Viral News: ಮದುಮಗನ ಸಿಬಿಲ್‌ ಸ್ಕೋರ್‌ ಕಡಿಮೆ ಎಂದು ಮದುವೆಯನ್ನೇ ಕ್ಯಾನ್ಸಲ್‌ ಮಾಡಿದ ವಧುವಿನ ಕುಟುಂಬ!

ಮದುವೆ ಮಾಡಿಕೊಳ್ಳುವ ಮದುಮಗನ ಬ್ಯಾಂಕ್ ಕ್ರೆಡಿಟ್ ಸಿಬಿಲ್ ಸ್ಕೋರ್ ಕಡಿಮೆ ಇದ್ದಿದ್ದರಿಂದ ವಧುವಿನ ಮನೆಯವರು ಮಗಳ ಮದುವೆಯನ್ನೇ ಮುರಿದುಕೊಂಡಿರುವ ಘಟನೆ ವರದಿಯಾಗಿದೆ.

ಇತ್ತೀಚೆಗೆ ವೈವಾಹಿಕ ಸಂಬಂಧಗಳನ್ನು ಬೆಳೆಸುವುದಕ್ಕೆ ಕಾರಣವಾಗುವ ಅಂಶಗಳಲ್ಲಿ ಭಾರೀ ಬದಲಾವಣೆ ಆಗಿದೆ. ಹುಡುಗ ದುಡಿಯುತ್ತಾನಾ? ಸರ್ಕಾರಿ ನೌಕರಿ ಇದೆಯಾ? ಒಳ್ಳೆಯ ಬ್ಯಾಂಕ್ ಬ್ಯಾಲೆನ್ಸ್, ಆಸ್ತಿ ಇದೆಯಾ ಎಂದು ನೋಡುತ್ತಾರೆ. ಇನ್ನು ಕೆಲವರು ಹುಡುಗನ ನಡತೆ, ಗುಣಗಳನ್ನು ನೋಡುತ್ತಾರೆ. ಆದರೆ, ಇಲ್ಲೊಂದು ಹುಡುಗಿ ಮನೆಯವರು ಮದುವೆ ಮಾಡಿಕೊಳ್ಳುವ ವರನ ಬ್ಯಾಂಕ್ ಕ್ರೆಡಿಟ್ ಹಿಸ್ಟರಿ ಸರಿಯಾಗಿಲ್ಲ, ಸಿಬಿಲ್ ಸ್ಕೋರ್ ಚೆನ್ನಾಗಿಲ್ಲ ಎಂದು ಮದುವೆಯನ್ನೇ ಮುರಿದುಕೊಂಡಿದ್ದಾರೆ.

ಹೌದು, ಈಗ ಮದುವೆ ಮಾಡಿಕೊಳ್ಳುವ ವಧು-ವರನ ಮನೆಯವರು ಯಾವ ಕಾರಣಕ್ಕೆ ಹುಡುಗನಿಗೆ ಮದುವೆ ಮಾಡಿಕೊಡುತ್ತಾರೆ ಎಂಬುದನ್ನು ನೋಡುವಂತಹ ಕಾಲ ಬದಲಾಗಿದೆ. ಈಗ ಮದುವೆ ಆಗಬೇಕು ಅಂದ್ರೆ ಸ್ವಲ್ಪ ಬೆವರನ್ನು ಹರಿಸಬೇಕಾಗುತ್ತೆ. ಮಹಾರಾಷ್ಟ್ರದಲ್ಲಿ ನಡೆದ ಈ ಘಟನೆಯಲ್ಲಿ, ವಧುವಿನ ಕುಟುಂಬ ಮದುವೆ ಬೇಡ ಅಂತ ನಿರ್ಧರಿಸಿದ ಕಾರಣ ಕೇಳಿದರೆ ನಿಮಗೆ ಆಶ್ಚರ್ಯ ಆಗಬಹುದು. ವರನಿಗೆ ಸಿಬಿಲ್ ಸ್ಕೋರ್ ಕಡಿಮೆ ಇದೆ ಅನ್ನೋ ಕಾರಣಕ್ಕೆ ವಧುವಿನ ಮನೆಯವರು ಮದುವೆಯಿಂದ ಹಿಂದೆ ಸರಿದಿದ್ದಾರೆ ಎಂದು ನಗು ಕೂಡ ಬರುತ್ತದೆ. ಆದರೆ, ಇದು ನೈಜವಾಗಿ ನಡೆದ ಘಟನೆಯಾಗಿದೆ.

