Niveditha Gowdaಗೆ ಬಂದ ಕಮೆಂಟ್ಸ್​ಗಳೇ ಈಗ Rap Music: ಚಂದನ್​ ಶೆಟ್ಟಿನೂ ಸುಸ್ತಾಗಿ ಹೋಗ್ತಾರೆ ಎಂದ ನೆಟ್ಟಿಗರು!

ಡಿವೋರ್ಸ್ ಬಳಿಕ ಹಾಟ್ ಫೋಟೋಗಳಿಂದ ಟ್ರೋಲ್ ಆಗುತ್ತಿರುವ ನಿವೇದಿತಾ ಗೌಡ ಅವರಿಗೆ ಬರುವ ಕೆಟ್ಟ ಕಮೆಂಟ್‌ಗಳೇ ಈಗ ಸುದ್ದಿಯಲ್ಲಿವೆ. ಈ ಅಶ್ಲೀಲ ಮತ್ತು ಅವಮಾನಕಾರಿ ಕಮೆಂಟ್‌ಗಳನ್ನೇ ಬಳಸಿ 'ಕಮೆಂಟ್‌ಬಾಕ್ಸ್ ಕನ್ನಡ' ಎಂಬ ಖಾತೆಯು ಒಂದು ವಿಶಿಷ್ಟವಾದ ರಾಪ್ ಹಾಡನ್ನು ಸೃಷ್ಟಿಸಿದ್ದಾರೆ.  

ಹಾಟೆಸ್ಟ್​ ನಿವೇದಿತಾ ಗೌಡ

ನಿವೇದಿತಾ ಗೌಡ (Niveditha Gowda) ದಿನದಿಂದ ದಿನಕ್ಕೆ ಹಾಟ್​ ಆಗಿ ಕಾಣಿಸಿಕೊಂಡು ಟ್ರೋಲ್​ಗೆ ಒಳಗಾಗ್ತಿರೋ ವಿಷ್ಯ ನೆಟ್ಟಿಗರಿಗೆ ಗೊತ್ತಿದ್ದದ್ದೇ. ಚಂದನ್​ ಶೆಟ್ಟಿ ಅವರನ್ನು ಮದುವೆಯಾಗುವ ಮೊದಲೇ ರೀಲ್ಸ್​ ಮಾಡಿಕೊಂಡು ಟ್ರೋಲ್​ಗೆ ಒಳಗಾಗಿದ್ದರಿಂದಲೇ ಬಿಗ್​ಬಾಸ್​ನಲ್ಲಿಯೂ ಅವಕಾಶ ಗಿಟ್ಟಿಸಿಕೊಂಡಿದ್ದ ನಟಿ, ಇದೀಗ ಡಿವೋರ್ಸ್​ ಬಳಿಕ ತುಂಡುಡುಗೆಯಿಂದ ಫೇಮಸ್​ ಆಗ್ತಿದ್ದಾರೆ.

ಪ್ಲಾಸ್ಟಿಕ್​ ಸರ್ಜರಿ?

ಬಳಕುವ ಬಳ್ಳಿಯಂಥ ಶರೀರವಿದ್ದರೂ ಪ್ಲಾಸ್ಟಿಕ್​ ಸರ್ಜರಿ ಮಾಡಿಸಿಕೊಂಡ ರೀತಿಯಲ್ಲಿ ಧಾರಾಳ ದೇಹ ಪ್ರದರ್ಶನ ಮಾಡುತ್ತಲೇ ದಿನನಿತ್ಯವೂ ಅತ್ಯಂತ ಕೆಟ್ಟ ಕೆಟ್ಟ ಕಮೆಂಟ್ಸ್​ಗಳನ್ನು ಹಾಕಿಸಿಕೊಳ್ಳುತ್ತಿದ್ದಾರೆ ನಿವೇದಿತಾ. ಇದೇನೇ ಆದರೂ ಅವರು ಡೋಂಟ್​ ಕೇರ್​.

