ಇಲ್ಲೊಂದು ಕಡೆ ಇಡೀ ಪಾಕಿಸ್ತಾನದ ಇಡೀ ಕುಟುಂಬವೇ ಜಸ್ಟಿನ್ ಬೈಬರ್ ಅಭಿಮಾನಿಯಾಗಿದ್ದು, ಇಡೀ ಕುಟುಂಬ ಜೊತೆಯಾಗಿ ಸೇರಿ ಜಸ್ಟಿನ್ ಬೈಬರ್ ಹಾಡನ್ನು ಅದೇ ಜೋಶ್‌ನಲ್ಲಿ ಹಾಡುತ್ತಿರುವ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಕರಾಚಿ: ಪಾಪ್ ಸಿಂಗರ್ ಜಸ್ಟಿನ್ ಬೈಬರ್ ಹಾಡನ್ನು ಇಷ್ಟಪಡದವರಿಲ್ಲ,. ಪಾಶ್ಚಾತ್ಯ ಸಂಗೀತವನ್ನು ಇಷ್ಟಪಡುವ ಬಹುತೇಕ ಅದರಲ್ಲೂ ಯುವ ಸಮೂಹದ ಜನ ಜಸ್ಟಿನ್ ಬೈಬರ್ ಹಾಡನ್ನು ಬಹಳವಾಗಿ ಇಷ್ಟಪಡುತ್ತಾರೆ. ಅದರಲ್ಲೂ 2010ರಲ್ಲಿ ರಿಲೀಸ್ ಆದ ಬೇಬಿ ಹಾಡನ್ನು ಇಷ್ಟಪಡದ ಜನರಿಲ್ಲ, ಅನೇಕರ ನಾಲಗೆ ತುದಿಯಲ್ಲೇ ಈ ಹಾಡು ಇದ್ದು, ಆಗಾಗ ಈ ಹಾಡನ್ನು ಗುನುಗುತ್ತಿರುತ್ತಾರೆ. ಅದೇ ರೀತಿ ಇಲ್ಲೊಂದು ಕಡೆ ಇಡೀ ಪಾಕಿಸ್ತಾನದ ಇಡೀ ಕುಟುಂಬವೇ ಜಸ್ಟಿನ್ ಬೈಬರ್ ಅಭಿಮಾನಿಯಾಗಿದ್ದು, ಇಡೀ ಕುಟುಂಬ ಜೊತೆಯಾಗಿ ಸೇರಿ ಜಸ್ಟಿನ್ ಬೈಬರ್ ಹಾಡನ್ನು ಅದೇ ಜೋಶ್‌ನಲ್ಲಿ ಹಾಡುತ್ತಿರುವ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಲಕ್ಷಾಂತರ ಜನ ಈ ವೀಡಿಯೋ ನೋಡಿ ಮೆಚ್ಚುಗೆ ಸೂಚಿಸಿದ್ದಾರೆ.
ಆದರೆ ಇಲ್ಲಿ ಎಲ್ಲೋ ರಿಲೀಕ್ಸ್ ಮ್ಯಾಚ್ ಆಗ್ತಿಲ್ಲ, ಆದರೂ ಅದೇ ಸ್ಟೈಲ್‌ನಲ್ಲಿ ಕುಟುಂಬದವರೆಲ್ಲಾ ಸೇರಿ ಬೇಬಿ ಟ್ಯೂನ್ ಅಲ್ಲಿ ಹಾಡು ಹಾಡುತ್ತಿದ್ದು ವೀಡಿಯೋ ವೈರಲ್ ಆಗಿದೆ. ಕಲ್ಚರ್ ಗಲ್ಲಿ ಎಂಬ ಇನ್ಸ್ಟಾಗ್ರಾಮ್ ಪೇಜ್‌ನಿಂದ ಈ ವೀಡಿಯೋ ಅಪ್‌ಲೋಡ್ ಆಗಿದ್ದು, ವೀಡಿಯೋದಲ್ಲಿ ಕುಟುಂಬವೊಂದು ನಿರ್ಮಾಣವಾಗುತ್ತಿರುವ ಬಿಲ್ಡಿಂಗ್‌ನ ಕೆಳ ಭಾಗದಲ್ಲಿ ಕುಳಿತಿದ್ದು, ಮನೋರಂಜನೆಗೋಸ್ಕರ ಕುಟುಂಬದವರೆಲ್ಲಾ ಸೇರಿ ಜಸ್ಟಿನ್ ಬೈಬರ್‌ನ ಬೇಬಿ ಹಾಡನ್ನು ಹಾಡುತ್ತಿದ್ದು ಕುಟುಂಬದ ಹಿರಿಯ ಮಹಿಳೆಯರು ಕೂಡ ಈ ಹಾಡಿಗೆ ಸಾಥ್ ನೀಡಿದ್ದಾರೆ. ಒಬ್ಬ ಮಹಿಳೆ ಹಾಡುತ್ತಿದ್ದರೆ ಅಲ್ಲಿದವರೆಲ್ಲಾ ಹಾಡಿಗೆ ದನಿ ಗೂಡಿಸುತ್ತಿದ್ದಾರೆ. ಆದರೆ ಈ ವೀಡಿಯೋ ಸೆರೆಯಾದ ಪ್ರದೇಶ ಯಾವುದು ಎಂದು ಎಲ್ಲೂ ಉಲ್ಲೇಖವಿಲ್ಲ,
ಗಾಯಕ ಜಸ್ಟಿನ್ ಬೀಬರ್‌ ಮುಖಕ್ಕೆ ಪಾರ್ಶ್ವವಾಯು; ನಗಲೂ ಆಗದ ವಿಚಿತ್ರ ಕಾಯಿಲೆಗೆ ಕಾರಣವಾಗೋದೇನು ?
