ವ್ಯಕ್ತಿಯ ಕಣ್ಣಿನೊಳಗಿತ್ತು ಒಂದು ಡಜನ್ಗೂ ಹೆಚ್ಚು ನೊಣಗಳ ಮೊಟ್ಟೆ !
ಸಾರಾಂಶ
ಕಣ್ಣಿ (Eyes)ಗೇನಾದರೂ ಆದರೆ ದೃಷ್ಟಿ (Vision)ಯೇ ಹೋಗುತ್ತದೆ. ಹೀಗಾಗಿಯೇ ಕಣ್ಣಿಗೇನೂ ಆಗದಂತೆ ಪ್ರತಿಯೊಬ್ಬರೂ ಹೆಚ್ಚು ಕಾಳಜಿ (Care) ವಹಿಸುತ್ತಾರೆ. ಆದರೆ ಇಲ್ಲೊಬ್ಬಾತನಿಗೆ ಕಣ್ಣಿನ ಬಗ್ಗೆಯಿರುವ ನಿರ್ಲಕ್ಷ್ಯವೋ ಇಲ್ಲ ಅಚಾತುರ್ಯವೋ ಗೊತ್ತಿಲ್ಲ. ಆದರೆ ಈತನ ಕಣ್ಣಿನೊಳಗೆ ಒಂದು ಡಜನ್ಗಿಂತಲೂ ಹೆಚ್ಚು ನೊಣ (Fly) ಮೊಟ್ಟೆಗಳಿಟ್ಟಿದ್ದವು.
ಮನುಷ್ಯನ ದೇಹ (Body)ದಲ್ಲಿ ಎಲ್ಲಾ ಅಂಗಗಳು ಮಹತ್ವದ್ದಾಗಿದೆ. ದೇಹದ ಪ್ರತಿಯೊಂದು ಅಂಗವೂ ಮನುಷ್ಯನ ಕಾರ್ಯ ಚಟುವಟಿಕೆಗಳನ್ನು ಸಮರ್ಪಕವಾಗಿ ಕಾರ್ಯನಿರ್ವಹಿಸಲು ನೆರವಾಗುತ್ತದೆ. ಅದೇ ರೀತಿ ಕಣ್ಣು ಸಹ ಮನುಷ್ಯನ ದೇಹದಲ್ಲಿ ಮುಖ್ಯ ಪಾತ್ರವನ್ನು ವಹಿಸುತ್ತದೆ. ಕಣ್ಣಿನಿಂದಲೇ (Eyes) ನಾವು ಸುತ್ತಲಿನ ಪ್ರಪಂಚವನ್ನು ನೋಡಲು ಸಾಧ್ಯವಾಗುತ್ತದೆ. ಮನುಷ್ಯನ ದೇಹದಲ್ಲಿ ಕಣ್ಣು ತುಂಬಾ ಸೂಕ್ಷ್ಮ ಭಾಗ. ಬಿಸಿ, ತಂಪು, ಗಾಳಿ, ಬೆಳಕು ಹೀಗೆ ಎಲ್ಲದಕ್ಕೂ ತಕ್ಷಣ ಪ್ರತಿಕ್ರಿಯಿಸುತ್ತದೆ. ಕಣ್ಣುಗಳ ರೆಪ್ಪೆಗಳು ಮುಚ್ಚಿಕೊಂಡು ಕಣ್ಣನ್ನು ರಕ್ಷಿಸುತ್ತವೆ. ಕಣ್ಣಿಗೆ ಏನಾದರೂ ಆದರೆ ಕಣ್ಣಿನ ದೃಷ್ಟಿಯನ್ನೇ ಕಳೆದುಕೊಳ್ಳಬೇಕಾದೀತು. ಹೀಗಾಗಿಯೇ ಕಣ್ಣಿಗೆ ಏನೂ ಆಗದಂತೆ ಪ್ರತಿಯೊಬ್ಬರೂ ಹೆಚ್ಚು ಕಾಳಜಿ ವಹಿಸುತ್ತಾರೆ.
