ವಿಶ್ವ ಕ್ಯಾನ್ಸರ್‌ ದಿನ; ಸಾಮೂಹಿಕ ಪ್ರಾರ್ಥನೆ ಕಾಯಿಲೆ ಗುಣಪಡಿಸುತ್ತಾ?

ವಿಶ್ವ ಕ್ಯಾನ್ಸರ್ ದಿನದ ಅಂಗವಾಗಿ ಎಚ್‌ಸಿಜಿ ಕ್ಯಾನ್ಸರ್‌ ಆಸ್ಪತ್ರೆಯು ಜಾಗೃತಿ ಕಾರ್ಯಕ್ರಮ ಹಮ್ಮಿಕೊಂಡಿತ್ತು. ಈ ಸಂದರ್ಭದಲ್ಲಿ ಸಾಕಷ್ಟು ಜನರು ವಿಶ್ ವಾಲ್‌ನಲ್ಲಿ ಬರೆದು ಕ್ಯಾನ್ಸರ್ ರೋಗಿಗಳಿಗೆ ಧೈರ್ಯ ತುಂಬುವ ಕೆಲಸ ಮಾಡಿದರು. ನಿಜವಾಗಿಯೂ ಈ ವಿಶ್, ಮಾಸ್ ಪ್ರೇಯರ್ ಇದೆಲ್ಲ ಕೆಲಸ ಮಾಡುತ್ತಾ?

ಬೆಂಗಳೂರು: ಎಚ್‌ಸಿಜಿ ಕ್ಯಾನ್ಸರ್‌ ಆಸ್ಪತ್ರೆಯು ವಿಶ್ವ ಕ್ಯಾನ್ಸರ್‌ ದಿನದ ಅಂಗವಾಗಿ ಕ್ಯಾನ್ಸರ್‌ ಆರಂಭಿಕ ತಪಾಸಣೆಯ ಪ್ರಾಮುಖ್ಯತೆಯನ್ನು ಸಾರಲು ಇನ್ಫೋಗ್ರಾಫಿಕ್ಸ್ ಮತ್ತು ಪೋಸ್ಟರ್‌ಗಳ ಮೂಲಕ ಜಾಗೃತಿ ಮೂಡಿಸುವ ಪ್ರಯತ್ನ ಮಾಡಿತು. ರಂಗೋಲಿ ಮೆಟ್ರೋ ಆರ್ಟ್‌ ಸೆಂಟರ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ವಿಶ್ ವಾಲನ್ನು ಸಹ ಇಡಲಾಗಿತ್ತು. ಇಲ್ಲಿಗೆ ಬಂದ ಸಾಕಷ್ಟು ಜನರು ವಿಶ್ ವಾಲ್‌ನಲ್ಲಿ ಧೈರ್ಯ ತುಂಬುವ ಕೋಟ್‌ಗಳನ್ನು, ಗುಣವಾಗಲಿ ಎಂಬ ಪ್ರಾರ್ಥನೆಯನ್ನೂ ಬರೆದರು. 

ವಿಶ್‌ಗಳು, ಮಾಸ್ ಪ್ರೇಯರ್ ಇವೆಲ್ಲವುಗಳ ಮೂಲಕ ಕ್ಯಾನ್ಸರ್‌ ಗುಣಪಡಿಸಬಹುದೇ? ಕೇವಲ ಕ್ಯಾನ್ಸರ್ ಅಲ್ಲ, ಯಾವುದೇ ಕಾಯಿಲೆಗೆ ಈ ಸಾಮೂಹಿಕ ಪ್ರಾರ್ಥನೆ ಹೇಗೆ ಕೆಲಸ ಮಾಡುತ್ತದೆ?

ಪ್ರಾರ್ಥನೆಗೆ ಖಂಡಿತಾ ಶಕ್ತಿ ಇದೆ. ಹೇಗೆ ಸಕಾರಾತ್ಮಕ ಯೋಚನೆಗಳು ಒಳಿತನ್ನೇ ಮಾಡುತ್ತವೆ ಹಾಗೂ ನಕಾರಾತ್ಮಕ ಯೋಚನೆಗಳು ನಮ್ಮನ್ನು ಕೆಳಕ್ಕಿಳಿಸುತ್ತವೆಯೋ ಹಾಗೆಯೇ ಒಬ್ಬರಿಗೆ ಒಳಿತಾಗಲಿ ಎಂದು ಹೆಚ್ಚು ಜನರು ಪ್ರಾರ್ಥಿಸಿದಷ್ಟೂ ಅದು ಉತ್ತಮ ಫಲಿತಾಂಶ ನೀಡುವ ಸಾಧ್ಯತೆ ಹೆಚ್ಚು. ಈ ಪ್ರಕ್ರಿಯೆಗೆ ನಮ್ಮ ಸುತ್ತಲಿರುವ ಎನರ್ಜಿಯು ಕೆಲಸ ಮಾಡುವುದು ಒಂದಾದರೆ, ದೇವರಲ್ಲಿ ಇರುವ ನಂಬಿಕೆ, ಪ್ರಾರ್ಥನೆಯಲ್ಲಿ ಇರುವ ನಂಬಿಕೆ ರೋಗಿಗಳಿಗೆ ಆತ್ಮಸ್ಥೈರ್ಯ ತುಂಬುವುದು ಮತ್ತೊಂದು. ಆತ್ಮಸ್ಥೈರ್ಯವಿದ್ದಾಗ, ಎದೆಗುಂದದಿದ್ದಾಗ ಆ ರೋಗಿಯ ದೇಹವೂ ಮನಸ್ಸಿಗೆ ಸಹಕಾರ ಕೊಟ್ಟು ಚೇತರಿಸಿಕೊಳ್ಳುತ್ತದೆ.

