ಮಧುಮೇಹ, ಬೊಜ್ಜಿನ ಸಮಸ್ಯೆಯಿದ್ದಾಗ ಹೀಗಾದ್ರೆ ಜೀವಕ್ಕೇ ಅಪಾಯ..!

ಇವತ್ತಿನ ದಿನಗಳಲ್ಲಿ ಆರೋಗ್ಯ (Health)ದ ಬಗ್ಗೆ ಅದೆಷ್ಟು ಕಾಳಜಿ (Care) ವಹಿಸಿದರೂ ಸಾಕಾಗುವುದಿಲ್ಲ. ರಕ್ತದ ಮಟ್ಟ, ಕೊಬ್ಬಿನ ಮಟ್ಟ, ಹಿಮೊಗ್ಲೋಬಿನ್ ಎಲ್ಲವೂ ಸರಿಯಾಗಿದೆಯಾ ಎಂಬುದನ್ನು ಗಮನಿಸಿಕೊಳ್ಳುತ್ತಲೇ ಇರಬೇಕು. ಅದ್ರಲ್ಲೂ ಮಧುಮೇಹ (Diabetes),. ಬೊಜ್ಜು ಇದ್ದವರು ಈ ವಿಚಾರವಾದ ಹೆಚ್ಚು ಗಮನಹರಿಸಬೇಕು, ಇಲ್ಲಾಂದ್ರೆ ಪ್ರಾಣಾಪಾಯದ ಸಾಧ್ಯತೆ ಹೆಚ್ಚು. ಏನದು ? 

ಟೈಪ್ 2 ಡಯಾಬಿಟಿಸ್ (Type 2 Diabetes) ಮತ್ತು ಬೊಜ್ಜು ಹೊಂದಿರುವ ಜನರಲ್ಲಿ ಲಿಪಿಡ್‌ಗಳು ಎಂದು ಕರೆಯಲ್ಪಡುವ ರಕ್ತದ ಕೊಬ್ಬಿನ ಹೆಚ್ಚಳವು ಹಿಂದೆ ಯೋಚಿಸಿದ್ದಕ್ಕಿಂತ ಹೆಚ್ಚು ಹಾನಿಕಾರಕವಾಗಿದೆ ಎಂದು ಹೊಸ ಅಧ್ಯಯನವು ಕಂಡುಹಿಡಿದಿದೆ. ಅಧಿಕ ರಕ್ತದ ಕೊಬ್ಬು ಮಧುಮೇಹ ರೋಗಿಗಳಿಗೆ ಹೆಚ್ಚು ಹಾನಿ ಮಾಡುತ್ತದೆ ಎಂಬುದು ಅಧ್ಯಯನಗಳಿಂದ ತಿಳಿದುಬಂದಿದೆ. ಇಂಗ್ಲೆಂಡ್‌ನ ಲೀಡ್ಸ್ ವಿಶ್ವವಿದ್ಯಾನಿಲಯದ ವಿಜ್ಞಾನಿಗಳ ನೇತೃತ್ವದ ಹೊಸ ಅಧ್ಯಯನವು ಮಧುಮೇಹ ಟೈಪ್ 2 ಮತ್ತು ಬೊಜ್ಜು ಹೊಂದಿರುವ ರೋಗಿಗಲ್ಲಿ ರಕ್ತದ ಕೊಬ್ಬಿನ ಮಟ್ಟ (Blood Fat)ವು ಹೆಚ್ಚಾದರೆ, ಪ್ರಾಣಾಪಾಯದ ಸಾಧ್ಯತೆ ಹೆಚ್ಚು ಎಂದು ಸ್ಪಷ್ಟಪಡಿಸಿದೆ. ರಕ್ತದ ಕೊಬ್ಬಿನ ಮಟ್ಟ ಹೆಚ್ಚಾಗುವುದರಿಂದ ಇಂಥವರ ದೇಹ (Body)ದಲ್ಲಿ ಉಂಟಾಗುವ ಹಾನಿ ಗಮನಾರ್ಹವಾಗಿ ಹೆಚ್ಚಾಗುತ್ತದೆ.

