ಹುಣಸೆ ಚಿಗುರಿನ ಚಟ್ನಿ

ಹುಣಸೆ ಚಿಗುರು ಎಂದರೆ ಬಾಲ್ಯ ನೆನಪಾಗುತ್ತದೆ. ಕಷ್ಟ ಪಟ್ಟು ಕಲ್ಲು ಹೊಡೆದು ಎಳೇ ಹುಣಸೆಕಾಯಿಗೆ ಉಪ್ಪು ಹಾಕಿ ತಿಂದಿದ್ದು ನೆನಪಿಸಿಕೊಂಡರೆ ಬಾಯಿಯಲ್ಲಿ ನೀರು ಬರುತ್ತದೆ. ಇದರಿಂದ ಚಟ್ನೀನೂ ಮಾಡಬಹುದು ಗೊತ್ತಾ? ಇಲ್ಲಿದೆ ರೆಸಿಪಿ

ಬೇಕಾಗುವ ಸಾಮಾಗ್ರಿಗಳು:

-ಎಳೆ ಹುಣಸೆ ಚಿಗುರು 

- ಮೆಣಸಿಣಕಾಯಿ

- ಜೀರಿಗೆ

- ಕರಿಬೇವು

- ಈರುಳ್ಳಿ

- ಬೆಳ್ಳುಳ್ಳಿ

- ಉಪ್ಪು

- ಸ್ವಲ್ಪ ಬೆಲ್ಲ

ಮಾಡುವ ವಿಧಾನ:

ಎಳೆ ಹುಣಸೆ ಚಿಗುರನ್ನು ಬಾಡಿಸಿ, ಅದಕ್ಕೆ ಹುರಿದ ಒಣ ಮೆಣಸಿಣಕಾಯಿ, ಹುರಿದ ಜೀರಿಗೆ, ಹುರಿದ ಕರಿಬೇವು, ಈರುಳ್ಳಿ, ಬೆಳ್ಳುಳ್ಳಿ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ರುಬ್ಬಿ. ಬೇಕಿದ್ದರೆ ಚೂರು ಬೆಲ್ಲವನ್ನೂ ಸೇರಿಸಬಹುದು. ಹುಳಿ ಹಾಗೂ ಖಾರ ಜೊತೆಯಾಗಿ ಅದ್ಭುತ ರುಚಿ ತಂದುಕೊಡುತ್ತದೆ ಈ ಚಟ್ನಿ.