ಹಾಗಾಗಿಯೇ ಪ್ರಾರ್ಥನೆಗೆ ಗುಣಪಡಿಸುವ ಶಕ್ತಿ ಇದೆ. ಪ್ರಾರ್ಥನೆಯ ಬಯಕೆಯನ್ನು ಉಂಟುಮಾಡುವ ನಂಬಿಕೆಯ ಕ್ರಿಯೆಯು ಅದರ ಶಕ್ತಿಯ ಕೀಲಿಯಾಗಿದೆ. ಅದರ ಮೂಲಭೂತ ಸತ್ಯದಲ್ಲಿ, ಪ್ರಾರ್ಥನೆಯು ದೇವರೊಂದಿಗೆ ಸಂವಹನವಾಗಿದೆ. ಆದರೆ ದೇವರು ಕೇಳುತ್ತಿದ್ದಾನೆ ಎಂಬ ಭರವಸೆಯಿದ್ದಾಗ ಫಲಿತಾಂಶ ಸಕಾರಾತ್ಮಕವಾಗಿಯೇ ಇರುತ್ತದೆ ಎಂಬ ನಂಬಿಕೆಯೂ ಗಟ್ಟಿಯಾಗಿರುತ್ತದೆ. ಭಾವನಾತ್ಮಕವಾಗಿ, ಪ್ರಾರ್ಥನೆಯು ಸವಾಲಿನ ಸಮಯದಲ್ಲಿ ಸಾಂತ್ವನ, ಭರವಸೆ ಮತ್ತು ಸಂಪರ್ಕದ ಅರ್ಥವನ್ನು ನೀಡುತ್ತದೆ. ಅನೇಕ ರೋಗಿಗಳು ಮತ್ತು ಅವರ ಕುಟುಂಬಗಳು ಪ್ರಾರ್ಥನೆಯ ಕ್ರಿಯೆಯಲ್ಲಿ ಸಾಂತ್ವನವನ್ನು ಕಂಡುಕೊಳ್ಳುತ್ತಾರೆ, ಇದು ಅವರ ಒಟ್ಟಾರೆ ಭಾವನಾತ್ಮಕ ಯೋಗಕ್ಷೇಮವನ್ನು ಹೆಚ್ಚಿಸುತ್ತದೆ.

ಈ ಮೂಲಕ ಸಕಾರಾತ್ಮಕ ಶಕ್ತಿ, ಪ್ರೀತಿಯನ್ನು ಕಳುಹಿಸುವುದು, ಪ್ರಾರ್ಥನೆ ಸಲ್ಲಿಸುವುದು ರೋಗಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ. ಈ ಎಲ್ಲ ರೀತಿಯ ಪ್ರಾರ್ಥನೆಗಳು ನಮ್ಮ ಒತ್ತಡವನ್ನು ತಗ್ಗಿಸುತ್ತವೆ. ನಾವು ಹೆಚ್ಚು ಒತ್ತಡಕ್ಕೆ ಒಳಗಾಗದಿದ್ದರೆ ದೇಹವು ಸಾಕಷ್ಟು ಗುಣಪಡಿಸುವ ಶಕ್ತಿಯನ್ನು ಹೊಂದಿರುತ್ತದೆ. 

ಸೈನ್ಸ್ ಏನನ್ನುತ್ತೆ?
ವೈಜ್ಞಾನಿಕ ದೃಷ್ಟಿಕೋನದಿಂದ, ಪ್ರಾರ್ಥನೆ ಮತ್ತು ನಂಬಿಕೆಯು ವ್ಯಕ್ತಿಯ ಯೋಗಕ್ಷೇಮದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಬಹುದು ಎಂದು ಸೂಚಿಸಲು ಪುರಾವೆಗಳಿವೆ. ಒತ್ತಡ ಕಡಿತ, ಸುಧಾರಿತ ಮಾನಸಿಕ ಆರೋಗ್ಯ ಮತ್ತು ಬಲವಾದ ಬೆಂಬಲ ವ್ಯವಸ್ಥೆಯು ಪ್ರಾರ್ಥನೆಯು ಗುಣಪಡಿಸುವ ಪ್ರಕ್ರಿಯೆಯಲ್ಲಿ ಸಹಾಯ ಮಾಡುವ ಕೆಲವು ಪರೋಕ್ಷ ವಿಧಾನಗಳಾಗಿವೆ.

ವೈದ್ಯಕೀಯ ಚಿಕಿತ್ಸೆ ಕಡೆಗಣಿಸಬಾರದು
ಆದಾಗ್ಯೂ, ಪ್ರಾರ್ಥನೆಯು ವೈದ್ಯಕೀಯ ಚಿಕಿತ್ಸೆಗೆ ಪೂರಕವಾಗಿರಬೇಕು, ಅದನ್ನು ಬದಲಿಸಬಾರದು ಎಂಬುದನ್ನು ಅರ್ಥ ಮಾಡಿಕೊಳ್ಳುವುದು ಅತ್ಯಗತ್ಯ. ಹೃದ್ರೋಗ ಮತ್ತು ಕ್ಯಾನ್ಸರ್ನಂತಹ ಗಂಭೀರ ಕಾಯಿಲೆಗಳಿಗೆ ತಜ್ಞ ವೈದ್ಯಕೀಯ ಆರೈಕೆಯ ಅಗತ್ಯವಿರುತ್ತದೆ ಮತ್ತು ಪ್ರಾರ್ಥನೆಯನ್ನು ಶಕ್ತಿ ಮತ್ತು ಸ್ಥಿತಿಸ್ಥಾಪಕತ್ವದ ಮೂಲವಾಗಿ ನೋಡಬೇಕು.