ಲಕ್ಷಗಟ್ಟಲೆ ಜನರ ಮುಂದೆ ಕನ್ನಡ ನಟ 'ಯಶ್ ಸಿನಿಮಾ ಮಾಡೋದು ಫಿಕ್ಸ್‌' ಎಂದು ಘೋಷಿಸಿದ ತೆಲುಗು ನಿರ್ಮಾಪಕ ದಿಲ್‌ ರಾಜು!

'ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್-ಅಪ್ಸ್' ಕೇವಲ ಸಿನಿಮಾ ಮಾತ್ರವಲ್ಲ, ಅದು ಬಾಕ್ಸ್ ಆಫೀಸ್‌ನಲ್ಲಿ ಸೃಷ್ಟಿಯಾಗಲಿರುವ ದೊಡ್ಡ ಸುನಾಮಿ ಎಂಬ ಮುನ್ಸೂಚನೆ ಸಿಕ್ಕಿದೆ. ಕೆವಿಎನ್ ಪ್ರೊಡಕ್ಷನ್ಸ್ ಮತ್ತು ಯಶ್ ಅವರ ಈ ಸಾಹಸಕ್ಕೆ ದಿಲ್ ರಾಜು ಅವರಂತಹ ದಿಗ್ಗಜರು ಸಾಥ್ ನೀಡಿರುವುದು ಸಿನಿಮಾದ ಹೈಪ್ ಅನ್ನು ಆಕಾಶಕ್ಕೆ ಮುಟ್ಟಿಸಿದೆ.

Dil Raju Toxic Telugu Rights-Toxic Movie Box Office Prediction-Yash 2000 Crore Movie. ಟಾಕ್ಸಿಕ್‌ ಸುನಾಮಿ ಎಬ್ಬಿಸಲು ಸಜ್ಜಾದ ರಾಕಿ ಭಾಯ್‌: 2000 ಕೋಟಿ ಬಾಕ್ಸ್‌ ಆಫೀಸ್‌ ಬೇಟೆ ಫಿಕ್ಸ್‌ ಎಂದ ದಿಲ್ ರಾಜು!

ಕನ್ನಡದ ನೆಲದಿಂದ ಎದ್ದು ಇಡೀ ಜಗತ್ತನ್ನೇ ತನ್ನತ್ತ ತಿರುಗಿ ನೋಡುವಂತೆ ಮಾಡಿದ 'ರಾಕಿಂಗ್ ಸ್ಟಾರ್' ಯಶ್ ಈಗ ಮತ್ತೊಂದು ಇತಿಹಾಸ ಬರೆಯಲು ಸಜ್ಜಾಗಿದ್ದಾರೆ. 'ಕೆಜಿಎಫ್‌' ನಂತರ ಯಶ್ ಅವರ ಮುಂದಿನ ಹೆಜ್ಜೆ ಎಲ್ಲಿದೆ ಎಂದು ಕಾದು ಕುಳಿತಿದ್ದ ಜಗತ್ತಿಗೆ ಈಗ 'ಟಾಕ್ಸಿಕ್‌' ಎಂಬ ಆನೆಬಲದ ಉತ್ತರ ಸಿಕ್ಕಿದೆ. ಈ ಸಂಚಲನದ ನಡುವೆಯೇ ತೆಲುಗು ಚಿತ್ರರಂಗದ 'ಕಿಂಗ್ ಮೇಕರ್', ಖ್ಯಾತ ನಿರ್ಮಾಪಕ ದಿಲ್ ರಾಜು ಮಾಡಿರುವ ಒಂದು ದೊಡ್ಡ ಘೋಷಣೆ ಈಗ ಗಾಂಧಿನಗರದಿಂದ ಹೈದರಾಬಾದ್‌ವರೆಗೆ ಸಂಚಲನ ಸೃಷ್ಟಿಸಿದೆ!

ಹೈದರಾಬಾದ್‌ನಲ್ಲಿ ಮೊಳಗಿದ ಯಶ್ ಜಯಘೋಷ!

