ಸೆಕ್ಸ್‌ ಮಾಡಿದ ವೃದ್ಧನಿಗೆ ನನಪೇ ಹೋಯ್ತು!

* ಸೆಕ್ಸ್‌ ಮಾಡಿದ ಕೂಡಲೇ 66ರ ವೃದ್ಧನಿಗೆ ಸ್ಮರಣ ಶಕ್ತಿ ಹೋಯ್ತು * ಐರ್ಲೆಂಡ್‌ನಲ್ಲೊಂದು ವಿಚಿತ್ರ ಘಟನೆ * ಅಲ್ಪಾವಧಿ ಮರೆಗುಳಿಗೆ ತುತ್ತಾದ ವ್ಯಕ್ತಿ

ಲಿಮರಿಕ್‌(ಮೇ.29): ವಿವಾಹ ವಾರ್ಷಿಕೋತ್ಸವ ಆಚರಿಸಿ ಪತ್ನಿಯ ಜತೆ ಲೈಂಗಿಕ ಕ್ರಿಯೆ ನಡೆಸಿದ ಬಳಿಕ ಹತ್ತೇ ನಿಮಿಷದಲ್ಲಿ ವ್ಯಕ್ತಿಯೊಬ್ಬ ಸ್ಮರಣ ಶಕ್ತಿ ಕಳೆದುಕೊಂಡಿರುವ ಘಟನೆ ಐರ್ಲೆಂಡ್‌ನಲ್ಲಿ ವರದಿಯಾಗಿದೆ. ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ವೈದ್ಯರು ಪರಿಪೂರ್ಣ ತಪಾಸಣೆ ನಡೆಸಿದ್ದಾರೆ. ಇದೊಂದು ಗಂಭೀರ ಸಮಸ್ಯೆ ಅಲ್ಲ, ಅಲ್ಪಾವಧಿ ಅಮ್ನೆಶಿಯಾ (ಮರೆಗುಳಿ) ಎಂದು ಹೇಳಿ ಬಿಡುಗಡೆ ಮಾಡಿ ಕಳುಹಿಸಿದ್ದಾರೆ.

ಲೈಂಗಿಕ ಕ್ರಿಯೆ ನಡೆಸಿದ 66 ವರ್ಷದ ವ್ಯಕ್ತಿ 10 ನಿಮಿಷದ ಬಳಿಕ ಮೊಬೈಲ್‌ ಫೋನ್‌ನಲ್ಲಿ ದಿನಾಂಕ ನೋಡಿದ್ದಾನೆ. ಹಿಂದಿನ ದಿನ ತನ್ನ ವಿವಾಹ ವಾರ್ಷಿಕೋತ್ಸವ ನಡೆಯಿತು ಎಂಬುದೂ ಆತನಿಗೆ ನೆನಪಿಲ್ಲ. ಅದ್ಧೂರಿಯಾಗಿ ಅದನ್ನು ಆಚರಿಸಿದ್ದರ ಪರಿವೂ ಇಲ್ಲ. ನಿನ್ನೆ ಏನಾಯಿತು ಎಂದು ಪತ್ನಿ, ಮಗಳನ್ನೇ ಕೇಳಿದ್ದಾನೆ. ರಾತ್ರಿಯಿಡೀ ಚೆನ್ನಾಗಿಯೇ ಇದ್ದ ಈತ ಬೆಳಗ್ಗೆ ಇದ್ದು ವಿಚಿತ್ರವಾಗಿ ಮಾತನಾಡುವುದನ್ನು ಕಂಡು ಗಾಬರಿಗೊಂಡ ಮನೆಯವರು ಆಸ್ಪತ್ರೆಗೆ ದಾಖಲಿಸಿದ್ದಾರೆ.

ಇದು ಅಲ್ಪಾವಧಿ ಮರೆಗುಳಿ ಸಮಸ್ಯೆ. ಇದನ್ನು ಟ್ರಾನ್ಸಿಯೆಂಟ್‌ ಗ್ಲೋಬಲ್‌ ಅಮ್ನೆಶಿಯಾ ಎನ್ನುತ್ತಾರೆ. 50ರಿಂದ 70 ವರ್ಷದ ವ್ಯಕ್ತಿಗಳಲ್ಲಿ ಇದು ಕಂಡುಬರುತ್ತದೆ. ಈ ಸಮಸ್ಯೆಗೆ ತುತ್ತಾದ ವ್ಯಕ್ತಿಗಳು ಒಂದು ವರ್ಷದ ಹಿಂದಿನ ಘಟನೆಗಳನ್ನೆಲ್ಲಾ ಮರೆಯುತ್ತಾರೆ. ಅದೃಷ್ಟವಶಾತ್‌ ಹಾಗೆ ಹೋದ ನೆನಪಿನ ಶಕ್ತಿ ಕೆಲವೇ ಗಂಟೆಗಳಲ್ಲಿ ಮರಳುತ್ತದೆ. 66 ವರ್ಷದ ಐರ್ಲೆಂಡ್‌ ವ್ಯಕ್ತಿಗೂ ಮರಳಿ ಸ್ಮರಣ ಶಕ್ತಿ ಬಂದಿದೆ. ದೈಹಿಕ ಚಟುವಟಿಕೆ, ಬಿಸಿ ಅಥವಾ ತಣ್ಣೀರಿನಲ್ಲಿ ಮುಳುಗಿದಾಗ, ಭಾವೋದ್ವೇಗದ ಒತ್ತಡ, ನೋವು ಹಾಗೂ ಲೈಂಗಿಕ ಕ್ರಿಯೆ ವೇಳೆ ಈ ರೀತಿ ಆಗುತ್ತದೆ ಎಂದು ವೈದ್ಯರು ತಿಳಿಸಿದ್ದಾರೆ.