ಸೆರಾಮಿಡ್‌ಗಳು ಎಂದು ಕರೆಯಲ್ಪಡುವ ಸಿಗ್ನಲ್‌ಗಳು ಅಲ್ಪಾವಧಿಯಲ್ಲಿ ರಕ್ಷಣಾತ್ಮಕ ಪ್ರಯೋಜನವನ್ನು ಹೊಂದಿರಬಹುದು. ಏಕೆಂದರೆ ಅವು ಜೀವಕೋಶದಲ್ಲಿನ ಒತ್ತಡವನ್ನು ಕಡಿಮೆ ಮಾಡಲು ವಿನ್ಯಾಸಗೊಳಿಸಲಾದ ಕಾರ್ಯವಿಧಾನದ ಭಾಗವಾಗಿದೆ. ಆದರೆ ದೀರ್ಘಾವಧಿಯ ಸ್ಥಿತಿಗಳಾಗಿರುವ ಮೆಟಬಾಲಿಕ್ ಕಾಯಿಲೆಗಳಲ್ಲಿ, ಸಂಕೇತಗಳು ಜೀವಕೋಶಗಳನ್ನು ಕೊಲ್ಲಬಹುದು, ರೋಗಲಕ್ಷಣಗಳನ್ನು ಹೆಚ್ಚು ತೀವ್ರಗೊಳಿಸಬಹುದು ಮತ್ತು ಅನಾರೋಗ್ಯವನ್ನು ಉಲ್ಬಣಗೊಳಿಸಬಹುದು ಎಂದು ಹೇಳಲಾಗಿದೆ.

ರೋಗಿಗಳ ರಕ್ತದಲ್ಲಿನ ಕೊಬ್ಬಿನ ಹೆಚ್ಚಿದ ಮಟ್ಟದಿಂದಾಗಿ, ಸ್ನಾಯುವಿನ ಜೀವಕೋಶಗಳಲ್ಲಿ ಒತ್ತಡವು ಹೆಚ್ಚಾಗುತ್ತದೆ, ಇದು ಜೀವಕೋಶಗಳ ಹೊರಗಿನ ಸ್ಥಿತಿಯನ್ನು ಬದಲಾಯಿಸುತ್ತದೆ ಮತ್ತು ಅದರ ರಚನೆ ಮತ್ತು ಕಾರ್ಯವನ್ನು ಹಾನಿಗೊಳಿಸುತ್ತದೆ ಎಂದು ಸಂಶೋಧಕರು ಕಂಡುಹಿಡಿದಿದ್ದಾರೆ, 

ರಕ್ತದಲ್ಲಿನ ಕೊಬ್ಬಿನ ಮಟ್ಟವು ಅಂಗಾಂಶಗಳು ಮತ್ತು ಅಂಗಗಳಿಗೆ ಹಾನಿಯುಂಟು ಮಾಡುತ್ತದೆ. ಹೃದಯರಕ್ತನಾಳದ ಮತ್ತು ಟೈಪ್ 2 ಮಧುಮೇಹಕ್ಕೆ ಕಾರಣವಾಗುತ್ತದೆ ಎಂದು ತಿಳಿದುಬಂದಿದೆ. ಈ ಸ್ಥಿತಿಯು ಸಾಮಾನ್ಯವಾಗಿ ಸ್ಥೂಲಕಾಯತೆ (Fat)ಯಿಂದ ಉಂಟಾಗುತ್ತದೆ ಎಂದು ಸಂಶೋಧಕರು ಹೇಳುತ್ತಾರೆ. 1975ರಿಂದ ವಿಶ್ವದಾದ್ಯಂತ ಜನರಲ್ಲಿ ಬೊಜ್ಜಿನ ಸಮಸ್ಯೆಯು ಮೂರು ಪಟ್ಟು ಹೆಚ್ಚಾಗಿದೆ. ಈ ಅಧ್ಯಯನದ ಸಂಶೋಧನೆಗಳು 'ನೇಚರ್ ಕಮ್ಯುನಿಕೇಷನ್ಸ್' ಜರ್ನಲ್‌ನಲ್ಲಿ ಪ್ರಕಟವಾಗಿವೆ.

ತಜ್ಞರು ಏನು ಹೇಳುತ್ತಾರೆ ?
ಈ ಅಧ್ಯಯನದ ಮೇಲ್ವಿಚಾರಕ ಮತ್ತು ಲೀಡ್ಸ್ ವಿಶ್ವವಿದ್ಯಾನಿಲಯದ ಮಾಲಿಕ್ಯುಲರ್ ಫಿಸಿಯಾಲಜಿ ಮತ್ತು ಮೆಟಾಬಾಲಿಸಂನ ಪ್ರೊಫೆಸರ್ ಲೀ ರಾಬರ್ಟ್ಸ್ ಪ್ರಕಾರ, ಈ ಸಂಶೋಧನೆಯು ಇನ್ನೂ ಆರಂಭಿಕ ಹಂತದಲ್ಲಿದೆ, ಈ ಸಂಶೋಧನೆಗಳು ಇತರ ಚಯಾಪಚಯ ಕಾಯಿಲೆಗಳಿಗೆ ಹೊಸ ಚಿಕಿತ್ಸೆಗಳ ತಡೆಗಟ್ಟುವಿಕೆ ಮತ್ತು ಆವಿಷ್ಕಾರಕ್ಕೆ ಕಾರಣವಾಗಬಹುದು. 

ಪ್ರೊಫೆಸರ್ ರಾಬರ್ಟ್ಸ್ ಹೇಲುವ ಪ್ರಕಾರ, ಈ ಅಧ್ಯಯನವು ಸ್ಥೂಲಕಾಯದ ಜನರ ಜೀವಕೋಶಗಳಲ್ಲಿ ಒತ್ತಡವು ಹೇಗೆ ಬೆಳವಣಿಗೆಯಾಗುತ್ತದೆ ಎಂಬುದರ ಕುರಿತು ನಮಗೆ ಹೊಸ ದೃಷ್ಟಿಕೋನವನ್ನು ನೀಡುತ್ತದೆ. ಮೆಟಾಬಾಲಿಕ್ ಕಾಯಿಲೆಯ ಚಿಕಿತ್ಸೆಗಾಗಿ ಹೊಸ ಆಯ್ಕೆಯನ್ನು ಕಂಡುಹಿಡಿಯಬಹುದು. ಪ್ರಸ್ತುತ, ಸ್ಥೂಲಕಾಯತೆಯು ಸಾಂಕ್ರಾಮಿಕವಾಗಿ ಹರಡುತ್ತಿದೆ ಮತ್ತು ಇದರಿಂದಾಗಿ ಮಧುಮೇಹ ಟೈಪ್ -2 ನಂತಹ ದೀರ್ಘಕಾಲದ ಕಾಯಿಲೆ (Longtime Disease)ಗಳಿಗೆ ಹೊಸ ಚಿಕಿತ್ಸೆಗಳ ಅಗತ್ಯವು ಹೆಚ್ಚಾಗಿದೆ ಎಂದು ಹೇಳಲಾಗಿದೆ.

ಅಧ್ಯಯನ ಹೇಗೆ ನಡೆಯಿತು?
ಪ್ರಯೋಗಾಲಯದಲ್ಲಿನ ಸಂಶೋಧಕರು ಅಸ್ಥಿಪಂಜರದ ಸ್ನಾಯುವಿನ ಕೋಶಗಳನ್ನು ಪಾಲ್ಮಿಟೇಟ್ ಎಂಬ ಕೊಬ್ಬಿನಾಮ್ಲಕ್ಕೆ ಒಡ್ಡುವ ಮೂಲಕ ಚಯಾಪಚಯ ಕಾಯಿಲೆಯ ರೋಗಿಗಳಲ್ಲಿ ಕಂಡುಬರುವ ರಕ್ತದ ಕೊಬ್ಬನ್ನು ಹೆಚ್ಚಿಸಿದರು. ಇದರಿಂದಜೀವಕೋಶಗಳು ಸಿರಾಮೈಡ್ ಅನ್ನು ಸೂಚಿಸಲು ಪ್ರಾರಂಭಿಸಿದವು. ಈ ಕೋಶಗಳನ್ನು ಈ ಹಿಂದೆ ಕೊಬ್ಬಿನಾಮ್ಲಗಳಿಗೆ ಒಡ್ಡಿಕೊಳ್ಳದ ಇತರ ಜೀವಕೋಶಗಳೊಂದಿಗೆ ಬೆರೆಸಿದಾಗ, ಅವು ಪರಸ್ಪರ ಸಂವಹನ ನಡೆಸುವುದು ಕಂಡುಬಂದಿದೆ. ಈ ಸಂಕೇತಗಳ ಪ್ಯಾಕೇಜುಗಳನ್ನು ಎಕ್ಸ್ಟ್ರಾಸೆಲ್ಯುಲರ್ ವೆಸಿಕಲ್ಸ್ ಎಂದು ಕರೆಯಲಾಗುತ್ತದೆ.

ಮೆಟಬಾಲಿಕ್ ಕಾಯಿಲೆಯಿಂದ ಬಳಲುತ್ತಿರುವ ಮಾನವರ ಮೇಲೆ ಈ ಪ್ರಯೋಗವನ್ನು ಪುನರಾವರ್ತಿಸಿದಾಗ, ತುಲನಾತ್ಮಕವಾಗಿ ಇದೇ ರೀತಿಯ ಫಲಿತಾಂಶಗಳನ್ನು ಪಡೆಯಲಾಯಿತು. ಈ ಸಂಶೋಧನೆಗಳು ಸಂಪೂರ್ಣವಾಗಿ ಹೊಸ ವಿಧಾನವಾಗಿದೆ ಎಂದು ಸಂಶೋಧಕರು ಹೇಳುತ್ತಾರೆ, ಜೀವಕೋಶಗಳು ಒತ್ತಡಕ್ಕೆ ಹೇಗೆ ಪ್ರತಿಕ್ರಿಯಿಸುತ್ತವೆ, ಇದು ಚಯಾಪಚಯ ರೋಗ ಮತ್ತು ಸ್ಥೂಲಕಾಯದ ಬಗ್ಗೆ ಉತ್ತಮ ತಿಳುವಳಿಕೆಗೆ ಕಾರಣವಾಗುತ್ತದೆ.