ತಾರೆಯರು ತಮ್ಮ ವಯಸ್ಸಿಗೆ ತಕ್ಕಂತಹ ಪಾತ್ರಗಳನ್ನು ಮಾಡುವುದು ಸಾಮಾನ್ಯವಾಗಿದೆ. ಕೆಲವೊಮ್ಮೆ ಈ ಸೆಲೆಬ್ರಿಟಿಗಳು ತಮ್ಮ ತೆರೆಯ ಮೇಲಿನ ಪಾತ್ರಗಳ ಅಗತ್ಯಗಳನ್ನು ಪೂರೈಸಲು ಮೇಕ್ ಓವರ್ ಗೆ ಒಳಗಾಗುತ್ತಾರೆ. ತಮ್ಮ ವಯಸ್ಸಿಗಿಂತ ಎರಡು ಪಟ್ಟು ಹಿರಿಯ ವಯಸ್ಸಿನ ಪಾತ್ರಗಳನ್ನು ನಿರ್ವಹಿಸುತ್ತಾರೆ. ಅಂತಹ ಕೆಲವು ಕನ್ನಡ ಸೆಲೆಬ್ರಿಟಿಗಳ (celebreties) ಪಟ್ಟಿ ಇಲ್ಲಿದೆ.
ಗೀತಾ ಸೀರಿಯಲ್ ನಲ್ಲಿ ವಿಜಯ್ ಮಲ ತಾಯಿಯಾಗಿ ಮತ್ತು ಇಬ್ಬರು ಯುವ ಮಕ್ಕಳ ತಾಯಿಯಾಗಿ ಮಿಂಚುತ್ತಿರುವ ನಟಿ ಶರ್ಮಿತಾ ಗೌಡ, ನಿಜ ಜೀವನದಲ್ಲಿ ಸಖತ್ ಬೋಲ್ಡ್ ಆಗಿರುವ ಮಾಡೆಲ್. ಇವರು ಮಿಸಸ್ ಕರ್ನಾಟಕ, ಮಿಸಸ್ ಚಿಕ್ಕಮಗಳೂರು ಪ್ರಶಸ್ತಿಗಳನ್ನು ಸಹ ಪಡೆದಿದ್ದಾರೆ.
ಹಲವಾರು ಸೀರಿಯಲ್ ಗಳಲ್ಲಿ ನಡುವಯಸ್ಸಿನ ತಾಯಿ ಪಾತ್ರದಲ್ಲಿ ನಟಿಸಿರುವ ನಟಿ ಜ್ಯೋತಿ ಕಿರಣ್ ನಿಜ ಜೀವನದಲ್ಲಿ ಪುಟಾಣಿ ಮಗುವಿನ ತಾಯಿ. ಇವರು ‘ನಮ್ಮನೆ ಯುವರಾಣಿ’ ಸೀರಿಯಲ್ ನಲ್ಲಿ ಮೀರಾ ತಾಯಿಯಾಗಿ ನಟಿಸಿದ್ದರು.
'ಪುಟ್ಟಗೌರಿ ಮದುವೆಎಂಬ ಮೆಗಾ ಸೀರಿಯಲ್ ನಲ್ಲಿ ತೆರೆಯ ಮೇಲಿನ 'ಅಜ್ಜಮ್ಮ' ಪಾತ್ರಕ್ಕೆ ಹೆಸರುವಾಸಿಯಾದ ಚಂದ್ರಕಲಾ, ಈ ಧಾರಾವಾಹಿಯಲ್ಲಿ ಮುತ್ತಜ್ಜಿಯ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅಲ್ಲದೇ ‘ಕಮಲಿ’ ಸೀರಿಯಲ್ ನಲ್ಲೂ ಸಹ ಇವರು ಅಮ್ಮಮ್ಮನ ಪಾತ್ರದಲ್ಲಿ ನಟಿಸಿದ್ದರು. ಆದರೆ ಇವರ ವಯಸ್ಸು ಅದಕ್ಕೆ ಅರ್ಧದಷ್ಟಿದೆ.
ಮಾಜಿ ಮಿಸ್ ಕರ್ನಾಟಕ ಪ್ರಸ್ತುತ ಕನ್ನಡ ಕಿರುತೆರೆಯ ತೆರೆಯ ಮೇಲೆ ಹಲವಾರು ಸೀರಿಯಲ್ ಗಳಲ್ಲಿ ನಡು ವಯಸ್ಸಿನ ತಾಯಿಯ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ನಟಿ ತನ್ನ ನಿಜವಾದ ವಯಸ್ಸಿಗಿಂತ ಹೆಚ್ಚಿನ ವಯಸ್ಸಿನ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಈ ನಟಿ ಕಳೆದ ವರ್ಷವಷ್ಟೇ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು.
ಭವ್ಯಾ ಕೂಡ ತನ್ನ ವೃತ್ತಿಜೀವನದಲ್ಲಿ ಹಲವಾರು ಕಿರುತೆರೆ ನಾಯಕ, ನಾಯಕಿಯರಿಗೆ ತಾಯಿಯಾಗಿ ನಟಿಸಿದ್ದಾರೆ. ನಟಿ ಈ ಹಿಂದೆ ತನ್ನ ಚಿಕ್ಕ ವಯಸ್ಸಿನಲ್ಲಿದ್ದಾಗ ವಯಸ್ಸಾದ ಪ್ರಾಬಲ್ಯದ ಮಹಿಳೆಯ ಪಾತ್ರವನ್ನು ನಿರ್ವಹಿಸಿದ್ದರು. ಇವರ ಮಗ ಇನ್ನೂ ಪ್ರೈಮರಿ ಕಲಿಯುತ್ತಿರುವ ಪುಟಾಣಿ ಹುಡುಗ.
ನಿಜ ಜೀವನದಲ್ಲಿ ಸಖತ್ ಆಗಿ ಗ್ಲಾಮರಸ್ ಆಗಿರುವ ನಟಿ ಯಮುನಾ, ರೀಲ್ ಜೀವನದಲ್ಲಿ ತಮ್ಮ ವಯಸ್ಸಿಗಿಂತ ಎರಡು ಪಟ್ಟು ಹೆಚ್ಚಿರುವ ಹಿರಿಯ ಪಾತ್ರಗಳಿಗೆ ಜೀವ ತುಂಬಿ ನಟಿಸಿದ್ದಾರೆ. ಕಮಲಿ ಸೀರಿಯಲ್ ನಲ್ಲಿ ಕಮಲಿಯ ತಾಯಿಯಾಗಿ ಈ ನಟಿ ಮಿಂಚಿದ್ದರು.
ಜ್ಯೋತಿ ತಮ್ಮ ವೃತ್ತಿ ಜೀವನದಲ್ಲಿ ಸವಾಲಿನ ಪಾತ್ರವನ್ನು ತೆಗೆದುಕೊಳ್ಳಲು ಯಾವಾಗಲೂ ಉತ್ಸುಕರಾಗಿದ್ದಾರೆ. ಕಸ್ತೂರಿನಿವಾಸ ಧಾರಾವಾಹಿಯಲ್ಲಿ NGO ನಡೆಸುತ್ತಿರುವ ವೃದ್ಧ ಮಹಿಳೆಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ನಿಜ ಜೀವನದಲ್ಲಿ ಇವರು ಯಂಗ್ ತಾಯಿಯಾಗಿದ್ದಾರೆ.