25 ವರ್ಷವಾದ್ರೂ ಸಿಂಗಲ್‌ ಆಗಿದ್ರೆ ಈ ಊರಲ್ಲಿ ಕಾದಿದೆ ಮಸಾಲೆ ಸ್ನಾನದ ಶಿಕ್ಷೆ !

ಹಿಂದಿನ ಕಾಲದಲ್ಲೆಲ್ಲಾ ಹುಡುಗ-ಹುಡುಗಿಯರಿಗೆ ಚಿಕ್ಕ ವಯಸ್ಸಿನಲ್ಲೇ ಮದುವೆ (Marriage) ಮಾಡಿಬಿಡುತ್ತಿದ್ದರು. ಹುಡುಗಿಯರಿಗೆ 18 ಹುಡುಗರಿಗೆ 20 ಹಸೆಮಣೆ ಏರಿಯಾಗಿರುತ್ತಿತ್ತು. ಚಿಕ್ಕಂದಿನಲ್ಲೇ ಮದುವೆಯಾದರೆ ಏನೂ ಸಮಸ್ಯೆಯಿಲ್ಲ. ಮದುವೆಯಾಗುವುದು ಲೇಟಾದರೆ ಸಾಮಾಜಿಕವಾಗಿ, ಕೌಟುಂಬಿಕವಾಗಿ ಸಮಸ್ಯೆಗಳು (Problems) ಕಾಣಿಸಿಕೊಳ್ಳುತ್ತವೆ ಅನ್ನೋದು ಹಿಂದಿನ ಕಾಲದವರ ನಂಬಿಕೆಯಾಗಿತ್ತು. ಮಾತ್ರವಲ್ಲ ಲೈಂಗಿಕ ಜೀವನ (Sex life)ವೂ ಚೆನ್ನಾಗಿರುವುದಿಲ್ಲ, ತಡವಾಗಿ ಮದುವೆಯಾದರೆ ಮಕ್ಕಳಾಗದಿರುವ ಸಮಸ್ಯೆಯೂ ತಲೆದೋರುತ್ತದೆ ಎಂದು ಹಿಂದಿನ ಕಾಲದವರು ನಂಬಿದ್ದರು. ಹೀಗಾಗಿಯೇ ಬೇಗನೇ ಹುಡುಗ-ಹುಡುಗಿಯನ್ನು ಹುಡುಕಿ ಜೋಡಿ ಮಾಡಿ ಮದುವೆ ಮಾಡಲಾಗುತ್ತಿತ್ತು. ಆದರೆ ಈಗ ಕಾಲ ಬದಲಾಗಿದೆ. ಜೀವನಶೈಲಿಯ (Lifestyle) ಜೊತೆ ಜನರ ಮದುವೆಯಾಗುವ ವಯಸ್ಸು ಸಹ ಬದಲಾಗಿದೆ.

ಕೆಲವೊಬ್ಬರು ಮೊದಲಿನ ಕಾಲದಂತೆ ಬೇಗನೇ ಮದುವೆಯಾದರೆ ಇನ್ನು ಕೆಲವರು ವಯಸ್ಸು ಕಳೆಯುತ್ತಾ ಇದ್ದರೂ ಸಿಂಗಲ್ (Single) ಆಗೇ ಇರುತ್ತಾರೆ. ಈಗೆಲ್ಲಾ ವರುಷ 30-40 ಕಳೆದರೂ ಮದುವೆಯಾಗುವ ಬಗ್ಗೆ ಕೆಲವೊಬ್ಬರು ಆಸಕ್ತಿ ತೋರುವುದಿಲ್ಲ. ಅದಕ್ಕೆ ಹಿರಿಯರು, ಕುಟುಂಬಸ್ಥರು, ಸ್ನೇಹಿತರು ಹೀಗಳೆದರೂ ಡೋಂಟ್ ಕೇರ್ ಎಂದು ಸುಮ್ಮನಾಗುತ್ತಾರೆ. ಆದ್ರೆ ಈ ಊರಲ್ಲಿ 25 ವರ್ಷ ಆಗಿಯೂ ಮದುವೆಯಾಗದಿದ್ದರೆ ಬೇರೆಯೇ ಶಿಕ್ಷೆ ಕಾದಿದೆ. ಅದೇನೂಂತ ತಿಳ್ಕೊಳ್ಳೋ ಕುತೂಹಲ ನಿಮಗೂ ಇದೆ ಅಲ್ವಾ ?

