ಆಡೋ ಮಾತುಗಳ ಬಗ್ಗೆ ಮಾತ್ರವಲ್ಲ, ಬಾಡಿ ಲಾಂಗ್ವೇಜ್ ಬಗ್ಗೆಯೂ ಎಚ್ಚರಿಕೆಯಿರಲಿ
ಸಾರಾಂಶ
ಮನುಷ್ಯನ ಮಾತುಗಳಂತೆ ಮನುಷ್ಯನ ದೇಹ ಭಾಷೆಗಳು ಸಹ ತುಂಬಾ ಮುಖ್ಯವಾಗಿವೆ. ಹೀಗಾಗಿ ಮಾತನಾಡುವಾಗ ಹೇಗೆ ಎಚ್ಚರಿಕೆ ವಹಿಸಬೇಕೋ ಹಾಗೆಯೇ ಬಾಡಿ ಲಾಂಗ್ವೇಜ್ ಬಗ್ಗೆಯೂ ಗಮನಿಸಿಕೊಳ್ಳಬೇಕು. ಇಲ್ಲದಿದ್ದರೆ ಇದು ವ್ಯಕ್ತಿತ್ವದ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು.
ವ್ಯಕ್ತಿತ್ವವನ್ನು ರೂಪಿಸುವುದು ನಾವಾಡುವ ಮಾತುಗಳು. ಹಾಗೆಯೇ ನಮ್ಮ ದೇಹ ಭಾಷೆ ಅಥವಾ ಬಾಡಿ ಲಾಂಗ್ವೇಜ್. ನಾವು ಮಾತನಾಡುವಾಗ ಪದಗಳನ್ನು ತಪ್ಪಾಗಿ ಬಳಸಿದರೆ ಹೇಗೆ ಅವಾಂತರವಾಗುತ್ತದೋ ಹಾಗೆಯೇ ತಪ್ಪಾದ ದೇಹಭಾಷೆಯಿಂದಲೂ ತೊಂದರೆಯಾಗಬಹುದು. ದೇಹ ಭಾಷೆ ಬಹಳ ಶಕ್ತಿಯುತ ಸಾಧನವಾಗಿದೆ. ಹೀಗಾಗಿ ನಾವು ಮಾತನಾಡುವ ಮೊದಲು ಯಾವ ರೀತಿಯ ದೇಹ ಭಾಷೆಯನ್ನು ಹೊಂದಿದ್ದೇವೆ ಎಂಬುದನ್ನು ಸ್ಪಷ್ಟವಾಗಿ ಗಮನಿಸಿಕೊಳ್ಳಬೇಕು. ಕೆಲವೊಮ್ಮೆ, ಕೇವಲ ನಮ್ಮ ಮಾತುಗಳು, ನಮ್ಮ ಹಾವಭಾವಗಳು ಮತ್ತು ದೇಹ ಭಾಷೆ ಕೂಡ ತಪ್ಪು ತಿಳುವಳಿಕೆಯನ್ನು ಉಂಟುಮಾಡಬಹುದು ಮತ್ತು ಇತರ ವ್ಯಕ್ತಿಯ ಮೇಲೆ ಕೆಟ್ಟ ಪ್ರಭಾವವನ್ನು ಉಂಟುಮಾಡಬಹುದು. ಹೀಗಾಗಿ ಬಾಡಿ ಲಾಂಗ್ವೇಜ್ ಬಗ್ಗೆ ಸರಿಯಾಗಿ ತಿಳಿದುಕೊಳ್ಳಿ.
ಮಾತನಾಡುವಾಗ ಮುಖವನ್ನು ಸ್ಪರ್ಶಿಸುವುದು: ಯಾರೊಂದಿಗಾದರೂ ಮಾತನಾಡುವಾಗ ನಿಮ್ಮ ಮುಖವನ್ನು ಸ್ಪರ್ಶಿಸಿದರೆ, ಇದು ಇನ್ನೊಬ್ಬ ವ್ಯಕ್ತಿಯ ಮೇಲೆ ಕೆಟ್ಟ ಅಭಿಪ್ರಾಯವನ್ನು ಉಂಟು ಮಾಡಬಹುದು. ನೀವು ಹೆದರಿಕೆ, ಆತ್ಮವಿಶ್ವಾಸದ (Confidence) ಕೊರತೆ ಮತ್ತು ನಿಯಂತ್ರಣವನ್ನು ಯೋಜಿಸುತ್ತೀರಿ ಎಂಬರ್ಥವನ್ನು ತರಬಹುದು. ಈ ಗೆಸ್ಚರ್ ಜನರಿಗೆ ಖುಷಿ ನೀಡುವುದಿಲ್ಲ. ಸಂಭಾಷಣೆಯಲ್ಲಿ (Conversation) ನೀವು ಮನಸ್ಸಿನ ಉಪಸ್ಥಿತಿಯನ್ನು ಹೊಂದಿರುವುದಿಲ್ಲ ಎಂದು ಅದು ಹೇಳುತ್ತದೆ.
