ಚಿಕನ್ ಪಾಕ್ಸ್ ಮರುಕಳಿಸಲು ಕಾರಣವೇನು?
ಸಾರಾಂಶ
ಬೇಸಿಗೆಯಲ್ಲಿ ಮಕ್ಕಳನ್ನು ಚಿಕನ್ ಪಾಕ್ಸ್ ಕಾಡೋದು ಸಾಮಾನ್ಯ. ಎಲ್ಲರನ್ನೂ ಒಂದಲ್ಲ, ಒಂದ್ಸಾರಿ ಕಾಡೋ ಈ ರೋಗ ಕೊಡೋ ಕಾಟ ಅಷ್ಟಿಷ್ಟಲ್ಲ. ಇದರಿಂದ ಉಂಟಾಗೋ ಕಲೆಯೂ ಜೀವಮಾನ ಪೂರ್ತಿ ಉಳಿಯುತ್ತದೆ.
ಚರ್ಮದ ತುರಿಕೆ ಮೂಲಕ ಕಾಣಿಸಿಕೊಳ್ಳುವ ಈ ರೋಗದ ಲಕ್ಷಣ, ನಂತರ ಬೆನ್ನು, ಮುಖ ಮತ್ತು ಹೊಟ್ಟೆ ಮೇಲೆ ಗುಳ್ಳೆಯೊಂದಿಗೆ ಉರಿ ಕಾಣಿಸುವ ಮೂಲಕ ಉಲ್ಬಣಗೊಳ್ಳುತ್ತದೆ. ಸುಮಾರು 250ರಿಂದ 500 ಗುಳ್ಳೆಗಳೂ ಏಳಬಹುದು. ಈ ಗುಳ್ಳೆಯೊಂದಿಗೆ ಜ್ವರ, ತಲೆನೋವು, ತಲೆಸುತ್ತು ಮತ್ತು ಆಯಾಸ ರೋಗದ ಹಲವು ಲಕ್ಷಣಗಳು.
ರೋಗಕ್ಕೇನು ಕಾರಣ?
- ಚಿಕನ್ ಪಾಕ್ಸ್ ಸಾಂಕ್ರಾಮಿಕ ರೋಗ. ಒಬ್ಬರಿಂದ ಇನ್ನೊಬ್ಬರಿಗೆ ಹರಡುತ್ತದೆ.
- ವೆರಿಸೆಲ್ಲಾ ವೈರಸ್ ದೇಹವನ್ನು ಆಕ್ರಮಿಸಿ 10 ರಿಂದ 15 ದಿನಗಳ ನಂತರ ರೋಗದ ಲಕ್ಷಣ ಒಂದೊಂದಾಗಿ ಕಾಣುತ್ತದೆ.
ಎರಡು ಸಲ ಬರುತ್ತಾ?
ವೆರಿಸೆಲ್ಲಾ ವೈರಸ್ ಇಡೀ ದೇಹವನ್ನು ಆಕ್ರಮಿಸಿ, ಕ್ಲಿನಿಕಲ್ ಸಿಂಡ್ರೋಮ್ ಕಾಯಿಲೆ ತರಿಸುತ್ತದೆ. ಹರ್ಪಿಸ್ ತರಿಸುವ ಈ ವೈರಸ್ ದೇಹವನ್ನು ಪೂರ್ಣವಾಗಿ ಆಕ್ರಮಿಸಿಕೊಳ್ಳುತ್ತದೆ. ಇದರಿಂದ ಪುನಾ ಚಿಕನ್ ಪಾಕ್ಸ್ ಕಾಣಿಸಿಕೊಳ್ಳುವ ಸಾಧ್ಯತೆ ಇದ್ದು, ಇದನ್ನು ಹರ್ಪಿಸ್ ಜೋಸ್ಟರ್ ಎಂದು ಕರೆಯುತ್ತಾರೆ.
ಅಷ್ಟು ಸುಲಭವಾಗಿ ಚಿಕನ್ ಪಾಕ್ಸ್ ಅಥವಾ ಅಮ್ಮ ಎಂದು ಕರೆಯುವ ಈ ರೋಗ ಮರುಕಳಿಸುವುದಿಲ್ಲ. ಆದರೆ ದೇಹದಲ್ಲಿ ಈ ವೈರಸ್ ಉಳಿದಿದ್ದರೆ, ತುರಿಕೆ ಮತ್ತು ಉರಿ ತರಿಸುತ್ತದೆ. ಆದರೆ ಗುಳ್ಳೆಗಳು ಬರುವುದಿಲ್ಲ.
ಅಕಸ್ಮಾತ್ ಜೀವನದಲ್ಲಿ ಒಮ್ಮೆಯೂ ಅಮ್ಮ ಆಗಿಲ್ಲವೆಂದರೆ, ಗರ್ಭಿಣಿಯಾಗಬೇಕೆಂಬ ಹಂಬಲವುಳ್ಳವರು ಮುಂಚಿತವಾಗಿಯೇ ಈ ರೋಗ ತಡೆಯುವ ಚುಚ್ಚುಮದ್ದು ಪಡೆಯುವುದು ಒಳ್ಳೆಯದು. ಆಗ ಗರ್ಭಿಣಿಗೆ ಈ ರೋಗ ಕಾಡದಂತೆ ಎಚ್ಚರವಹಿಸಬಹುದು.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.