ಇನ್ಮುಂದೆ ಕ್ಯಾನ್ಸರ್ ಬಗ್ಗೆ ಭಯ ಬೇಡ: 7 ನಿಮಿಷದ ಚಿಕಿತ್ಸೆಯ ಚುಚ್ಚುಮದ್ದು ಶೀಘ್ರ ರಿಲೀಸ್!
ಸಾರಾಂಶ
ಇಂಗ್ಲೆಂಡ್ ವಿಶ್ವದ ಮೊದಲ 7 ನಿಮಿಷಗಳ ಕ್ಯಾನ್ಸರ್ ಚಿಕಿತ್ಸೆಯ ಚುಚ್ಚುಮದ್ದನ್ನು ಹೊರತರಲಿದೆ. ಬ್ರಿಟನ್ನ ರಾಷ್ಟ್ರೀಯ ಆರೋಗ್ಯ ಸೇವೆ (NHS) ಈ ವೈದ್ಯಕೀಯ ಪ್ರಗತಿಯನ್ನು ಒದಗಿಸುವ ವಿಶ್ವದ ಮೊದಲ ಆರೋಗ್ಯ ಸಂಸ್ಥೆಯಾಗಲಿದೆ.
ಲಂಡನ್ (ಆಗಸ್ಟ್ 31, 2023): ಕ್ಯಾನ್ಸರ್ ರೋಗ ಮಾರಣಾಂತಿಕ ಕಾಯಿಲೆ. ಈ ರೋಗ ಬಂದವ್ರೆಲ್ಲ ತೀವ್ರ ಭಯದಿಂದ ನರಳುತ್ತಿರುತ್ತಾರೆ. ನಾವು ಬದುಕೋದು ಇನ್ನು ಕೆಲವು ದಿನಗಳು ಮಾತ್ರ, ಸಾಯೋದು ಗ್ಯಾರಂಟಿ ಎಂಬ ಬೀತಿ ಕಾಡುತ್ತಿರುತ್ತದೆ. ಅಲ್ಲದೆ, ಕ್ಯಾನ್ಸರ್ ಚಿಕಿತ್ಸೆಗೆ ತುಂಬಾ ಸಮಯ, ಹಣ ಬೇಕಾಗುತ್ತದೆ ಎಂದೂ ಅನೇಕ ರೋಗಿಗಳು ಭಯ ಪಡುತ್ತಿರುತ್ತಾರೆ. ಆದರೆ, ಇನ್ಮುಂದೆ ಹೆಚ್ಚಯ ಭಯ ಬೇಡ.
ಏಕೆಂದರೆ, ಮೊದಲ ಬಾರಿಗೆ, ಇಂಗ್ಲೆಂಡ್ ವಿಶ್ವದ ಮೊದಲ 7 ನಿಮಿಷಗಳ ಕ್ಯಾನ್ಸರ್ ಚಿಕಿತ್ಸೆಯ ಚುಚ್ಚುಮದ್ದನ್ನು ಹೊರತರಲಿದೆ. ಬ್ರಿಟನ್ನ ರಾಷ್ಟ್ರೀಯ ಆರೋಗ್ಯ ಸೇವೆ (NHS) ಈ ವೈದ್ಯಕೀಯ ಪ್ರಗತಿಯನ್ನು ಒದಗಿಸುವ ವಿಶ್ವದ ಮೊದಲ ಆರೋಗ್ಯ ಸಂಸ್ಥೆಯಾಗಲಿದೆ. ಇನ್ನು, ಇದು ಚಿಕಿತ್ಸೆಯ ಸಮಯವನ್ನು ಮುಕ್ಕಾಲು ಭಾಗದಷ್ಟು ಕಡಿಮೆ ಮಾಡುತ್ತದೆ.
ಇದನ್ನು ಓದಿ: ಪ್ರವಾಸಿಗರ ಸ್ವರ್ಗ ಕಾಶ್ಮೀರಕ್ಕೆ ಮನಸೋತ ಪೋಲೆಂಡ್ ವಿಶ್ವಸುಂದರಿ: BENGALURU ಬಗ್ಗೆ ಕರೋಲಿನಾ ಹೇಳಿದ್ದೀಗೆ..
