ಸಲ್ಮಾನ್‌ಖಾನ್‌ ಶ್ರೀರಾಮನ ವಾಚ್‌ ಧರಿಸಿದ್ದು ಇಸ್ಲಾಂಗೆ 'ಹರಾಮ್‌' ಎಂದ ಮೌಲಾನಾ ರಿಜ್ವಿ!

ಬಾಲಿವುಡ್ ನಟ ಸಲ್ಮಾನ್ ಖಾನ್ ರಾಮ ಜನ್ಮಭೂಮಿ ಎಡಿಷನ್ ವಾಚ್ ಧರಿಸಿದ್ದು ಇಸ್ಲಾಂನಲ್ಲಿ ನಿಷೇಧಿತ ಎಂದು ಮೌಲಾನಾ ಶಹಾಬುದ್ದೀನ್ ರಜ್ವಿ ಹೇಳಿದ್ದಾರೆ. ಸಲ್ಮಾನ್ ಖಾನ್ ಮುಂಬರುವ ಚಿತ್ರ ಸಿಕಂದರ್ ಪ್ರಚಾರದ ವೇಳೆ ಈ ವಾಚ್ ಧರಿಸಿದ್ದರು. ಈ ವಾಚ್ ಬೆಲೆ 34 ಲಕ್ಷ ರೂ. ಎಂದು ಅಂದಾಜಿಸಲಾಗಿದೆ.

ಮುಂಬೈ (ಮಾ.29): ಬಾಲಿವುಡ್ ನಟ ಸಲ್ಮಾನ್ ಖಾನ್ ರಾಮ ಜನ್ಮಭೂಮಿ ಎಡಿಷನ್‌ ವಾಚ್ ಧರಿಸುವುದು ಇಸ್ಲಾಂನಲ್ಲಿ 'ಹರಾಮ್' (ನಿಷೇಧಿತ) ಎಂದು ಬರೇಲ್ವಿ ಧರ್ಮಗುರು ಮತ್ತು ಅಖಿಲ ಭಾರತ ಮುಸ್ಲಿಂ ಜಮಾಅತ್ ಅಧ್ಯಕ್ಷ ಮೌಲಾನಾ ಶಹಾಬುದ್ದೀನ್ ರಜ್ವಿ ಹೇಳಿದ್ದಾರೆ.
ಈ ವಿಷಯದ ಕುರಿತು ಮಾತನಾಡಿದ ಮೌಲಾನಾ ರಜ್ವಿ, ಶರಿಯತ್ ಪ್ರಕಾರ, ರಾಮ ಮಂದಿರಕ್ಕೆ ಮೀಸಲಾದ ವಾಚ್‌ಅನ್ನು ಧರಿಸಲು ಮುಸ್ಲಿಂಮರಲ್ಲಿ ಅನುಮತಿ ಇಲ್ಲ ಎಂದು ಹೇಳಿದ್ದಾರೆ. ಸಲ್ಮಾನ್ ಅಪಾರ ಮುಸ್ಲಿಂ ಅಭಿಮಾನಿಗಳನ್ನು ಹೊಂದಿರುವ ವ್ಯಾಪಕವಾಗಿ ಗುರುತಿಸಲ್ಪಟ್ಟ ನಟ ಆಗಿರುವುದರಿಂದ ಇಸ್ಲಾಂ ವಿರೋಧಿ ಎಂದು ಪರಿಗಣಿಸಲಾದ ಕ್ರಿಯೆಗಳಿಂದ ದೂರವಿರಬೇಕು ಮತ್ತು ಇದಕ್ಕೆ ಪ್ರಾಯಶ್ಚಿತ ಮಾಡಿಕೊಳ್ಳಬೇಕು ಎಂದು ಹೇಳಿದ್ದಾರೆ.

ಸಲ್ಮಾನ್ ಖಾನ್ ತಮ್ಮ ಮುಂಬರುವ ಚಿತ್ರ ಸಿಕಂದರ್ ಪ್ರಚಾರದ ಸಮಯದಲ್ಲಿ ರಾಮ ಜನ್ಮಭೂಮಿ ಎಡಿಷನ್‌ ಸ್ಪೆಷಲ್‌ ವಾಚ್‌ ಧರಿಸಿರುವುದು ಕಂಡುಬಂದ ನಂತರ ಈ ವಿವಾದ ಹುಟ್ಟಿಕೊಂಡಿತು. ಅಯೋಧ್ಯೆಯ ದೇವಾಲಯದ ಸಂಕೀರ್ಣ ಕೆತ್ತನೆಗಳು ಮತ್ತು ಪವಿತ್ರ ಹಿಂದೂ ಶಾಸನಗಳನ್ನು ಒಳಗೊಂಡಿರುವ ಈ ಐಷಾರಾಮಿ ವಾಚ್‌ ಅಪರೂಪದ ಕಲೆಕ್ಟರ್‌ ವಸ್ತುವಾಗಿದ್ದು, ವಿಶ್ವಾದ್ಯಂತ ಕೇವಲ 49 ವಾಚ್‌ಗಳು ಮಾತ್ರ ಲಭ್ಯವಿದೆ. ಸಲ್ಮಾನ್ ಖಾನ್ ಅವರ ತಾಯಿ ಸಲ್ಮಾ ಖಾನ್ ಅವರಿಂದ ಉಡುಗೊರೆಯಾಗಿ ಈ ವಾಚ್‌ಅನ್ನು ನೀಡಿದ್ದಾರೆ ಎಂದು ವರದಿಯಾಗಿದೆ. ಈ ವಾಚ್ ಬೆಲೆ 34 ಲಕ್ಷ ರೂ. ಎಂದು ಅಂದಾಜಿಸಲಾಗಿದೆ.

ಈ ಮಾರ್ಚ್ 30 ರಂದು ಈದ್‌ಗೆ ಸಲ್ಮಾನ್ ಖಾನ್ ಅವರ ಸಿಕಂದರ್ ಬಿಡುಗಡೆಗೆ ಸಜ್ಜಾಗುತ್ತಿದ್ದಂತೆ, ಅವರ ವಾಚ್‌ ಸುತ್ತಲಿನ ಚರ್ಚೆಯು ಗಮನ ಸೆಳೆಯುತ್ತಲೇ ಇದೆ, ವಿವಿಧ ಸಮುದಾಯಗಳಲ್ಲಿ ಚರ್ಚೆಗಳನ್ನು ಹುಟ್ಟುಹಾಕಿದೆ. ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ಕೂಡ ನಟಿಸಿದ್ದಾರೆ ಮತ್ತು ಇದು ಅದ್ದೂರಿ  ಬಿಡುಗಡೆಗೆ ಸಿದ್ಧವಾಗಿದೆ.

ಸಲ್ಮಾನ್ ಖಾನ್‌ಗೆ ಭಾರೀ ಪೈಪೋಟಿ ಪಕ್ಕಾ.. ಅಕ್ಕಪಕ್ಕದಲ್ಲಿ 2 ಬಿಗ್ ಬಜೆಟ್ ಸಿನಿಮಾಗಳು..!