ತಮ್ಮ ನಿರ್ಮಾಣವಾಗುತ್ತಿರುವ ಮನೆಯನ್ನು ನೋಡಲು ಬಂದ ವೇಳೆ ಕುಟುಂಬದವರು ಮನೋರಂಜನೆಗೋಸ್ಕರ ಜಸ್ಟಿನ್ ಬೈಬರ್ ಅವರ ಖ್ಯಾತ ಹಾಡು ಬೇಬಿಯನ್ನು ಹಾಡಿದರು ಎಂದು ವೀಡಿಯೋ ಪೋಸ್ಟ್ ಮಾಡಿ ಬರೆದಯಲಾಗಿದೆ. ಈ ವೀಡಿಯೋಗೆ ಸಮಾಜಿಕ ಜಾಲತಾಣ ಬಳಕೆದಾರರು ಮಿಶ್ರ ಪ್ರತಿಕ್ರಿಯೆ ನೀಡಿದ್ದು, ಕೆಲವರು ಇಷ್ಟ ಪಟ್ಟರೆ ಮತ್ತೆ ಕೆಲವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇನ್ನು ವೀಡಿಯೋದಲ್ಲಿ ಕಾಮಾಗಾರಿ ಕೆಲಸವೂ ಜೊತೆ ಜೊತೆಗೆ ನಡೆಯುತ್ತಿದ್ದು, ಒಬ್ಬ ಅಲ್ಲೇ ಕಟ್ಟಡದ ಅವಶೇಷಗಳನ್ನು ರಾಶಿ ಮಾಡುತ್ತಿದ್ದಾನೆ. ಮನೆಯನ್ನು ನವೀಕರಣಗೊಳಿಸುತ್ತಿರುವಂತೆ ಈ ವೀಡಿಯೋ ಕಾಣಿಸುತ್ತಿದ್ದು, ವೀಡಿಯೋ ನೋಡಿದ ಕೆಲವರು ಯಾರಿಗೆ ಗುಂಡಿ ತೋಡುತ್ತಿದ್ದೀರಿ ಎಂದು ಪ್ರಶ್ನಿಸಿದರೆ ಮತ್ತೆ ಕೆಲವರು ಯಾರ ಸಮಾಧಿಯನ್ನು ತೋಡುತ್ತಿದ್ದೀರಿ ಎಂದು ಕೇಳಿದ್ದಾರೆ. ಮತ್ತೆ ಅನೇಕರು ಲವ್ ಇಮೋಜಿ ಮೂಲಕ ಈ ವೀಡಿಯೋವನ್ನು ಇಷ್ಟಪಟ್ಟಿದ್ದಾರೆ.
ಪಾಪ್ ಗಾಯಕ justin Bieber ಬಗ್ಗೆ ನಿಮಗೆಷ್ಟು ಗೊತ್ತು?
ಅಂದಹಾಗೆ ಜಸ್ಟಿನ್ ಬೈಬರ್‌ನ ಬೇಬಿ ಅಲ್ಬಂ ಸಾಂಗ್ 2010ರಲ್ಲಿ ಬಿಡುಗಡೆಯಾಗಿದ್ದು ಸೂಪರ್ ಡ್ಯೂಪರ್ ಹಿಟ್ ಆಗಿದೆ. ಯೂಟ್ಯೂಬ್‌ನಲ್ಲಿ ಕೋಟ್ಯಾಂತರ ಜನ ಈ ವೀಡಿಯೋ ವೀಕ್ಷಿಸಿದ್ದಾರೆ.