ಮಗು ಆಗೋಕೆ ಅಂಡಾಣು, ಪುರುಷರ ವೀರ್ಯ ಬೇಕಿಲ್ಲ, ಸಂಶೋಧಕರ ತಂಡದಿಂದ ಅಚ್ಚರಿಯ ಮಾಹಿತಿ
ಸಾರಾಂಶ
ಸೃಷ್ಟಿ ನಿಯಮದ ಪ್ರಕಾರ ಹೆಣ್ಣು-ಗಂಡಿನ ಸಂಭೋಗದಿಂದ ಮಗುವಿನ ಜನನವಾಗುತ್ತದೆ. ಹೆಣ್ಣಿನ ಗರ್ಭವೊಂದರಲ್ಲಿ ಭ್ರೂಣ ರೂಪುಗೊಳ್ಳಲು ಪುರುಷನ ವೀರ್ಯ ಬೇಕು. ಆದರೆ ಇತ್ತೀಚಿಗೆ ಸಂಶೋಧಕರ ತಂಡ ಅಚ್ಚರಿಯ ಮಾಹಿತಿಯನ್ನು ಹೊರಹಾಕಿದೆ. ಇದರ ಪ್ರಕಾರ, ಮಗು ಆಗೋಕೆ ಪುರುಷರ ವೀರ್ಯ ಬೇಕಿಲ್ಲ.
ಸೃಷ್ಟಿ ನಿಯಮದ ಪ್ರಕಾರ ಹೆಣ್ಣು-ಗಂಡಿನ ಸಂಭೋಗದಿಂದ ಮಗುವಿನ ಜನನವಾಗುತ್ತದೆ. ಹೆಣ್ಣಿನ ಗರ್ಭವೊಂದರಲ್ಲಿ ಭ್ರೂಣ ರೂಪುಗೊಳ್ಳಲು ಪುರುಷನ ವೀರ್ಯ ಬೇಕು. ಇದಲ್ಲದೆ ಕೃತಕ ಗರ್ಭಧಾರಣೆ, ಬಾಡಿಗೆ ಗರ್ಭಧಾರಣೆಯ ಮೂಲಕವೂ ಮಕ್ಕಳನ್ನು ಪಡೆಯಬಹುದು. ಆದರೆ ಇದಕ್ಕೆ ಅಂಡಾಣು, ವೀರ್ಯ ಬೇಕೇ ಬೇಕು ಆದರೆ ಇತ್ತೀಚಿಗೆ ಸಂಶೋಧಕರ ತಂಡ ಅಚ್ಚರಿಯ ಮಾಹಿತಿಯನ್ನು ಹೊರಹಾಕಿದೆ. ಇದರ ಪ್ರಕಾರ, ಮಗು ಆಗೋಕೆ ಪುರುಷರ ವೀರ್ಯ ಬೇಕಿಲ್ಲ. ಹೌದು, ವಿಜ್ಞಾನಿಗಳು ಜಗತ್ತಿನ ಮೊದಲ ಮಾನವ ಸಂಶ್ಲೇಷಿತ ಮಾದರಿ ಭ್ರೂಣಗಳ ರಚನೆಯನ್ನು ವರದಿ ಮಾಡಿದ್ದಾರೆ. ಅಂಡಾಣು ಅಥವಾ ವೀರ್ಯಾಣುಗಳ ಅಗತ್ಯವಿಲ್ಲದೆ ಈ ಭ್ರೂಣ ಸಿದ್ಧಗೊಂಡಿದೆ.
