉದಾಹರಣೆಗಳನ್ನು ಹೊಂದಿಸಬೇಕು, ಹಾಗೆಯೇ ಅವರ ಸಮಸ್ಯೆ-ಪರಿಹರಿಸುವ ಸಾಮರ್ಥ್ಯಗಳನ್ನು ಹೆಚ್ಚಿಸಬೇಕು.
5. ಅವಾಸ್ತವಿಕ ನಿರೀಕ್ಷೆಗಳನ್ನು ಹೊಂದಿರುವುದು
ನಿಮ್ಮ ಮಗುವು ಸಾಕಷ್ಟು ಕೆಲಸ ಮಾಡುತ್ತಿಲ್ಲ ಎಂದು ನೀವು ಭಾವಿಸಿದರೆ, ಅವರು ನಿಮ್ಮ ಬೇಡಿಕೆಗಳನ್ನು ಈಡೇರಿಸಲು ಮಾಡುತ್ತಿರುವ ಎಲ್ಲಾ ಪ್ರಯತ್ನಗಳ ಬಗೆಗೂ ಯೋಚಿಸಿ. ಪ್ರತಿ ಮಗುವೂ ವಿಭಿನ್ನ ಸ್ವಭಾವದ್ದು ಮತ್ತು ವಿಭಿನ್ನ ಸಾಮರ್ಥ್ಯಗಳನ್ನು ಹೊಂದಿದೆ. ಅವಾಸ್ತವಿಕ ನಿರೀಕ್ಷೆಗಳನ್ನು ಹೊಂದಿಸುವುದು ನಿಮ್ಮ ಮಗುವಿಗೆ ಹೆಚ್ಚು ಕೆಲಸ ಮಾಡಲು ಒತ್ತಡ ಹೇರುತ್ತದೆ. ಅವರಿಗೂ ವಿಶ್ರಾಂತಿ ಬೇಕು ಮತ್ತು ನೀವು ಅವರನ್ನು ಹೆಚ್ಚು ಒತ್ತಡ ಹಾಕುತ್ತಿದ್ದರೆ, ಅವರಿಗೆ ಅಗತ್ಯವಾದ ಬಾಲ್ಯವು ಅವರಿಗೆ ದಕ್ಕುವುದಿಲ್ಲ. ಇದು ಅವರ ಭವಿಷ್ಯದ ಮೇಲೆಯೂ ಪರಿಣಾಮ ಬೀರಬಹುದು.