ಬಾಣಂತಿಯರಿಗೂ ಮದ್ದು ಮೆಂತ್ಯ - ಇದರಿಂದ ಇಷ್ಟೆಲ್ಲಾ ಪ್ರಯೋಜನಗಳಿದೆ..!

ಮೆಂತ್ಯ ಒಂದು ವರ್ಷಾಯು ಸಸ್ಯವಾಗಿದೆ. ಭಾರತದಾದ್ಯಂತ  ಮೆಂತ್ಯವನ್ನು ಬೆಳೆಯಲಾಗುತ್ತದೆ.  ನಿತ್ಯ ಭಾರತೀಯರ ಅಡುಗೆ ಮನೆಯಲ್ಲಿ ಉಪಯೋಗಿಸುವ  ಮೆಂತ್ಯದಲ್ಲಿ ಎಷ್ಟೋಂದು ಆರೋಗ್ಯಕಾರಿ ಗುಣಗಳಿವೆ ಗೊತ್ತಾ..? ಅದರ ಅದ್ಭುತ ಉಪಯೋಗಗಳ ಬಗ್ಗೆ ತಿಳಿದುಕೊಳ್ಳಿ...

ಮೆಂತ್ಯದ ಉಪಯೋಗ – ಆರೋಗ್ಯಕಾರಿ ಗುಣಗಳು

*ಬೀಜದ  ಚೂರ್ಣವನ್ನು  ದಿನಕ್ಕೆ ಎರಡು ಬಾರಿ ಸಕ್ಕರೆ  ಕಾಯಿಲೆಯಲ್ಲಿ, ರಕ್ತದೊತ್ತಡದಲ್ಲಿ, ನರ ದೌರ್ಬಲ್ಯಗಳಲ್ಲಿ ನೀಡಬೇಕು

*ಸೊಪ್ಪಿನ ಕಲ್ಕವನ್ನು  ಊತದಲ್ಲಿ ಲೇಪಿಸುವುದರಿಂದ ಊತವು ಕಡಿಮೆಯಾಗುತ್ತದೆ

*ಮೆಂತ್ಯ ಸೊಪ್ಪಿನಲ್ಲಿ ಕಬ್ಬಿಣಾಂಶ ಇರುವುದರಿಂದ ರಕ್ತಹೀನತೆ ಇರುವವರಿಗೆ ನೀಡಬೇಕು.

*ರಕ್ತಭೇದಿಯಲ್ಲಿ ಮತ್ತು ರಕ್ತಹೀನತೆ ಇರುವಾಗ – ಬೀಜವನ್ನು ನೆನಸಿ ನೀರನ್ನು  ಕುಡಿಯಬೇಕು

*ಮೆಂತ್ಯ ಸೊಪ್ಪನ್ನು  ಜೀರ್ಣಶಕ್ತಿ ವೃದ್ಧಿಸಲು ಆಹಾರದಲ್ಲಿ ಬಳಸುತ್ತಾರೆ

*ಮೆಂತ್ಯ ಸೊಪ್ಪನ್ನು ಜೀರ್ಣಶಕ್ತಿ ವೃದ್ಧಿಸಲು ಆಹಾರದಲ್ಲಿ ಬಳಸುತ್ತಾರೆ.

*ಮೆಂತ್ಯ ಬೀಜವನ್ನು ರುಬ್ಬಿ ತಲೆಗೆ ಹಚ್ಚಿ ಒಂದು ಗಂಟೆಯ ಅನಂತರ ತಲೆಸ್ನಾನ ಮಾಡುವುದರಿಂದ ತಲೆಹೊಟ್ಟು ಕಡಿಮೆಯಾಗುತ್ತದೆ.

*ಸಂಧಿವಾತದಲ್ಲಿ ಮೆಂತ್ಯ ಕಷಾಯ ಸೇವನೆ ಪರಿಣಾಮಕಾರಿ

*ಮೆಂತ್ಯದ ಮೋದಕ  ಸೊಂಟನೋವು ನಿವಾರಕ ಮತ್ತು ಶಕ್ತಿವರ್ಧಕ

*ಹೆರಿಗೆ ಅನಂತರ ಮೆಂತ್ಯದ ಮೋದಕ ಕೊಡುತ್ತಾರೆ

*ಮೆಂತ್ಯ ಕಲ್ಕ ತಲೆಗೆ ಹಚ್ಚುವುದರಿಂದ ಕೂದಲಿನ ಹೊಳಪು ಹೆಚ್ಚುತ್ತದೆ