ಯುನೈಟೆಡ್ ಸ್ಟೇಟ್ಸ್ ಮತ್ತು ಯುನೈಟೆಡ್ ಕಿಂಗ್ಡಮ್ನ ಸಂಶೋಧಕರ ತಂಡವು ಅಂಡಾಣು (Egg) ಮತ್ತು ವೀರ್ಯದ (Sperm)ಸಹಾಯವಿಲ್ಲದೆ, ಕಾಂಡಕೋಶಗಳನ್ನು ಬಳಸಿಕೊಂಡು ಕೃತಕ ಮಾನವ ಭ್ರೂಣಗಳನ್ನು (Human synthetic Model Embryos) ತಯಾರಿಸಿದ್ದಾರೆ. ಇದು ವಿಶ್ವದ ಮೊದಲ ಸಂಶ್ಲೇಷಿತ ಮಾನವ ಭ್ರೂಣದಂತಹ ರಚನೆಯಾಗಿದೆ. ಕ್ಯಾಲಿಫೋರ್ನಿಯಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಮತ್ತು ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದ ಸಂಶೋಧಕರು ಕಾಂಡಕೋಶಗಳನ್ನು ಬಳಸಿಕೊಂಡು ಕೃತಕ ಮಾನವ ಭ್ರೂಣಗಳನ್ನು ತಯಾರಿಸಿದ್ದಾರೆ. ಈ ಭ್ರೂಣದಂತಹ ರಚನೆಗಳು ಮಾನವನ ಬೆಳವಣಿಗೆಯ ಅತ್ಯಂತ ಆರಂಭಿಕ ಹಂತಗಳಲ್ಲಿವೆ. ಈ ರಚನೆಗೆ ಹೃದಯ (Heart) ಅಥವಾ ಮಿದುಳು (Brain) ಇಲ್ಲ ಎಂದು ತಿಳಿದುಬಂದಿದೆ.
IVF Implantation Failure: ಐವಿಎಫ್ ಕೂಡ ವಿಫಲವಾಗಲು ಕಾರಣವೇನು ಗೊತ್ತಾ?
'ಕಾನೂನು ಚೌಕಟ್ಟನ್ನು ಹೊಂದಿರುವ ಇನ್ ವಿಟ್ರೊ ಫರ್ಟಿಲೈಸೇಶನ್ (IVF) ನಿಂದ ಉಂಟಾಗುವ ಮಾನವ ಭ್ರೂಣಗಳಂತಲ್ಲದೆ, ಮಾನವ ಭ್ರೂಣಗಳ ಕಾಂಡಕೋಶದಿಂದ ಪಡೆದ ಮಾದರಿಗಳನ್ನು ನಿಯಂತ್ರಿಸುವ ಯಾವುದೇ ಸ್ಪಷ್ಟ ನಿಯಮಗಳಿಲ್ಲ. ಮಾನವ ಭ್ರೂಣಗಳ ಸ್ಟೆಮ್ ಸೆಲ್ ಪಡೆದ ಮಾದರಿಗಳ ರಚನೆ ಮತ್ತು ಬಳಕೆಗೆ ಚೌಕಟ್ಟನ್ನು ಒದಗಿಸಲು ನಿಯಮಾವಳಿಗಳ ತುರ್ತು ಅವಶ್ಯಕತೆಯಿದೆ' ಎಂದು ಫ್ರಾನ್ಸಿಸ್ ಕ್ರಿಕ್ ಇನ್ಸ್ಟಿಟ್ಯೂಟ್ನ ಸಹಾಯಕ ಸಂಶೋಧನಾ ನಿರ್ದೇಶಕ ಜೇಮ್ಸ್ ಬ್ರಿಸ್ಕೋ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಡಾ. ಮ್ಯಾಗ್ಡಲೀನಾ ಝೆರ್ನಿಕಾ-ಗೋಯೆಟ್ಜ್ ಅವರು ಬೋಸ್ಟನ್ನಲ್ಲಿನ ಇಂಟರ್ನ್ಯಾಷನಲ್ ಸೊಸೈಟಿ ಫಾರ್ ಸ್ಟೆಮ್ ಸೆಲ್ ರಿಸರ್ಚ್ನ ವಾರ್ಷಿಕ ಸಭೆಗೆ ಬುಧವಾರ ನೀಡಿದ ವರದಿಯಲ್ಲಿ ಈ ಕುರಿತಾದ ವಿವರಿಸಿದ್ದಾರೆ. ಕ್ಯಾಲ್ಟೆಕ್ ಮತ್ತು ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದಲ್ಲಿ ಜೀವಶಾಸ್ತ್ರ ಮತ್ತು ಜೈವಿಕ ಇಂಜಿನಿಯರಿಂಗ್ ಪ್ರಾಧ್ಯಾಪಕರಾದ ಝೆರ್ನಿಕಾ-ಗೋಯೆಟ್ಜ್, ಸಂಶೋಧನೆಯು (Study) ಉತ್ತಮವಾದ ವೈಜ್ಞಾನಿಕ ಜರ್ನಲ್ನಲ್ಲಿ ಅಂಗೀಕರಿಸಲ್ಪಟ್ಟಿದೆ ಆದರೆ ಪ್ರಕಟಿಸಲಾಗಿಲ್ಲ ಎಂದು ಹೇಳಿದರು. ಜೆರ್ನಿಕಾ-ಗೋಯೆಟ್ಜ್ ಮತ್ತು ಅವರ ತಂಡವು ಇಸ್ರೇಲ್ನಲ್ಲಿನ ಪ್ರತಿಸ್ಪರ್ಧಿ ತಂಡದೊಂದಿಗೆ, ಮೌಸ್ ಕಾಂಡಕೋಶಗಳಿಂದ ಮಾದರಿ ಭ್ರೂಣದಂತಹ ರಚನೆಗಳನ್ನು ರಚಿಸುವುದನ್ನು ಹಿಂದೆ ವಿವರಿಸಿತ್ತು. ಆ ಭ್ರೂಣಗಳು ಸುಮಾರು ಎಂಟು ದಿನಗಳ ಬೆಳವಣಿಗೆಯ (Growth) ನಂತರ ಮೆದುಳು, ಹೃದಯ ಮತ್ತು ಕರುಳಿನ ಆರಂಭವನ್ನು ತೋರಿಸಿದವು.
