ಲಂಗೋಟಿ ಮ್ಯಾನ್ ಚಿತ್ರ ವಿಮರ್ಶೆ: ಸರಳ ಕಥೆಯ ಹಿನ್ನೆಲೆಯಲ್ಲಿ ಸಂಕೀರ್ಣ ವಿಚಾರಗಳ ಹೊದಿಕೆ
ಸಾರಾಂಶ
ತನ್ನ ಸರೀಕರಿಂದ ಗೇಲಿಗೊಳಗಾಗುತ್ತ ಬೆಳೆಯುವ ಈತನಿಗೆ ಒಳಬಟ್ಟೆ ಅನ್ನುವುದೇ ದುಃಸ್ವಪ್ನವಾಗುತ್ತದೆ. ಎಲ್ಲವೂ ಮುಕ್ತವಾಗಿರುವ ಈ ಕಾಲದಲ್ಲಿ ಪ್ರಾಚೀನ ಪರಂಪರೆಯನ್ನು ಪಾಲಿಸಬೇಕಾದ ದರ್ದಿಗೆ ಬಿದ್ದವ ಆ ನಿಯಮ ಮೀರಲು ಹೊರಟಾಗ ಏನಾಯ್ತು ಅನ್ನೋದು ಸಿನಿಮಾದ ಕಥೆ.
ಪೀಕೆ
ಪರಂಪರೆ ಮತ್ತು ಆಧುನಿಕತೆಗಳ ನಡುವಿನ ಸಂಘರ್ಷ ಬಹಳ ಹಳೆಯದು. ಆದರೆ ಇದನ್ನು ಸಂಕೇತವಾಗಿಟ್ಟು ಈ ಕಾಲದ ದೃಷ್ಟಿಕೋನದಲ್ಲಿ ಕಥೆ ಹೇಳುವ ಪ್ರಯತ್ನ ಮಾಡಿದ್ದಾರೆ ನಿರ್ದೇಶಕಿ ಸಂಜೋತಾ. ಸಂಪ್ರದಾಯಸ್ಥ ಪುರೋಹಿತ ಕುಟುಂಬ. ಇಲ್ಲಿರುವ ತಾತನಿಗೆ ಲಂಗೋಟಿಯ ಬಗ್ಗೆ ಅಭಿಮಾನ. ಕಾಲ ಯಾವುದೇ ಬರಲಿ, ತನ್ನ ಕುಟುಂಬದವರೆಲ್ಲ ಅದನ್ನೇ ತೊಟ್ಟುಕೊಳ್ಳಬೇಕು ಎಂಬ ಖಡಕ್ ನಿಯಮ ಅವರದು. ಆದರೆ ಈ ಕಠಿಣ ನಿಯಮದಿಂದ ಪೇಚಿಗೆ ಸಿಲುಕುವುದು ಈ ಜನರೇಶನ್ ಹುಡುಗ ತೀರ್ಥ.
ತನ್ನ ಸರೀಕರಿಂದ ಗೇಲಿಗೊಳಗಾಗುತ್ತ ಬೆಳೆಯುವ ಈತನಿಗೆ ಒಳಬಟ್ಟೆ ಅನ್ನುವುದೇ ದುಃಸ್ವಪ್ನವಾಗುತ್ತದೆ. ಎಲ್ಲವೂ ಮುಕ್ತವಾಗಿರುವ ಈ ಕಾಲದಲ್ಲಿ ಪ್ರಾಚೀನ ಪರಂಪರೆಯನ್ನು ಪಾಲಿಸಬೇಕಾದ ದರ್ದಿಗೆ ಬಿದ್ದವ ಆ ನಿಯಮ ಮೀರಲು ಹೊರಟಾಗ ಏನಾಯ್ತು ಅನ್ನೋದು ಸಿನಿಮಾದ ಕಥೆ. ಇದರ ಜೊತೆಗೆ ಇನ್ನೊಂದು ಸ್ಟೋರಿ ಲೈನ್ ಈ ಸಿನಿಮಾ ಕಥೆಯೊಂದಿಗೆ ಸೇರಿಕೊಂಡಿದೆ. ಕೊಂಚ ಹಾಸ್ಯಶೈಲಿಯಿಂದ ಶುರುವಾಗುವ ಸಿನಿಮಾ ಸೆಕೆಂಡ್ ಹಾಫ್ನಲ್ಲಿ ಗಂಭೀರವಾಗುತ್ತದೆ. ಬದುಕಿನ ಕಷ್ಟಗಳ ಹಾಗೆ ಇಲ್ಲಿನ ಕಷ್ಟಗಳೂ ಮುಗಿಯುವುದೇ ಇಲ್ಲ.
ಲಂಗೋಟಿ ಮ್ಯಾನ್
ತಾರಾಗಣ: ಆಕಾಶ್ ರ್ಯಾಂಬೊ, ಸ್ನೇಹಾ ಖುಷಿ, ಸಂಹಿತಾ ವಿನ್ಯ, ಹುಲಿ ಕಾರ್ತಿಕ್
ನಿರ್ದೇಶನ: ಸಂಜೋತಾ ಭಂಡಾರಿ
ರೇಟಿಂಗ್ : 3
ಸರಳ ಕಥಾಹಂದರಕ್ಕೆ ಕಾಂಪ್ಲೆಕ್ಸ್ ವಿಚಾರಗಳ ಹೊದಿಕೆ ಇದೆ. ಸಂಜೋತಾ ಈ ಸಿನಿಮಾ ಮೂಲಕ ಒಂದು ಪ್ರಯೋಗ ಮಾಡಲು ಹೊರಟಂತಿದೆ. ಸಾಕಷ್ಟು ಸಮಯ ತೆಗೆದುಕೊಂಡು ಕಥೆಯನ್ನು ವಿವರಿಸುತ್ತಾರೆ. ಕಥೆಗೆ ಪೂರಕ ಅಂಶಗಳನ್ನು ಹೇಳಲು ಹೊರಟು ಮತ್ತೊಂದು ಕಥೆಯನ್ನೇ ಹೇಳುತ್ತಾರೆ. ಸಹನೆಯ ಮಾರ್ಗ ನೆಚ್ಚುವವರಿಗೆ ಈ ಸಿನಿಮಾ ಇಷ್ಟವಾಗಬಹುದು. ಆಕಾಶ್ ರ್ಯಾಂಬೊ ಚುರುಕುತನದಿಂದಲೇ ಪಾತ್ರಕ್ಕೆ ನ್ಯಾಯ ಸಲ್ಲಿಸಿದ್ದಾರೆ. ಇತರರ ನಟನೆಯೂ ಪೂರಕವಾಗಿದೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.