ಆದರೆ ಇಲ್ಲೊಬ್ಬಾತನಿಗೆ ಕಣ್ಣಿನ ಬಗ್ಗೆಯಿರುವ ನಿರ್ಲಕ್ಷ್ಯವೋ ಇಲ್ಲ ಅಚಾತುರ್ಯವೋ ಗೊತ್ತಿಲ್ಲ. ಆದರೆ ಈತನ ಕಣ್ಣಿನ ಸುತ್ತಲೂ ಒಂದು ಡಜನ್ ಸ್ಕ್ವಿರ್ಮಿಂಗ್ ಫ್ಲೈ ಲಾರ್ವಾಗಳಾಗಿವೆ. ಕೇಳುವಾಗ ಅಚ್ಚರಿ ಎನಿಸಿದರೂ ಇದು ನಿಜ. ಒಬ್ಬ ವ್ಯಕ್ತಿಯ ಕಣ್ಣಿನೊಳಗೆ ಒಂದು ಡಜನ್ಗಿಂತಲೂ ಹೆಚ್ಚು ನೊಣದ (Fly) ಮೊಟ್ಟೆ (Larvae)ಗಳಿರುವುದನ್ನು ಕಂಡು ಹಿಡಿಯಲಾಯಿತು. ಪದೇ ಪದೇ ಕಣ್ಣಿನ ತುರಿಕೆಯ ಸಮಸ್ಯೆ ಕಾಣಿಸಿಕೊಂಡ ಕಾರಣ ವ್ಯಕ್ತಿ ವೈದ್ಯರನ್ನು ಸಂಪರ್ಕಿಸಿದ್ದ. ಈ ಸಂದರ್ಭದಲ್ಲಿ ಕಣ್ಣಿನ ಕಾರ್ನಿಯಾದ ಸುತ್ತಲೂ ನೊಣವು ಒಂದು ಡಜನ್ಗಿಂತಲೂ ಹೆಚ್ಚು ಮೊಟ್ಟೆಯಿಟ್ಟಿರೋದು ತಿಳಿದುಬಂದಿದೆ.
Eye Health: ಕಣ್ಣುಗಳಲ್ಲಿ ಉಂಟಾಗುವ ಈ ಲಕ್ಷಣಗಳನ್ನು ಅಲಕ್ಷಿಸಬೇಡಿ
53 ವರ್ಷ ವಯಸ್ಸಿನ ಫ್ರಾನ್ಸ್ನ ಅನಾಮಧೇಯ ವ್ಯಕ್ತಿ, ತನ್ನ ಬಲ ಕಣ್ಣಿನಲ್ಲಿ ಕಿರಿಕಿರಿಯನ್ನು ಎದುರಿಸಿದ ನಂತರ ಸೇಂಟ್-ಎಟಿಯೆನ್ನ ವಿಶ್ವವಿದ್ಯಾಲಯದ ಆಸ್ಪತ್ರೆಯಲ್ಲಿ ಅಡ್ಮಿಟ್ ಆಗಿದ್ದಾರೆ. ಅಲ್ಲಿ, ಆಸ್ಪತ್ರೆಯ ವೈದ್ಯರು ಅವರ ಬಲಗಣ್ಣನ್ನು ತ್ವರಿತವಾಗಿ ಸ್ಕ್ಯಾನ್ (Scan) ಮಾಡಿದರು ಮತ್ತು ಅವರು ಕಂಡುಕೊಂಡದ್ದನ್ನು ಕಂಡು ತಕ್ಷಣವೇ ಆಶ್ಚರ್ಯಚಕಿತರಾದರು.
ನ್ಯೂ ಇಂಗ್ಲೆಂಡ್ ಜರ್ನಲ್ ಆಫ್ ಮೆಡಿಸಿನ್ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಕಣ್ಣಿನ ಪರೀಕ್ಷೆಯು ಕಾರ್ನಿಯಾದ ಸುತ್ತಲೂ ಡಜನ್ಗಿಂತಲೂ ಹೆಚ್ಚು ಅರೆಪಾರದರ್ಶಕ ಲಾರ್ವಾಗಳಿದ್ದವು. ಆ ವ್ಯಕ್ತಿ ಅದೇ ದಿನ ಕುದುರೆ ಮತ್ತು ಕುರಿ ಸಾಕಾಣಿಕೆ ಕೇಂದ್ರದ ಬಳಿ ತೋಟಗಾರಿಕೆ ಮಾಡುತ್ತಿದ್ದಾಗ ಕಣ್ಣಿನೊಳಗೆ ಏನೋ ಪ್ರವೇಶಿಸಿದಂತಾಗಿರುವುದಾಗಿ ವೈದ್ಯರಿಗೆ ತಿಳಿಸಿದರು. ವೈದ್ಯರು ವ್ಯಕ್ತಿಯ ಕಣ್ಣಿನೊಳಗೆ ನೊಣವು ಒಂದು ಡಜನ್ಗಿಂತಲೂ ಹೆಚ್ಚು ಮೊಟ್ಟೆಗಳನ್ನು ಇಟ್ಟಿರುವುದನ್ನು ಕಂಡುಹಿಡಿದರು.
