ಉಪ್ಪನ್ನು ರುಚಿಗೆ ಮಾತ್ರವಲ್ಲ, ಆರೋಗ್ಯದ ದೃಷ್ಟಿಯಿಂದಲೂ ನಾನಾ ರೀತಿಯಲ್ಲಿ ಬಳಸಿಕೊಳ್ಳಬಹುದು ಎಂಬುದು ಗೊತ್ತು. ಕೇವಲ ಹಲ್ಲು, ಪಾತ್ರೆ,ಪಗಡುಗಳನ್ನೂ ಸ್ವಚ್ಛಗೊಳಿಸಲು ಅಲ್ಲದೇ ಬೇರೆ ಬೇರೆ ರೀತಿಯಲ್ಲಿ ಹೇಗೆ ಬಳಸುತ್ತಾರೆಂಬುದು ಗೊತ್ತಾ?
ಬೆಂಗಳೂರು (ಡಿ.21):ಉಪ್ಪನ್ನು ರುಚಿಗೆ ಮಾತ್ರವಲ್ಲ, ಆರೋಗ್ಯದ ದೃಷ್ಟಿಯಿಂದಲೂ ನಾನಾ ರೀತಿಯಲ್ಲಿ ಬಳಸಿಕೊಳ್ಳಬಹುದು ಎಂಬುದು ಗೊತ್ತು. ಕೇವಲ ಹಲ್ಲು, ಪಾತ್ರೆ,ಪಗಡುಗಳನ್ನೂ ಸ್ವಚ್ಛಗೊಳಿಸಲು ಅಲ್ಲದೇ ಬೇರೆ ಬೇರೆ ರೀತಿಯಲ್ಲಿ ಹೇಗೆ ಬಳಸುತ್ತಾರೆಂಬುದು ಗೊತ್ತಾ? * ಉಪ್ಪಿನ ಜತೆ ಹುಣಸೇಹುಳಿ ಬೆರೆಸಿ ತಾಮ್ರ, ಹಿತ್ತಾಳೆ ಪಾತ್ರೆ ತಿಕ್ಕಿದರೆ ಫಳ ಫಳ ಹೊಳೆಯುತ್ತದೆ.
* ಉಪ್ಪನ್ನು ವಿನೆಗರ್ ಜತೆ ಬಳಸಿ ತಿಕ್ಕಿದರೆ ಪಾತ್ರೆಗಳ ಹೊಳಪು ಹೆಚ್ಚುತ್ತದೆ.
* ಪಾತ್ರೆ ತೊಳೆವ ಸೋಪ್ ದ್ರಾವಣದಲ್ಲಿ ಉಪ್ಪು ಸೇರಿಸಿ ಪೋರ್ಸಿಲೈನ್, ಗಾಜಿನ ಪಾತ್ರೆಗಳನ್ನು ತೊಳೆದರೆ ಹೊಳಪು ಹೆಚ್ಚುತ್ತದೆ. * ಬಿಸಿನೀರಿಗೆ ಉಪ್ಪು ಹಾಕಿ ನಿತ್ಯ ಸಿಂಕ್ ತೊಳೆದರೆ ಎಣ್ಣೆ ಪಸೆ, ಕೊಳೆ ನಿವಾರಣೆಯಾಗುತ್ತದೆ. * ಟೂತ್’ಪೇಸ್ಟಿಗೆ ಸ್ವಲ್ಪ ಉಪ್ಪು ಬೆರೆಸಿ ಬೆಳ್ಳಿಯ ಪಾತ್ರೆ ತಿಕ್ಕಿದರೆ ಹೊಳಪು ಮೂಡುತ್ತದೆ. * ನೆಲ ಒರೆಸುವಾಗ ನೀರಿಗೆ ಉಪ್ಪು ಸೇರಿಸಿ ಒರೆಸಿದರೆ ನೆಲ ಶುಭ್ರವಾಗುವುದರ ಜತೆಗೆ ನೊಣ, ಕ್ರಿಮಿಕೀಟಗಳು ಹರಿದಾಡುವುದಿಲ್ಲ.
* ಕಾಫಿ ಹಾಗೂ ಟೀ ಕಲೆಗಳು ಕಪ್‌ನಲ್ಲಿದ್ದರೆ,ಉಪ್ಪಿ ಹಾಕಿ ತಿಕ್ಕಿ.
* ನೆಲದ ಮೇಲೆ ಉಂಟಾದ ಕಲೆ ತೆಗೆಯಲು ಉಪ್ಪು ಮಿಶ್ರಿತ ಸೋಪು ದ್ರಾವಣ ಬಳಸಿದರೆ ಶೀಘ್ರ ಕಲೆ ನಿವಾರಣೆಯಾಗುತ್ತದೆ.
* ಕಬ್ಬಿಣದ ವಸ್ತುಗಳು ತುಕ್ಕು ಹಿಡಿದರೆ, ಉಪ್ಪಿನಿಂದ ತಿಕ್ಕಿ ತೊಳೆದರೆ ಸ್ವಚ್ಛವಾಗುತ್ತದೆ.
* ಕುಕ್ಕರ್ ತಳ ಕಪ್ಪಾದರೂ ಉಪ್ಪಿನಲ್ಲಿ ತಿಕ್ಕಬಹುದು.