ಗೊರಕೆ ಸಮಸ್ಯೆಯಿಂದ ರಾತ್ರಿ ನಿದ್ದೆ ಬರುತ್ತಿಲ್ಲವೇ?

ಸಾಮಾನ್ಯವಾಗಿ ಬಹುತೇಕರಲ್ಲಿ ಗೊರಕೆ ಸಮಸ್ಯೆಯಿದೆ. ರಾತ್ರಿ ಮಲಗಿದ್ದಾಗ ಜೋರಾಗಿ ಗೊರಕೆ ಹೊಡೆಯುತ್ತಾರೆ. ಇದರಿಂದ ಹೊರ ಬರುವುದು ಹೇಗೆ? ಏನು ಮಾಡಬೇಕು? ಇಲ್ಲಿದೆ ಪರಿಹಾರ

ಗೊರಕೆ ಹೊಡೆಯುವುದು ಸಾಮಾನ್ಯ , ಅದರಿಂದ ಏನು  ತೊಂದರೆ ಇಲ್ಲ. ಕೇವಲ ಪಕ್ಕದಲ್ಲಿದ್ದವರಿಗೆ ಮಾತ್ರ ತೊಂದರೆ ಎಂದು ನೀವು  ಅಂದುಕೊಂಡರೆ ಅದು ಖಂಡಿತ ತಪ್ಪು. ಯಾಕೆಂದರೆ ಕೆಲವೊಮ್ಮ  ಉಸಿರಾಠದ ಸಮಸ್ಯೆ ಜೋರಾಗಿ ಉಸಿರು ಕಟ್ಟಬಹುದು. ಇದರಿಂದ ಸಾವು  ಸಂಭವಿಸುವ ಸಾಧ್ಯತೆ ಇದೆ. ಈ ಸಮಸ್ಯೆ ನಿವಾರಣೆಗೆ ನಿಮ್ಮ ಜೀವನ ಶೈಲಿಯಲ್ಲಿ ಕೆಲವೊಂದು ಬದಲಾವಣೆ ತಂದರೆ ಸಾಕು. 

- ನಿಮ್ಮ ತೂಕ ತುಂಬಾ ಹೆಚ್ಚಾಗಿದ್ದರೆ ತೂಕ ಇಳಿಸಿಕೊಳ್ಳಿ . ಇದರಿಂದ ಗೊರಕೆ ಕಡಿಮೆಯಾಗುತ್ತದೆ. 

-ತಲೆಯನ್ನು ಸ್ವಲ್ಪ ಎತ್ತರದಲ್ಲಿಟ್ಟು ಮಲಗಿದರೆ ಗೊರಕೆ ಸಮಸ್ಯೆ ಕಡಿಮೆಯಾಗುತ್ತದೆ. 

-ಬೆನ್ನ ಮೇಲೆ ಮಲಗುವ ಬದಲು ಮಗ್ಗುಲಾಗಿ ಮಲಗಿದರೂ ಕೂಡ ಗಂಟಲ ಮೇಲೆ ಒತ್ತಡ ಬೀಳದೆ ಗೊರಕೆ ಕಡಿಮೆಯಾಗುತ್ತದೆ. 

-ಅಲರ್ಜಿ ಮೊದಲಾದ ಸಮಸ್ಯೆ ಕಂಡು ಬಂದರೆ ಶೀಘ್ರದಲ್ಲೇ ಅದಕ್ಕೆ ಪರಿಹಾರ ನೀಡಿ. ಇಲ್ಲದಿದ್ದರೆ ಗೊರಕೆ ಸಮಸ್ಯೆ ಹೆಚ್ಚಾಗುವ ಸಾಧ್ಯತೆ ಇದೆ.  ಮೂಗು ಕಟ್ಟಿಕೊಂಡು ಬಾಯಿಯಿಂದ ಉಸಿರಾಡಬೇಕಾಗುತ್ತದೆ. ಇದು ಕೂಡ ಗೊರಕೆಗೆ ಕಾರಣವಾಗುತ್ತದೆ. 

- ಮಲಗುವ ಮುನ್ನ ಯಾವುದೇ ಕಾರಣಕ್ಕೆ ಆಲ್ಕೋಹಾಲ್ ಸೇವಿಸಬೇಡಿ. ಇದರಿಂದ ಗೊರಕೆ ಸಮಸ್ಯೆ ಕಾಡುತ್ತದೆ. 

-ಉಸಿರಾಟದ ತೊಂದರೆಯಿಂದ ಉಸಿರುಗಟ್ಟುವ ಅಪಾಯವಿದೆ. ಅಂತಹ ಸಂದರ್ಭದಲ್ಲಿ ಕೂಡಲೇ ತಜ್ಞ ವೈದ್ಯರನ್ನು ಸಂಪರ್ಕಿಸಬೇಕು.

-ಸ್ಮೋಕ್ ಮಾಡುವುದನ್ನು ಅವಾಯ್ಡ್ ಮಾಡಿ. ಹೀಗೆ ಮಾಡಿದರೆ ಉಸಿರಾಟದ ಸಮಸ್ಯೆ ಕಡಿಮೆಯಾಗಿ ಗೊರಕೆ ಉಂಟಾಗುವುದಿಲ್ಲ. 

- ಚೆನ್ನಾಗಿ ನಿದ್ದೆ ಮಾಡಿ. ನಿದ್ರೆಯ ಕೊರತೆಯಿಂದ ಈ ಸಮಸ್ಯೆ ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚಿದೆ . 

-ದಿಂಬಿನಲ್ಲಿರುವ ಕೊಳೆಯಿಂದಾಗಿ ಅಲರ್ಜಿ ಉಂಟಾಗಿ ಗೊರಕೆ ಸಮಸ್ಯೆ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ದಿಂಬನ್ನು ಬದಲಾಯಿಸಿ. 

- ಸಾಕಷ್ಟು ಪ್ರಮಾಣದಲ್ಲಿ ನೀರನ್ನು ಸೇವಿಸಿ. ಇದರಿಂದ ದೇಹದಲ್ಲಿ ತೇವಾಂಶ ಕೂಡಿರುತ್ತದೆ. ಗೊರಕೆ ಸಮಸ್ಯೆ ಕಾಡುವುದಿಲ್ಲ