ಸಮಸ್ಯೆಯನ್ನು ಸ್ಪಷ್ಟವಾಗಿ ಗುರುತಿಸಿದ ನಂತರ, ವೈದ್ಯರು ಮನುಷ್ಯನ ಕಣ್ಣಿನಿಂದ ಎಲ್ಲಾ ಲಾರ್ವಾಗಳನ್ನು ಒಂದೊಂದಾಗಿ ತೆಗೆದು ಹಾಕಿದರು. ವೈದ್ಯರು ಕಾಂಜಂಕ್ಟಿವಾದಲ್ಲಿ ಹೆಚ್ಚಿನ ಲಾರ್ವಾಗಳು, ಕಣ್ಣುರೆಪ್ಪೆಯ ಪೊರೆ ಮತ್ತು ಕಣ್ಣಿನ ಬಿಳಿ ಭಾಗಗಳನ್ನು ಕಂಡುಕೊಂಡರು. ಚಿಕ್ಕ ಜೀವಿಗಳನ್ನು ಯಶಸ್ವಿಯಾಗಿ ಹೊರತೆಗೆದ ನಂತರ, ವೈದ್ಯರು ಅವುಗಳನ್ನು ಓಸ್ಟ್ರಸ್ ಓವಿಸ್ ಎಂಬ ಹೆಸರಿನ ನೊಣಗಳ ಮೊಟ್ಟೆಯೆಂದು ಗುರುತಿಸಿದರು.
ನಿಮ್ಗೇನು ಕಾಯಿಲೆಯಿದೆ ಅನ್ನೋದನ್ನು ನಿಮ್ಮ ಕಣ್ಣೇ ಹೇಳುತ್ತೆ
ಸಂಪೂರ್ಣ ಕಾರ್ಯವಿಧಾನದ ನಂತರ, ಮನುಷ್ಯನಿಗೆ ಬಾಹ್ಯ ನೇತ್ರವಿಜ್ಞಾನದ ರೋಗನಿರ್ಣಯ ಮಾಡಲಾಯಿತು. ನೊಣಗಳ ಲಾರ್ವಾಗಳಿಂದ ಕಣ್ಣಿನ ಹೊರಗಿನ ರಚನೆಗಳ ಆಕ್ರಮಣ" ಎಂದು ಸೇಂಟ್-ಎಟಿಯೆನ್ನೆ ವಿಶ್ವವಿದ್ಯಾಲಯದ ಆಸ್ಪತ್ರೆಯ ವೈದ್ಯರು ವರದಿಯಲ್ಲಿ ಬರೆದಿದ್ದಾರೆ.
ಲಾರ್ವಾಗಳು ಕಣ್ಣಿಗೆ ಪ್ರವೇಶಿಸಲು ನಿರ್ವಹಿಸಿದರೆ ಅವುಗಳನ್ನು ಸುಲಭವಾಗಿ ತೆಗೆದುಹಾಕಲಾಗುವುದಿಲ್ಲ. ಕಣ್ಣು ತೊಳೆಯುವುದು ನಿಜವಾಗಿಯೂ ಯಾವುದೇ ವ್ಯತ್ಯಾಸವನ್ನು ಮಾಡುವುದಿಲ್ಲ. ತಜ್ಞರ ಪ್ರಕಾರ, ಅವುಗಳನ್ನು ತೆಗೆದುಹಾಕುವ ಏಕೈಕ ಮಾರ್ಗವೆಂದರೆ ಫೋರ್ಸ್ಪ್ಸ್ ಬಳಸಿ ಕಣ್ಣಿನಿಂದ ಅವುಗಳನ್ನು ದೈಹಿಕವಾಗಿ ಕಿತ್ತುಹಾಕುವುದು. ಇತರ ಯಾವುದೇ ವಿಧಾನವು ಅಪಾಯಕಾರಿಯಾಗಬಹುದು ಏಕೆಂದರೆ ಜೀವಿಗಳು 'ಮೌಖಿಕ ಕೊಕ್ಕೆಗಳನ್ನು' ಹೊಂದಿದ್ದು, ಅವುಗಳು ಕಾರ್ನಿಯಾಕ್ಕೆ ಅಂಟಿಕೊಳ್ಳುತ್ತವೆ ಎಂದು ಹೇಳಲಾಗಿದೆ
ಈ ನಿರ್ದಿಷ್ಟ ಸಂದರ್ಭದಲ್ಲಿ, ಲಾರ್ವಾಗಳು ಅವನ ಒಂದು ಕಣ್ಣಿನಲ್ಲಿ ಮಾತ್ರ ಇದ್ದ ಕಾರಣ ವ್ಯಕ್ತಿ ಜೀವಕ್ಕೇನೂ ಅಪಾಯವಾಗದೆ ಬದುಕುಳಿದಿದ್ದಾನೆ. ವೈದ್ಯರಿಂದ ಹಲವು ಬಾರಿ ಚಿಕಿತ್ಸೆ ಪಡೆದ ಬಳಿಕ ಆತ ಸಂಪೂರ್ಣವಾಗಿ ಚೇತರಿಸಿಕೊಂಡಿದ್ದಾರೆ ಎಂದು ನಿರ್ಧರಿಸಲಾಯಿತು.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.