ಅಧಿಕೃತವಾಗಿ ಮದುವೆಯಾದ ನಟ ಅರ್ಜುನ್ ರಾಂಪಾಲ್; ಇಲ್ಲೊಂದು ಭಾರೀ ಟ್ವಿಸ್ಟ್ ಇದೆ ನೋಡಿ!

ಯಾವುದೇ ಆರ್ಭಟವಿಲ್ಲದೆ, ಕೇವಲ ಪ್ರೀತಿ ಮತ್ತು ಕಾನೂನಿನ ಗೌರವದೊಂದಿಗೆ ಸತಿ-ಪತಿಯರಾಗಿರುವ ಅರ್ಜುನ್ ಮತ್ತು ಗೇಬ್ರಿಯೆಲಾ ಜೋಡಿಗೆ ಅಭಿಮಾನಿಗಳು ಶುಭಾಶಯಗಳ ಮಳೆ ಸುರಿಸುತ್ತಿದ್ದಾರೆ. ಆದರೆ, ಈ ಜೋಡಿಯ ಮದುವೆಯಲ್ಲಿ ಒಂದು ಟ್ವಿಸ್ಟ್ ಇದೆ..! ಅದೇನ್ ಗೊತ್ತಾ?

Gabriella Demetriades Arjun Rampal marriage-ಬಾಲಿವುಡ್ ಹ್ಯಾಂಡ್ಸಮ್ ಹಂಕ್ ಅರ್ಜುನ್ ರಾಂಪಾಲ್ 'ಗೋವಾ' ಮದುವೆ: ಇಬ್ಬರು ಮಕ್ಕಳ ನಂತರ ಸದ್ದಿಲ್ಲದೆ ದಾಂಪತ್ಯಕ್ಕೆ ಕಾಲಿಟ್ಟ ಜೋಡಿ!

ಬಾಲಿವುಡ್‌ನ ಚಾಕೊಲೇಟ್ ಬಾಯ್, ಹ್ಯಾಂಡ್ಸಮ್ ಹಂಕ್ ಅರ್ಜುನ್ ರಾಂಪಾಲ್ ಇತ್ತೀಚೆಗೆ ತಮ್ಮ ಜೀವನದ ಹೊಸ ಇನ್ನಿಂಗ್ಸ್ ಆರಂಭಿಸಿದ್ದಾರೆ. ಕಳೆದ ಆರು ವರ್ಷಗಳಿಂದ ಲಿವ್-ಇನ್ ರಿಲೇಶನ್‌ಶಿಪ್‌ನಲ್ಲಿದ್ದ ಈ ನಟ, ತಮ್ಮ ದೀರ್ಘಕಾಲದ ಗೆಳತಿ ಗೇಬ್ರಿಯೆಲಾ ಡೆಮೆಟ್ರಿಯೇಡ್ಸ್ ಅವರೊಂದಿಗೆ ಅಧಿಕೃತವಾಗಿ ವಿವಾಹವಾಗುವ ಮೂಲಕ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ. ಆದರೆ, ಈ ಮದುವೆ ಯಾವುದೇ ಅದ್ದೂರಿ ಸೆಟ್, ಸಾವಿರಾರು ಅತಿಥಿಗಳ ನಡುವೆ ನಡೆಯಲಿಲ್ಲ; ಬದಲಾಗಿ ಗೋವಾದ ಸಬ್-ರಿಜಿಸ್ಟ್ರಾರ್ ಕಚೇರಿಯಲ್ಲಿ ಅತ್ಯಂತ ಸರಳವಾಗಿ ನೆರವೇರಿದೆ.

ಸಿನಿಮೀಯ ಸ್ಟೈಲ್‌ನಲ್ಲಿ ಕಾನೂನುಬದ್ಧ ವಿವಾಹ!

ಗೋವಾದ ಬಾರ್ಡೆಜ್ ಸಬ್-ರಿಜಿಸ್ಟ್ರಾರ್ ಕಚೇರಿಯೇ ಈ ಸ್ಟಾರ್ ಜೋಡಿಯ ವಿವಾಹಕ್ಕೆ ಸಾಕ್ಷಿಯಾಯಿತು. ವಿಶೇಷವೆಂದರೆ, ಗೋವಾ ಸ್ಥಳೀಯ ಕಾನೂನಿನ ಪ್ರಕಾರ ಮದುವೆ ನೋಂದಣಿಗೆ ಅರ್ಜಿ ಸಲ್ಲಿಸಿದ ನಂತರ ಎರಡು ಸಹಿಗಳ ನಡುವೆ 15 ದಿನಗಳ ಕಾಯುವಿಕೆ ಅವಧಿ ಇರುತ್ತದೆ. ಆದರೆ ಅರ್ಜುನ್ ರಾಂಪಾಲ್ ಮತ್ತು ಗೇಬ್ರಿಯೆಲಾ ವಿಶೇಷ ಅನುಮತಿಯನ್ನು ಪಡೆದು ಈ ಅವಧಿಯನ್ನು ಮನ್ನಾ ಮಾಡಿಸಿಕೊಂಡು, ಕಾನೂನುಬದ್ಧವಾಗಿ ಪತಿ-ಪತ್ನಿಯರಾಗಿದ್ದಾರೆ. ಸಂಜೆ ನಾಲ್ಕು ಗಂಟೆಯ ಸುಮಾರಿಗೆ ಯಾವುದೇ ಹಂಗಾಮಿಲ್ಲದೆ ಅತ್ಯಂತ ಸರಳ ಉಡುಪಿನಲ್ಲಿ ಕಚೇರಿಗೆ ಆಗಮಿಸಿದ ಈ ಜೋಡಿ, ಕಾನೂನು ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಿತು.