ಇತ್ತೀಚೆಗೆ ಹೈದರಾಬಾದ್‌ನಲ್ಲಿ ನಡೆದ ಅದ್ಧೂರಿ ಕಾರ್ಯಕ್ರಮವೊಂದರಲ್ಲಿ ಸಾವಿರಾರು ಅಭಿಮಾನಿಗಳ ಸಮ್ಮುಖದಲ್ಲಿ ದಿಲ್ ರಾಜು ವೇದಿಕೆ ಏರಿದ್ದರು. ಕೇವಲ ಒಬ್ಬ ನಿರ್ತರಕನಾಗಿ ಅಲ್ಲ, ಯಶ್ ಅವರ ಒಬ್ಬ ದೊಡ್ಡ ಅಭಿಮಾನಿಯಾಗಿ ಅವರು ಮಾತನಾಡಿದ ಮಾತುಗಳು ಈಗ ಎಲ್ಲೆಡೆ ವೈರಲ್ ಆಗುತ್ತಿವೆ. 'ಟಾಕ್ಸಿಕ್' ಸಿನಿಮಾದ ತೆಲುಗು ವಿತರಣಾ ಹಕ್ಕುಗಳನ್ನು ಭಾರಿ ಮೊತ್ತಕ್ಕೆ ಖರೀದಿಸಿರುವ ರಾಜು, ಈ ಚಿತ್ರದ ಮೇಲೆ ಎಷ್ಟು ನಂಬಿಕೆ ಇಟ್ಟಿದ್ದಾರೆ ಎಂದರೆ, "ನಿರ್ಮಾಪಕರು ಕೇಳಿದ ತಕ್ಷಣ ಎರಡನೇ ಮಾತಿಲ್ಲದೆ ಕೋಟಿ ಕೋಟಿ ಹಣ ಸುರಿದು ಹಕ್ಕುಗಳನ್ನು ಪಡೆದಿದ್ದೇನೆ" ಎಂದು ಎದೆಯುಬ್ಬಿಸಿ ಹೇಳಿದ್ದಾರೆ.

ಮುಂಬೈನಲ್ಲಿ ಕಂಡ ಆ ದೃಶ್ಯಗಳು.. ದಿಲ್ ರಾಜು ದಂಗು!

ಮೊದ ಮೊದಲು ಯಶ್ ಅವರು ಒಬ್ಬ ಪ್ರಯೋಗಾತ್ಮಕ ನಿರ್ದೇಶಕಿ (ಗೀತು ಮೋಹನ್‌ದಾಸ್) ಜೊತೆ ಸಿನಿಮಾ ಮಾಡುತ್ತಿದ್ದಾರೆ ಎಂದಾಗ ದಿಲ್ ರಾಜು ಅವರಿಗೂ ಸ್ವಲ್ಪ ಕುತೂಹಲವಿತ್ತಂತೆ. ಆದರೆ, ಮುಂಬೈನಲ್ಲಿ ಸಿನಿಮಾದ ಕೆಲವು ದೃಶ್ಯಗಳನ್ನು ವೀಕ್ಷಿಸಿದ ಮೇಲೆ ರಾಜು ಅವರ ಆಲೋಚನೆಯೇ ಬದಲಾಯಿತು! "ನಾನು ನೋಡಿದ ಆ ರಶಸ್ಸಿಗಳು ಕೇವಲ ದೃಶ್ಯಗಳಲ್ಲ, ಅವು ಭಾರತೀಯ ಸಿನಿಮಾವನ್ನು ಜಾಗತಿಕ ಮಟ್ಟಕ್ಕೆ ಕೊಂಡೊಯ್ಯುವ ಮ್ಯಾಜಿಕ್. ಯಶ್ ಕೇವಲ ಪ್ಯಾನ್-ಇಂಡಿಯಾ ಸ್ಟಾರ್ ಅಲ್ಲ, ಅವರು ಗ್ಲೋಬಲ್ ಐಕಾನ್ ಆಗುವ ಹಾದಿಯಲ್ಲಿದ್ದಾರೆ" ಎಂದು ಹೊಗಳಿಕೆಯ ಮಳೆ ಸುರಿಸಿದ್ದಾರೆ. ಇನ್ನು ಈ ಸಿನಿಮಾ ಎಷ್ಟು ಕಲೆಕ್ಷನ್ ಮಾಡಬಹುದು ಎಂಬ ಪ್ರಶ್ನೆಗೆ, ಸಂಗೀತ ನಿರ್ದೇಶಕ ವಿಶಾಲ್ ಮಿಶ್ರಾ ಅವರ ಜೊತೆಗಿನ ಚರ್ಚೆಯನ್ನು ನೆನಪಿಸಿಕೊಂಡ ರಾಜು, "ಈ ಸಿನಿಮಾ ₹2000 ಕೋಟಿ ಕ್ಲಬ್ ಸೇರುವುದು ಗ್ಯಾರಂಟಿ" ಎಂಬ ಬಾಂಬ್ ಸಿಡಿಸಿದ್ದಾರೆ!