ವೈದ್ಯಲೋಕದ ಅಚ್ಚರಿ: 30 ವರ್ಷದ ಹಿಂದಿನ ಭ್ರೂಣದಿಂದ ಜನಿಸಿದ ಅವಳಿ ಮಕ್ಕಳು
ಜೆರ್ನಿಕಾ-ಗೋಯೆಟ್ಜ್ ತನ್ನ ಪ್ರಯೋಗಾಲಯವು ರಚಿಸಿರುವ ಭ್ರೂಣದಂತಹ ರಚನೆಗಳು ಒಂದೇ ಮಾನವ ಭ್ರೂಣದ ಕಾಂಡಕೋಶಗಳಿಂದ ಬೆಳೆದವು ಎಂದು ಅವರು ಮೂರು ವಿಭಿನ್ನ ಅಂಗಾಂಶ ಪದರಗಳಾಗಿ ಅಭಿವೃದ್ಧಿಪಡಿಸಲು ಸಂಯೋಜಿಸಿದ್ದಾರೆ ಎಂದು ಅವರು ಹೇಳಿದರು. 'ಅವು ಮಾನವ ಭ್ರೂಣಗಳಲ್ಲ, ಆದರೆ ಭ್ರೂಣದ ಮಾದರಿಗಳು. ಅವು ಮಾನವ ಭ್ರೂಣಗಳನ್ನು ಹೋಲುತ್ತವೆ' ಎಂದು ಮಾಹಿತಿ ನೀಡಿದ್ದರು. 'ಮೂರು ಅಂಗಾಂಶ ಪದರಗಳೊಂದಿಗೆ ಮಾನವ ಮಾದರಿಯ ಭ್ರೂಣವನ್ನು ರಚಿಸಿರುವುದು ಇದೇ ಮೊದಲು ಎಂದು ಅವರು ಹೇಳಿದರು. ಆದರೆ ಇದು ನೈಸರ್ಗಿಕ ಭ್ರೂಣದ ಎಲ್ಲಾ ವೈಶಿಷ್ಟ್ಯಗಳನ್ನು ಹೊಂದಿಲ್ಲ ಎಂದು' ಸ್ಪಷ್ಟಪಡಿಸಿದರು.
ಝೆರ್ನಿಕಾ-ಗೋಯೆಟ್ಜ್ ತನ್ನ ಸಂಶೋಧನೆಯ ಉದ್ದೇಶವು ಜೀವವನ್ನು ಸೃಷ್ಟಿಸುವುದಲ್ಲ, ಆದರೆ ಅದರ ನಷ್ಟವನ್ನು ತಡೆಗಟ್ಟುವುದು, ಫಲೀಕರಣ ಮತ್ತು ಅಳವಡಿಕೆಯ ನಂತರ ಭ್ರೂಣಗಳು ಏಕೆ ಅಭಿವೃದ್ಧಿಗೊಳ್ಳಲು ವಿಫಲವಾಗುತ್ತವೆ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಎಂದು ಹೇಳಿದರು.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.