ದಾಲ್ಚಿನ್ನಿ (cinnamon) ಅಡುಗೆಯಲ್ಲಿ ಸಾಮಾನ್ಯವಾಗಿ ಬಳಸಲ್ಪಡುವ ಒಂದು ಮಸಾಲೆ (Spice) ಪದಾರ್ಥ ಎಂಬುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಆದರೆ ಈ ಊರಲ್ಲಿ ದಾಲ್ಚಿನ್ನಿಯನ್ನು 25 ವರ್ಷಕ್ಕೆ ಮದುವೆಯಾಗದೇ ಇರುವವರಿಗೆ ಶಿಕ್ಷೆ ನೀಡಲು ಬಳಸಲಾಗುತ್ತದೆ. ಇಲ್ಲಿ 25 ವರ್ಷಕ್ಕೆ ಮದುವೆಯಾಗದೇ ಇರುವವರಿಗೆ ದಾಲ್ಚಿನ್ನಿ ಮಸಾಲೆಯನ್ನು ಮೆತ್ತುತ್ತಾರೆ.ಮಾಧ್ಯಮ ವರದಿಯೊಂದರ ಪ್ರಕಾರ, 25ನೇ ವರ್ಷದ ಹುಟ್ಟು ಹಬ್ಬವನ್ನು ಆಚರಿಸಿಕೊಳ್ಳುವ ಸಂದರ್ಭದಲ್ಲಿ ಡ್ಯಾನಿಷ್ ಯುವಕ, ಯುವತಿಯರ ಮೇಲೆ, ಅವರ ಕುಟುಂಬದ ಸದಸ್ಯರು ದಾಲ್ಚಿನಿ ಪುಡಿಯನ್ನು ಸುರಿಯುತ್ತಾರೆ. ಇದು ಮೇಲ್ನೋಟಕ್ಕೆ, 25 ವರ್ಷವಾಗುವುದರ ಒಳಗೆ ಸೆಟಲ್ ಆಗಿ, ಮದುವೆಯಾಗದೇ ಇರುವುದಕ್ಕೆ ಒಂದು ಶಿಕ್ಷೆಯಂತೆ (Punishment) ಕಾಣಬಹುದು. ಆದರೆ, ಹುಟ್ಟು ಹಬ್ಬ (Birthday) ಆಚರಿಸಿಕೊಳ್ಳುತ್ತಿರುವವರನ್ನು ಗೋಳು ಹೋಯ್ದುಕೊಳ್ಳಲು ಮತ್ತು ತರಲೆ ಮಾಡಲು ಇದು ಮತ್ತೊಂದು ಅವಕಾಶ ಎಂದು ಸಹ ಅಂದುಕೊಳ್ಳಬಹುದು 

25 ನೇ ವರ್ಷಕ್ಕೆ ಕಾಲಿಟ್ಟವರ ಮೇಲೆ ಸುಮ್ಮನೆ ಶಾಸ್ತ್ರಕ್ಕೆ ಒಂದಿಷ್ಟು ದಾಲ್ಚಿನ್ನಿ ಪುಡಿ ಸಿಂಪಡಿಸಿ ಸುಮ್ಮನಾಗುವುದಿಲ್ಲ. ಬದಲಿಗೆ ವ್ಯಕ್ತಿಗೆ ಅಡಿಯಿಂದ ಮುಡಿಯ ವರೆಗೆ ದಾಲ್ಚಿನ್ನಿ ಪುಡಿಯಿಂದ ಸ್ನಾನ ಮಾಡಿಸಲಾಗುತ್ತದೆ.ಕೆಲವೊಮ್ಮೆ, ಆ ಪುಡಿ ದೇಹಕ್ಕೆ ಚೆನ್ನಾಗಿ ಮೆತ್ತಿಕೊಳ್ಳಲಿ ಎಂದು ನೀರನ್ನು ಕೂಡ ಸಿಂಪಡಿಸುತ್ತಾರಂತೆ. ಕೆಲವು ತರಲೇ ಪ್ರಿಯರಂತೂ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ, ದಾಲ್ಚಿನ್ನಿ ಪುಡಿ ದೇಹಕ್ಕೆ ಚೆನ್ನಾಗಿ ಅಂಟಿಕೊಳ್ಳುವಂತೆ ಮಾಡಲು ಮತ್ತು ಮಜಾ ಪಡೆಯಲು ದಾಲ್ಚಿನ್ನಿ ಪುಡಿಯೊಂದಿಗೆ ಮೊಟ್ಟೆಯನ್ನು ಕೂಡ ಬಳಸುತ್ತಾರಂತೆ.

ಈ ಸಂಪ್ರದಾಯದ ಆಚರಣೆಯಲ್ಲಿ ಕುಟುಂಬದ ಸದಸ್ಯರು ಮಾತ್ರವಲ್ಲ ಸ್ನೇಹಿತರು ಕೂಡ ಪಾಲ್ಗೊಳ್ಳುತ್ತಾರೆ. 25 ನೇ ಹುಟ್ಟು ಹಬ್ಬ ಆಚರಿಸಿಕೊಳ್ಳುವ ವ್ಯಕ್ತಿಯನ್ನು ಲೈಟ್ ಕಂಬ ಅಥವಾ ಮರವೊಂದಕ್ಕೆ ಕಟ್ಟಿ ಹಾಕಿ, ಆಕೆ ಅಥವಾ ಆತನ ಮೈಗೆ ಮೊಟ್ಟೆ ಹಾಗೂ ದಾಲ್ಚಿನ್ನಿ ಪುಡಿಯ ಸ್ನಾನ ಮಾಡಿಸಿ, ಕೀಟಲೆ ಮಾಡುತ್ತಾ ಮನರಂಜನೆ ಪಡೆಯುತ್ತಾರೆ. ಅಲ್ಲಿನ ವ್ಯಕ್ತಿಯೊಬ್ಬರು ಮಾಧ್ಯಮಕ್ಕೆ ನೀಡಿರುವ ಮಾಹಿತಿಯ ಪ್ರಕಾರ, ಈ ಸಂಪ್ರದಾಯ ನೂರಾರು ವರ್ಷ ಹಳೆಯದ್ದು, ಅಂದರೆ ಮಸಾಲೆ ಮಾರಾಟಗಾರರು ಮಸಾಲೆಗಳನ್ನು ಮಾರಲು ಒಂದು ನಗರದಿಂದ ಮತ್ತೊಂದು ನಗರಕ್ಕೆ ಪ್ರಯಾಣಿಸುತ್ತಿದ್ದಂತಹ ಕಾಲದ್ದು.

ನಗರದಿಂದ ನಗರಕ್ಕೆ ಸುತ್ತುತ್ತಾ ಇದ್ದದ್ದರಿಂದ ಅವರು ಮದುವೆಯಾಗಲು ಸಂಗಾತಿಗಳನ್ನು ಹುಡುಕಿಕೊಳ್ಳುತ್ತಿರಲಿಲ್ಲ ಮತ್ತು ದೀರ್ಘಕಾಲದ ವರೆಗೆ ಅವಿವಾಹಿತರಾಗಿ ಉಳಿಯುತ್ತಿದ್ದರು. ಅಂತಹ ಮಾರಾಟಗಾರ ಪುರುಷರನ್ನು ಪೆಪ್ಪರ್‍ಡೂಡ್ಸ್ ಮತ್ತು ಮಹಿಳೆಯರನ್ನು ಪೆಪ್ಪರ್ ಮೇಡೆನ್ಸ್ ಎಂದು ಕರೆಯಲಾಗುತ್ತಿತ್ತು.

ಡೆನ್ಮಾರ್ಕ್‍ನಲ್ಲಿ ಈ ಸಂಪ್ರದಾಯ ಇನ್ನೂ ಆಚರಣೆಯಲ್ಲಿ ಇದೆ ಎನ್ನುವುದೇನೋ ನಿಜ. ಹಾಗಂತ, ಇತರರು 25 ಒಳಗೆ ಮದುವೆಯಾಗದೆ ಇದ್ದರೆ ತಪ್ಪು ಎಂದು ಜನರು ಭಾವಿಸುವುದಿಲ್ಲ. ಏಕೆಂದರೆ, ಡ್ಯಾನಿಶ್ ಸಮಾಜದಲ್ಲಿ ಆರಂಭಿಕ ಮದುವೆಗೆ ಯಾವುದೇ ಅವಸರ ಇರುವುದಿಲ್ಲ. ಗಂಡಸರಿಗೆ ಮದುವೆಯಾಗುವ ಸರಾಸರಿ ವಯಸ್ಸು 34 ವರ್ಷಗಳು ಮತ್ತು ಮಹಿಳೆಯರಿಗೆ ಸರಾಸರಿ 32 ವರ್ಷಗಳು.