ಯಶ್ ಜೊತೆ ಸಿನಿಮಾ ಫಿಕ್ಸ್; ಆದರೆ ಒಂದು ಕಂಡೀಷನ್!

ಈ ಹಿಂದೆಯೇ "ಯಶ್ ಕಾಲ್‌ಶೀಟ್ ಕೊಟ್ಟರೆ 100 ಕೋಟಿ ರೂ. ಸಂಭಾವನೆ ನೀಡಲು ಸಿದ್ಧ" ಎಂದು ಹೇಳಿ ಸುದ್ದಿಯಾಗಿದ್ದ ದಿಲ್ ರಾಜು, ಈಗ ಮತ್ತೊಂದು ಬಿಗ್ ಅಪ್‌ಡೇಟ್ ನೀಡಿದ್ದಾರೆ. ಯಶ್ ಮತ್ತು ದಿಲ್ ರಾಜು ಕಾಂಬಿನೇಷನ್‌ನಲ್ಲಿ ಸಿನಿಮಾ ಬರುವುದು ಈಗ ಆಫೀಶಿಯಲ್! ಸ್ವತಃ ಯಶ್ ಅವರೇ "ನಮ್ಮಿಬ್ಬರಿಗೂ ಸರಿಹೊಂದುವಂತಹ ಒಂದು ಬಲಿಷ್ಠ ಕಥೆ ಸಿಕ್ಕಿದ ತಕ್ಷಣ ಸಿನಿಮಾ ಅನೌನ್ಸ್ ಮಾಡೋಣ" ಎಂದು ಮಾತು ಕೊಟ್ಟಿದ್ದಾರಂತೆ. ಅಂದರೆ, ಕಥೆ ರೆಡಿಯಾದ ಕ್ಷಣವೇ ಭಾರತೀಯ ಚಿತ್ರರಂಗದ ಅತಿದೊಡ್ಡ ಪ್ರಾಜೆಕ್ಟ್ ಸೆಟ್ಟೇರುವುದು ಖಚಿತ.

ಒಟ್ಟಿನಲ್ಲಿ, 'ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್-ಅಪ್ಸ್' ಕೇವಲ ಸಿನಿಮಾ ಮಾತ್ರವಲ್ಲ, ಅದು ಬಾಕ್ಸ್ ಆಫೀಸ್‌ನಲ್ಲಿ ಸೃಷ್ಟಿಯಾಗಲಿರುವ ದೊಡ್ಡ ಸುನಾಮಿ ಎಂಬ ಮುನ್ಸೂಚನೆ ಸಿಕ್ಕಿದೆ. ಕೆವಿಎನ್ ಪ್ರೊಡಕ್ಷನ್ಸ್ ಮತ್ತು ಯಶ್ ಅವರ ಈ ಸಾಹಸಕ್ಕೆ ದಿಲ್ ರಾಜು ಅವರಂತಹ ದಿಗ್ಗಜರು ಸಾಥ್ ನೀಡಿರುವುದು ಸಿನಿಮಾದ ಹೈಪ್ ಅನ್ನು ಆಕಾಶಕ್ಕೆ ಮುಟ್ಟಿಸಿದೆ. ರಾಕಿ ಭಾಯ್ ಅಬ್ಬರಕ್ಕೆ ಇಡೀ ವಿಶ್ವವೇ ಸಾಕ್ಷಿಯಾಗಲು ಇನ್ನು ಕೆಲವೇ ದಿನಗಳು ಬಾಕಿ!