ಟ್ರೋಲಿಗರಿಂದಲೇ ಜೀವನ

ಇವರು ರೀಲ್ಸ್​ ಮಾಡಿದರು ಎಂದರೆ ಸಾಕು, ಅದನ್ನು ಬಾಯಿ ಚಪ್ಪರಿಸಿಕೊಂಡು ನೋಡುತ್ತಾ, ಟ್ರೋಲ್​ ಮಾಡುವ ದೊಡ್ಡ ವರ್ಗ ಇದೆ, ಇದರಿಂದಲೇ ತಮಗೆ ಒಳ್ಳೆಯ ಸಂಪಾದನೆ ಎನ್ನುವುದು ನಿವೇದಿತಾ ಅವರಂಥ ಅನೇಕ ಯುವತಿಯರಿಗೆ ಗೊತ್ತಿರುವ ವಿಷ್ಯವೇ. ಇದೇ ಕಾರಣದಿಂದ ಕೆಟ್ಟ ಕಮೆಂಟ್ಸ್​ ಹೆಚ್ಚಾದಷ್ಟೂ ಅಂಗಾಂಗ ಪ್ರದರ್ಶನ ಮಿತಿ ಮೀರಿ ಹೋಗುವುದು ಇದೆ.

ಕೆಟ್ಟ ಕಮೆಂಟ್ಸ್​ Rap song

ಇದೇ ಸಾಲಿಗೆ ಸೇರಿರುವ Bigg Boss ಖ್ಯಾತಿಯ ನಿವೇದಿತಾ ಗೌಡ ಅವರಿಗೆ ಬರುವ ಅತ್ಯಂತ ಕೆಟ್ಟ ಕಮೆಂಟ್ಸ್​ಗಳನ್ನೇ Rap song ಮಾಡಲಾಗಿದೆ ಎಂದರೆ ನಂಬುತ್ತೀರಾ? ನಂಬಲೇ ಬೇಕು.

ಮಾನ ಹರಾಜಾಗುವ ಕಮೆಂಟ್ಸ್​

ಈ ಕಮೆಂಟ್ಸ್​ಗಳು ಎಷ್ಟು ಕೆಟ್ಟದ್ದಾಗಿರುತ್ತವೆ, ಮಾನ ಹರಾಜು ಹಾಕುವಂಥದ್ದು ಇರುತ್ತವೆ, ನಾಚಿಕೆಗೇಡಿನದ್ದಾಗಿರುತ್ತದೆ ಎನ್ನುವುದನ್ನು ಈ Rap ನೋಡಿದರೆ ತಿಳಿಯುತ್ತದೆ. ಖುದ್ದು ಚಂದನ್ ಶೆಟ್ಟಿ ಅವರೇ Rapper ಆಗಿರುವ ಕಾರಣ, ಅವರಿಗೂ ಕೂಡ ಇಂಥ ಐಡಿಯಾ ಬಂದಿರಲಿಕ್ಕಿಲ್ಲ ಎನ್ನುತ್ತಿದ್ದಾರೆ ನೆಟ್ಟಿಗರು.

ಕಂಪೋಸ್​ ಮಾಡಿದ್ದು ಯಾರು?

ಇದನ್ನು ಕಂಪೋಸ್​ ಮತ್ತು ಎಡಿಟಿಂಗ್​ ಮಾಡಿರುವುದು jewinson_urf_commentbox, kannada ಎಂದು ಬರೆದುಕೊಳ್ಳಲಾಗಿದ್ದು, ಕಮೆಂಟ್ಸ್​ಗಳನ್ನೇ ಹೇಗೆ rap song ಮಾಡಬಹುದು ಎನ್ನುವುದನ್ನು ಅದ್ಭುತವಾಗಿ ಇವರು ತೋರಿಸಿಕೊಟ್ಟಿದ್ದಾರೆ.

ಕಮೆಂಟ್ಸ್​ ಓದಲು ಬಂದ...

ಕಮೆಂಟ್ಸ್​ ಓದಲು ಬಂದ ತಜ್ಞರಿಗೆ ಸ್ವಾಗತ ಎನ್ನುವುದು ಇವರ ರೀಲ್ಸ್​ಗಳಲ್ಲಿ ಹೆಚ್ಚಾಗಿ ಇರುವ ಕಮೆಂಟ್​. ಅದರಿಂದ ಆರಂಭವಾಗಿರುವ ಈ Rap song ಬಳಿಕ ಅತ್ಯಂತ ಕೆಟ್ಟ, ಅಶ್ಲೀಲ ಪದಗಳಿಂದ ತುಂಬಿರುವ ಕಮೆಂಟ್ಸ್​ಗಳನ್ನೂ ಒಳಗೊಂಡಂತೆ ಸಂಗೀತವನ್ನು ಕಂಪೋಸ್​ ಮಾಡಲಾಗಿದೆ.

ಇಲ್ಲಿದೆ ನೋಡಿ Rap Music