Mind Your Tongue: ಬೇಕಾಬಿಟ್ಟಿ ಮಾತನಾಡೋ ಮುನ್ನ ಹೋಲ್ಡ್ ಆನ್
ಹೆಣೆದುಕೊಂಡಿರುವ ಬೆರಳುಗಳು: ಅನೇಕ ಜನರು ಮಾತನಾಡುವಾಗ ತಮ್ಮ ಕೈಗಳನ್ನು ಅಥವಾ ಬೆರಳುಗಳನ್ನು ಮಡಚಿಟ್ಟುಕೊಳ್ಳುವ ಅಭ್ಯಾಸವನ್ನು ಹೊಂದಿದ್ದಾರೆ. ಇದು ತುಂಬಾ ಒಳ್ಳೆಯ ಸೂಚಕವಲ್ಲ. ನೀವು ಅಧಿಕಾರ ಹೊಂದಿರುವವರಂತೆ ವರ್ತಿಸುವಂತೆ ಭಾವಿಸಬಹುದು. ಆದರೆ ಇದು ವಾಸ್ತವವಾಗಿ ವಿರುದ್ಧವಾಗಿರುತ್ತದೆ. ನೀವು ಚಿಂತಿತರಾಗಿದ್ದೀರಿ ಮತ್ತು ಆತ್ಮವಿಶ್ವಾಸದ ಕೊರತೆಯನ್ನು ಹೊಂದಿರುತ್ತೀರಿ ಎಂದು ಇಂಥಾ ವರ್ತನೆ (Behaviour) ಹೇಳುತ್ತದೆ. ನೀವು ಏನನ್ನಾದರೂ ಪ್ರಸ್ತುತಪಡಿಸುತ್ತಿದ್ದರೆ ಮತ್ತು ನಿಮ್ಮ ಬೆರಳುಗಳು ಆ ಗೆಸ್ಚರ್ನಲ್ಲಿದ್ದರೆ, ನೀವು ಸಿದ್ಧತೆಯ ಕೊರತೆಯನ್ನು ಗ್ರಹಿಸಬಹುದು.
ಬೆನ್ನಿನ ಹಿಂದೆ ನಿಮ್ಮ ತೋಳನ್ನು ಕಟ್ಟಿಕೊಳ್ಳುವುದು: ಇಂಥಾ ವರ್ತನೆ ನೀವು ಅತಿಯಾದ ಗಾಂಭೀರ್ಯತೆಯನ್ನು ಹೊಂದಿದ್ದೀರಿ ಎಂಬುದನ್ನು ಹೇಳುತ್ತದೆ. ಮನಶ್ಶಾಸ್ತ್ರಜ್ಞರ ಪ್ರಕಾರ, ಈ ಗೆಸ್ಚರ್ ನಿಮಗೆ ಅವರ ಬಗ್ಗೆ ಖಾತ್ರಿಯಿಲ್ಲ ಎಂದು ಹೇಳುವ ಒಂದು ಮಾರ್ಗವಾಗಿದೆ.
ಕಾಲುಗಳನ್ನು ಅಡ್ಡವಾಗಿಟ್ಟು ನಿಂತುಕೊಳ್ಳುವುದು: ಈ ರೀತಿ ನಿಂತುಕೊಳ್ಳುವ ಅಭ್ಯಾಸ ನಿಮ್ಮ ಆತ್ಮವಿಶ್ವಾಸದ ಕೊರತೆಯನ್ನು ತೋರಿಸುತ್ತದೆ. ಮತ್ತು ನಿಮ್ಮ ಮಾತುಗಳು ಹೆಚ್ಚು ಪರಿಣಾಮಕಾರಿಯಾಗಿರುವುದಿಲ್ಲ. ಈ ಭಂಗಿಯು ನಿಮ್ಮನ್ನು ಆತಂಕದಿಂದ ಕಾಣುವಂತೆ ಮಾಡುತ್ತದೆ. ನೀವು ತುಂಬಾ ಅಂತರ್ಮುಖಿ ಮನಸ್ಥಿತಿ ಹೊಂದಿರುವಂತೆ ಭಾಸವಾಗುತ್ತದೆ.
ಪ್ರೀತಿ ಹೇಳು ಮಾತೇ ಬೇಕಿಲ್ಲ... ಒಂದು ಕಿರು ನೋಟ, ನಗು, ಸ್ಪರ್ಶವೂ ಸಾಕು
ಪ್ರತಿಕ್ರಿಯೆಯ ಕೊರತೆ: ಮತ್ತೊಬ್ಬ ವ್ಯಕ್ತಿಯ ಜೊತೆ ಸಂಭಾಷಣೆ ಮಾಡುವಾಗ ನೀವು ಕಣ್ಣಿನ ಸಂಪರ್ಕವನ್ನು ಮಾಡಬೇಕು ಮತ್ತು ನೀವು ಅವರ ಮಾತನ್ನು ಕೇಳುತ್ತಿರುವಿರಿ ಎಂಬುದನ್ನು ತೋರಿಸಬೇಕು. ನೀವು ಪ್ರತಿಕ್ರಿಯಿಸದಿದ್ದರೆ, ಕಣ್ಣಿನ ಸಂಪರ್ಕವನ್ನು ಮಾಡದಿದ್ದರೆ, ತಲೆಯಾಡಿಸದಿದ್ದರೆ ಇದು ಮಾತುಕತೆಯಲ್ಲಿ ನಿಮಗೆ ಆಸಕ್ತಿಯಿಲ್ಲ ಎಂಬುದನ್ನು ತೋರಿಸುತ್ತದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.