ಇಮ್ಯುನೋಥೆರಪಿಯೊಂದಿಗೆ ಚಿಕಿತ್ಸೆ ಪಡೆದ ನೂರಾರು ರೋಗಿಗಳು atezolizumab ಇಂಜೆಕ್ಷನ್ ಅನ್ನು "ಚರ್ಮದ ಅಡಿಯಲ್ಲಿ" ಸ್ವೀಕರಿಸಲು ಸಿದ್ಧರಾಗಿದ್ದಾರೆ. ಇದು ಅಂತಿಮವಾಗಿ ಕ್ಯಾನ್ಸರ್ ತಂಡಗಳಿಗೆ ಹೆಚ್ಚಿನ ಸಮಯವನ್ನು ನೀಡುತ್ತದೆ ಎಂದು ಮಂಗಳವಾರ, NHS ಇಂಗ್ಲೆಂಡ್ ಮಾಹಿತಿ ನೀಡಿದೆ. ಈ ಇಂಜೆಕ್ಷನ್ ಅನ್ನು ಈಗಾಗಲೇ ಮೆಡಿಸಿನ್ಸ್ ಮತ್ತು ಹೆಲ್ತ್ಕೇರ್ ಪ್ರಾಡಕ್ಟ್ಸ್ ರೆಗ್ಯುಲೇಟರಿ ಏಜೆನ್ಸಿ (MHRA) ಅನುಮೋದಿಸಿದೆ ಎಂದು ತಿಳಿದುಬಂದಿದೆ.
ಪ್ರಸ್ತುತ, ರೋಗಿಗಳು ಆಸ್ಪತ್ರೆಗಳಲ್ಲಿ ಜೀವಿತಾವಧಿಯ ಇಮ್ಯುನೋಥೆರಪಿ atezolizumab (ಟೆನ್ಸೆಂಟ್ರಿಕ್) ಅನ್ನು ಔಷಧಿ ವರ್ಗಾವಣೆಯ ಮೂಲಕ ನೇರವಾಗಿ ತಮ್ಮ ರಕ್ತನಾಳಗಳಿಗೆ ಪಡೆಯುತ್ತಾರೆ. ಸಾಮಾನ್ಯವಾಗಿ, ಈ ಪ್ರಕ್ರಿಯೆಯು ಇಂಟ್ರಾವೆನಸ್ ಅಟೆಜೋಲಿಜುಮಾಬ್ ಅನ್ನು ನಿರ್ವಹಿಸಲು ಸುಮಾರು 30 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಆದರೂ, ಕೆಲವು ರೋಗಿಗಳಲ್ಲಿ, ಇದು ಒಂದು ಗಂಟೆಯವರೆಗೆ ತೆಗೆದುಕೊಳ್ಳಬಹುದು. ಈಗ, ಔಷಧವನ್ನು ಚರ್ಮದ ಅಡಿಯಲ್ಲಿ ನೀಡಲಾಗುವುದು ಎಂದು ವರದಿಯಾಗಿದೆ.
ಇದನ್ನೂ ಓದಿ: ಪೆಪ್ಸಿ, ಕೋಕಾ ಕೋಲಾಗೆ ಟಕ್ಕರ್ ಕೊಡಲಿದೆ ರಿಲಯನ್ಸ್ ಒಡೆತನದ ಕ್ಯಾಂಪಾ ಕೋಲಾ; ಜಾಗತಿಕ ಮಾರುಕಟ್ಟೆಗೆ ಲಗ್ಗೆ!
atezolizumab ಎಂದರೇನು?
ಅಟೆಝೋಲಿಝುಮಾಬ್ ಎಂಬುದು ಇಮ್ಯೂನ್ ಚೆಕ್ ಪಾಯಿಂಟ್ ಇನ್ಹಿಬಿಟರ್ ಎಂಬ ಉದ್ದೇಶಿತ ಚಿಕಿತ್ಸಾ ಔಷಧವಾಗಿದೆ. ಜೀವಕೋಶದ ಶ್ವಾಸಕೋಶದ ಕ್ಯಾನ್ಸರ್ (NSCLC), ಹೆಪಟೋಸೆಲ್ಯುಲರ್ ಕಾರ್ಸಿನೋಮ, ಮೆಲನೋಮ, ಯುರೋಥೆಲಿಯಲ್ ಕಾರ್ಸಿನೋಮ, ಟ್ರಿಪಲ್-ನೆಗೆಟಿವ್ ಸ್ತನ ಕ್ಯಾನ್ಸರ್ ಇತ್ಯಾದಿಗಳಿಗೆ ಚಿಕಿತ್ಸೆ ನೀಡಲು ಈ ಔಷಧಿಯನ್ನು ಬಳಸಲಾಗುತ್ತದೆ. ಇದು ಒಬ್ಬರ ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಕ್ಯಾನ್ಸರ್ ಕೋಶಗಳನ್ನು ಪತ್ತೆಹಚ್ಚಲು ಮತ್ತು ನಾಶಮಾಡಲು ಶಕ್ತಗೊಳಿಸುತ್ತದೆ.
ಇದನ್ನೂ ಓದಿ: ವಿಮಾನಗಳಲ್ಲೂ ಆರಂಭವಾಯ್ತು ‘’ವಯಸ್ಕರಿಗೆ ಮಾತ್ರ’’ ಸೆಕ್ಷನ್: ವಿಶೇಷತೆ ಹೀಗಿದೆ..
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.