ಪಾಡ್‌ಕ್ಯಾಸ್ಟ್‌ನಲ್ಲಿ ಸಿಕ್ಕಿತ್ತು ಹಿಂಟ್!

ಈ ಮದುವೆಗೆ ಮುನ್ನವೇ ಅರ್ಜುನ್ ರಾಂಪಾಲ್ ತಮ್ಮ ಮದುವೆಯ ಬಗ್ಗೆ ಒಂದು ಸಣ್ಣ ಸುಳಿವು ನೀಡಿದ್ದರು. ನಟಿ ರಿಯಾ ಚಕ್ರವರ್ತಿ ಅವರ ಪಾಡ್‌ಕ್ಯಾಸ್ಟ್‌ನಲ್ಲಿ ಅತಿಥಿಯಾಗಿ ಭಾಗವಹಿಸಿದ್ದಾಗ, ತಾವು ಮತ್ತು ಗೇಬ್ರಿಯೆಲಾ ನಿಶ್ಚಿತಾರ್ಥ ಮಾಡಿಕೊಂಡಿರುವುದಾಗಿ ಬಹಿರಂಗಪಡಿಸಿದ್ದರು. ಅದರ ಬೆನ್ನಲ್ಲೇ ಈಗ ಸದ್ದಿಲ್ಲದೆ ರಿಜಿಸ್ಟರ್ ಮ್ಯಾರೇಜ್ ಮಾಡಿಕೊಂಡಿರುವುದು ಬಾಲಿವುಡ್ ಅಂಗಳದಲ್ಲಿ ಸಂಚಲನ ಮೂಡಿಸಿದೆ.

ಆರು ವರ್ಷದ ಪ್ರೀತಿ, ಇಬ್ಬರು ಮಕ್ಕಳು!

ಅರ್ಜುನ್ ರಾಂಪಾಲ್ ಮತ್ತು ಗೇಬ್ರಿಯೆಲಾ ಅವರ ಪ್ರೇಮಕಥೆ ಶುರುವಾಗಿದ್ದು 2018 ರಲ್ಲಿ. ಅಂದಿನಿಂದ ಇಂದಿನವರೆಗೆ ಈ ಜೋಡಿ ಅನ್ಯೋನ್ಯವಾಗಿದ್ದಾರೆ. ವಿಶೇಷವೆಂದರೆ, ಮದುವೆಗೂ ಮುನ್ನವೇ ಇವರು ಇಬ್ಬರು ಗಂಡು ಮಕ್ಕಳ ಪೋಷಕರಾಗಿದ್ದಾರೆ. 2019 ರಲ್ಲಿ ಅರಿಕ್ ಮತ್ತು 2023 ರಲ್ಲಿ ಆರವ್ ಜನಿಸಿದ್ದರು. ಮಕ್ಕಳ ಜೊತೆಗಿನ ಸುಂದರ ಕ್ಷಣಗಳನ್ನು ಈ ಜೋಡಿ ಆಗಾಗ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. ಇಬ್ಬರು ಮಕ್ಕಳ ಸಮ್ಮುಖದಲ್ಲೇ ಪೋಷಕರು ಈಗ ದಂಪತಿಗಳಾಗಿರುವುದು ವಿಶೇಷ.

ಹಳೆಯ ನೆನಪು ಮತ್ತು ಹೊಸ ಪಯಣ

ಗೇಬ್ರಿಯೆಲಾ ಜೊತೆಗಿನ ಸಂಬಂಧಕ್ಕೂ ಮುನ್ನ ಅರ್ಜುನ್ ರಾಂಪಾಲ್ ಮಾಜಿ ಸೂಪರ್ ಮಾಡೆಲ್ ಮೆಹರ್ ಜೆಸಿಯಾ ಅವರನ್ನ ವಿವಾಹವಾಗಿದ್ದರು. 1998 ರಿಂದ 2018 ರವರೆಗೆ ದಾಂಪತ್ಯ ಜೀವನ ನಡೆಸಿದ್ದ ಈ ಜೋಡಿಗೆ ಮಹಿಕಾ ಮತ್ತು ಮೈರಾ ಎಂಬ ಇಬ್ಬರು ಹೆಣ್ಣುಮಕ್ಕಳಿದ್ದಾರೆ. 2019 ರಲ್ಲಿ ಕಾನೂನುಬದ್ಧವಾಗಿ ವಿಚ್ಛೇದನ ಪಡೆದ ನಂತರ ಅರ್ಜುನ್, ಗೇಬ್ರಿಯೆಲಾ ಅವರೊಂದಿಗೆ ಜೀವನ ನಡೆಸಲು ನಿರ್ಧರಿಸಿದ್ದರು.

ಯಾವುದೇ ಆರ್ಭಟವಿಲ್ಲದೆ, ಕೇವಲ ಪ್ರೀತಿ ಮತ್ತು ಕಾನೂನಿನ ಗೌರವದೊಂದಿಗೆ ಸತಿ-ಪತಿಯರಾಗಿರುವ ಅರ್ಜುನ್ ಮತ್ತು ಗೇಬ್ರಿಯೆಲಾ ಜೋಡಿಗೆ ಅಭಿಮಾನಿಗಳು ಶುಭಾಶಯಗಳ ಮಳೆ ಸುರಿಸುತ್ತಿದ್ದಾರೆ. ಒಟ್ಟಿನಲ್ಲಿ, ಬಾಲಿವುಡ್‌ನ ಈ 'ಕೂಲ್ ಜೋಡಿ' ಈಗ ಕಾನೂನುಬದ್ಧವಾಗಿ ಒಂದಾಗಿರುವುದು ಸಖತ್ ಇಂಟರೆಸ್ಟಿಂಗ್ ಆಗಿದೆ!