ಇದನ್ನೂ ಓದಿ: ತಂಗಿಗಾಗಿ 1ಕೋಟಿ ರೂ ನಗದು 291 ಗ್ರಾಂ ಚಿನ್ನ, 5 ಕೆಜಿ ಬೆಳ್ಳಿ, 2 ಸೈಟ್‌ ವರದಕ್ಷಿಣೆ ಕೊಟ್ಟ ಸಹೋದರರು!

ಮಹಾರಾಷ್ಟ್ರದ ಮೂರ್ತಿಜಾಪುರದಲ್ಲಿ ಈ ಘಟನೆ ನಡೆದಿದೆ ಅಂತ ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ. ವಧು-ವರರು ಮತ್ತು ಅವರ ಕುಟುಂಬದವರು ಪರಸ್ಪರ ಇಷ್ಟಪಟ್ಟು ಮದುವೆ ಬಹುತೇಕ ಫಿಕ್ಸ್ ಆದ ನಂತರ, ವಧುವಿನ ಒಬ್ಬ ಮಾವ ವರನ ಸಿಬಿಲ್ ಸ್ಕೋರ್ ಚೆಕ್ ಮಾಡಬೇಕು ಅಂತ ಕೇಳಿದ್ದಾರೆ. ಆಗ ಎಲ್ಲಾ ಬದಲಾಗಿ ಹೋಯ್ತು.

ವರನಿಗೆ ಸಿಬಿಲ್ ಸ್ಕೋರ್ ತುಂಬಾ ಕಡಿಮೆ ಇತ್ತು ಅಷ್ಟೇ ಅಲ್ಲ, ಅವನ ಹೆಸರಿನಲ್ಲಿ ವಿವಿಧ ಬ್ಯಾಂಕುಗಳಿಂದ ಹಲವು ಸಾಲಗಳು ಇದ್ದವು ಅಂತ ಗೊತ್ತಾಯ್ತು. ಕಡಿಮೆ ಸಿಬಿಲ್ ಸ್ಕೋರ್ ಅಂದ್ರೆ ಕೆಟ್ಟ ಕ್ರೆಡಿಟ್ ಹಿಸ್ಟರಿ ಅಂತ ಅರ್ಥ. ಹಾಗಾಗಿ ವರன் ಆರ್ಥಿಕವಾಗಿ ಸ್ಥಿರವಾಗಿಲ್ಲ ಅಂತ ವಧುವಿನ ಮನೆಯವರು ತೀರ್ಮಾನಿಸಿ ಮದುವೆಯಿಂದ ಹಿಂದೆ ಸರಿದರು ಅಂತ ವರದಿಗಳು ಹೇಳುತ್ತಿವೆ.

ಇದನ್ನೂ ಓದಿ: ದೆಹಲಿ ಫಲಿತಾಂಶದ ಬೆನ್ನಲ್ಲೇ ಕೇಜ್ರಿವಾಲ್​, ಮೋದಿ ಗುದ್ದಾಟ: EVM ಗದ್ದಲ! ಅಬ್ಬಬ್ಬೋ ಜಾಲತಾಣದಲ್ಲಿ ಇದೇನಿದು?

ಮದುವೆಯನ್ನು ಸಂಪೂರ್ಣವಾಗಿ ವಿರೋಧಿಸಿದ ವಧುವಿನ ಮಾವ, ಆರ್ಥಿಕ ಸಮಸ್ಯೆಗಳಿಂದ ಬಳಲುತ್ತಿರುವ ಪುರುಷ ತನ್ನ ಸೊಸೆಗೆ ಸೂಕ್ತ ಅಲ್ಲ ಅಂತ ಅಭಿಪ್ರಾಯಪಟ್ಟರು. ಭವಿಷ್ಯದಲ್ಲಿ ಹೆಂಡತಿಗೆ ಆರ್ಥಿಕ ಭದ್ರತೆ ಒದಗಿಸಲು ಅವನಿಗೆ ಸಾಧ್ಯವಿಲ್ಲ ಅಂತ ಅವರು ವಾದಿಸಿದರು. ಹಾಗಾಗಿ ಯುವತಿಯ ಕುಟುಂಬದ ಇತರ ಸದಸ್ಯರೂ ಆ ಅಭಿಪ್ರಾಯಕ್ಕೆ ಒಪ್ಪಿ ಮದುವೆಯಿಂದ ಹಿಂದೆ ಸರಿದರು. ಬಹುಶಃ ಸಿಬಿಲ್ ಸ್ಕೋರ್ ಕಡಿಮೆ ಇದ್ದಿದ್ದರಿಂದ ಒಬ್ಬರ ಮದುವೆ ಮುರಿದುಬಿದ್ದಿದ್ದು ಇದೇ ಮೊದಲ ಬಾರಿ ಆಗಿರಬಹುದು.