ಕಣ್ಣೆದುರೇ ಇದ್ರು ಕಾಣ್ಸಲ್ಲ....! ವೈರಲ್ ಆಗ್ತಿರೋ ಈ ಫೋಟೋದಲ್ಲಿ ಚಿರತೆ ಹುಡುಕ್ಬಹುದಾ?

ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಈ ಫೋಟೋ| ಫೋಟೋದಲ್ಲಿರುವ ಚಿರತೆ ಹುಡುಕಬಲ್ಲಿರಾ?| ಕಣ್ಣೆದುರಿಗಿದ್ರೂ ಚಿರತೆ ಹುಡುಕೋದು ಬಲು ಕಷ್ಟ| ಹುಡುಕಿ ಸುಸ್ತಾದ್ರೆ ನಿರಾಸೆ ಬೇಡ, ಇಲ್ಲಿದೆ ಉತ್ತರ

ನವದೆಹಲಿ[ಸೆ.30]: ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಫೋಟೋ ಒಂದು ಭಾರೀ ವೈರಲ್ ಆಗುತ್ತಿದೆ. ವಾಟ್ಸಾಪ್ ಸ್ಟೇಟಸ್, ಫೇಸ್ ಬುಕ್, ಟ್ವಿಟರ್, ಇನ್ಸ್ಟಾಗ್ರಾಂ ಹೀಗೆ ಎಲ್ಲೆಲ್ಲೂ ಈ ಫೋಟೋದ್ದೇ ಕಾರುಬಾರು. ವ್ಯಾಪಕವಾಗಿ ಶೇರ್ ಆಗುತ್ತಿರುವ ಈ ಫೋಟೋದಲ್ಲಿ ಚಿರತೆ ಎಲ್ಲಿದೆ ಎಂದು ಹುಡುಕಾಡಿ ಎಂಬ ಚಾಲೆಂಜ್ ಎಸೆಯಲಾಗಿದೆ.

Bella Lack ಹೆಸರಿನ ಟ್ವಿಟರ್ ಬಳಕೆದಾರರೊಬ್ಬರು ಈ ಫೋಟೋ ಶೇರ್ ಮಾಡಿಕೊಳ್ಳುತ್ತಾ 'ಯಾರೋ ಒಬ್ಬರು ಈ ಫೋಟೋ ನನಗೆ ಕಳುಹಿಸಿ, ಇದರಲ್ಲಿರುವ ಚಿರತೆ ಹುಡುಕಿ ಎಂದು ಸವಾಲೆಸೆದರು. ಆರಂಭದಲ್ಲಿ ನಾನಿದೊಂದು ಜೋಕ್ ಅಂತ ಭಾವಿಸಿದ್ದೆ. ಆದರೆ ಅದನ್ನು ಪತ್ತೆ ಹಚ್ಚಿದ ಬಳಿಕ ಇದು ತಮಾಷೆಯಲ್ಲ ಅಂತ ಗೊತ್ತಾಯ್ತು. ನೀವೂ ಪತ್ತೆ ಹಚ್ಚಬಲ್ಲಿರಾ?' ಎಂದು ಕೇಳಿದ್ದಾರೆ.

ಈ ಚಾಲೆಂಜ್ ವೈರಲ್ ಆಗುತ್ತಿದ್ದಂತೆಯೇ ಜನರು ಚಿರತೆ ಹುಡುಕಲಾರಂಭಿಸಿದ್ದಾರೆ. ಆದರೆ ಎಷ್ಟೇ ಹುಡುಕಿದರೂ ಸಿಗದಾಗ ಪೆಚ್ಚು ಮೋರೆ ಹಾಕಿದ್ದಾರೆ. ನಿಮಗೇನಾದ್ರೂ ಕಾಣಿಸುತ್ತಾ ನೋಡಿ....

ನಿಮಗೂ ಕಾಣಿಸಿಲ್ಲ ಎಂದರೆ, ಈ ಕೆಳಗಿನ ಫೋಟೋ ನೋಡಿ. ಈ ಚಾಲೆಂಜ್ ಸ್ವೀಕರಿಸಿದ ಟ್ವಿಟರ್ ಬಳಕೆದಾರನೊಬ್ಬ ಕೊನೆಗೂ ಫೋಟೋದಲ್ಲಿರುವ ಚಿರತೆಯನ್ನು ಹುಡುಕುವಲ್ಲಿ ಯಶಸ್ವಿಯಾಗಿದ್ದಾರೆ.

ನಿಮ್ಮ ಗೆಳೆಯರೊಂದಿಗೂ ಈ ಚಾಲೆಂಜ್ ಹಂಚಿಕೊಳ್ಳಿ, ಅವರು ಹುಡುಕುವಲ್ಲಿ ಯಶಸ್ವಿಯಾಗ್ತಾರಾ ನೋಡಿ