ಬೈಕ್ ಏರಿ ಸಖತ್ ಪೋಸ್ ನೀಡಿದ 'ಪುಟ್ಟಕ್ಕನ ಮಕ್ಕಳು' ಬಂಗಾರಮ್ಮ; ಫ್ಯಾನ್ಸ್ ಫಿದಾ

ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯ ಬಂಗಾಮ್ಮ ಖ್ಯಾತಿಯ ನಟಿ ಮಂಜುಭಾಷಿಣಿ ಅವರ ಹೊಸ ಫೋಟೋ ಅಭಿಮಾನಿಗಳನ್ನು ಅಚ್ಚರಿ ಮೂಡಿಸುವಂತೆ ಮಾಡಿದೆ. ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಖಡಕ್ ತಾಯಿಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ನಟಿ ಮಂಜುಭಾಷಿಣಿ ಬೈಕ್ ಏರಿ ಮಸ್ತ್ ಪೋಸ್ ನೀಡಿದ್ದಾರೆ. 

ಪುಟ್ಟಕ್ಕನ ಮಕ್ಕಳು ಬಂಗಾರಮ್ಮನನ್ನು ನೋಡಿದ ಅಭಿಮಾನಿಗಳು ಮಂಜುಭಾಷಿಣಿ ಅವರ ಹೊಸ ಅವತಾರಕ್ಕೆ ಶಾಕ್ ಆಗಿದ್ದಾರೆ. ಧಾರಾವಾಹಿಯಲ್ಲಿ ಸೀರೆ ಧರಿಸಿ ಗತ್ತು, ಗಾಂಭಿರ್ಯದಲ್ಲಿ ಬೀಗುತ್ತ ಪಕ್ಕ ಯಜಮಾನಿ ಹಾಗೆ ಇರುವ ಬಂಗಾರಮ್ಮ ಈ ಪರಿ ಬೋಲ್ಡ್ ಆಗಿದ್ದಾರಾ ಎಂದು ಅಚ್ಚರಿ ಪಡುವಂತಾಗಿದೆ. 

ಅಂದಹಾಗೆ ಮಂಜು ಭಾಷಿಣಿ ಸಿಲ್ಲಿ ಲಲ್ಲಿ ಧಾರಾವಾಹಿ ಮೂಲಕ ಸಿಕ್ಕಾಪಟ್ಟೆ ಖ್ಯಾತಿಗಳಿಸಿದ್ದರು. ಆ ಸೀರಿಯಲ್‌ನಲ್ಲಿ ಲಲಿತಾಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಕಾಮಿಡಿ ಧಾರಾವಾಹಿ ಆದಾಗಿತ್ತು. ಕಿರುತೆರೆ ಪ್ರೇಕ್ಷಕರನ್ನು ಹಾಸ್ಯದ ಮೂಲಕ ರಂಜಿಸುತ್ತಿದ್ದ ಮಂಜುಭಾಷಿಣಿ ಇದೀಗ ಗತ್ತು, ಗಾಂಭೀರ್ಯದ ಬಂಗಾರಮ್ಮ ಮಿಂಚುತ್ತಿದ್ದಾರೆ. 

ಅಂದಹಾಗೆ ಮಂಜುಭಾಷಿಣಿ ಸದ್ಯ ಶೇರ್ ಮಾಡಿರುವ ಫೋಟೋ ಇವಾಗಿನದಲ್ಲ. ಹಳೆಯ ಫೋಟೋ. ಹಳೆಯ ಫೋಟೋ ಶೇರ್ ಮಾಡಿ, ಆಲ್ಬಮ್ ತಿರುವಿದಾಗ ನನ್ನ ಹಳೆಯ ಚಿತ್ರಗಳನ್ನು ನೋಡುತ್ತಾ..ನಾನು ಗಮನಿಸಿದ ನನ್ನ ಪ್ರಮುಖ ಅಂಶ ಅಂದರೆ ನಗು' ಎಂದು ಬರೆದುಕೊಂಡಿದ್ದಾರೆ. 

ಮಂಜುಭಾಷಿಣಿ ಹೊಸ ಫೋಟೋಗೆ ಅಭಿಮಾನಿಗಳಿಂದ ಲೈಕ್ಸ್ ಮತ್ತು ಕಾಮೆಂಟ್ ಹರಿದುಬಂದಿದೆ. ಬಂಗಾರಮ್ಮನನ್ನು ನೋಡಿದ ಅಭಿಮಾನಿಗಳಿಗೆ ಮಂಜುಭಾಷಿಣಿಯನ್ನು ಈ ಅವತಾರದಲ್ಲಿ ನೋಡಿ ನಿಜಕ್ಕೂ ಅವರೇನಾ ಎಂದು ಅಚ್ಚರಿ ಪಟ್ಟಿದ್ದರು ಸಹ, ಹೊಸ ಫೋಟೋಗೆ ಮೆಚ್ಚುಗೆ ವ್ಯಕ್ತವಾಗಿದೆ. 

ನಟಿ ಮಂಜುಭಾಷಿಣಿ ಅನೇಕ ಸಮಯ ಕಿರುತೆರೆಯಿಂದ ದೂರವಾಗಿದ್ದರು. ಲಲಿತಾಂಬ ಆಗಿ ಪ್ರೇಕ್ಷಕರಿಗೆ ಚಿರಪರಿಚವಾಗಿದ್ದ ನಟಿ ಬಳಿಕ ಕಿರುತೆರೆಯಿಂದ ದೂರ ಸರಿದಿದ್ದರು. ಆದರೀಗ ಬಂಗಾರಮ್ಮ ಆಗಿ ಖಡಕ್ ಪಾತ್ರದ ಮೂಲಕ ಮತ್ತೆ ಪ್ರೇಕ್ಷಕರ ಮುಂದೆ ಬಂದಿರುವುದು ಅಭಿಮಾನಿಗಳಿಗೆ ಸಂತಸದ ವಿಚಾರವಾಗಿದೆ. 

ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ಹಿರಿಯ ನಟಿ ಉಮಾಶ್ರೀ ಕೂಡ ನಟಿಸುತ್ತಿದ್ದಾರೆ. ಮೂವರು ಹೆಣ್ಣು ಮಕ್ಕಳ ತಾಯಿ ಪಾತ್ರದಲ್ಲಿ ಉಮಾಶ್ರೀ ಬಮ್ಣ ಹಚ್ಚಿದ್ದಾರೆ. ಧಾರಾವಾಹಿಯ ನಾಯಕ ಕಂಠಿ ತಾಯಿ ಪಾತ್ರದಲ್ಲಿ ಮಂಜುಭಾಷಿಣಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸಾಕಷ್ಟು ಕುತೂಹಲಗಳೊಂದಿಗೆ ಮುಂದೆ ಸಾಗುತ್ತಿರುವ ಈ ಧಾರಾವಾಗಿಯಲ್ಲಿ ಕಂಠಿ ಮತ್ತು ಸ್ನೇಹಾನಿಗೆ ಯಾವಾಗ ಪ್ರೀತಿಯಾಗುತ್ತೆ, ಬಂಗಾರಮ್ಮನ ಮಗನೇ ಕಂಠಿ ಎನ್ನುವ ಸತ್ಯ ಸ್ನೇಹಳಿಗೆ ಯಾವಾಗ ಗೊತ್ತಾಗುತ್ತೆ ಎಂದು ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ.